AzFakt

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Dünyada 3,3 milyondan çox insan koronavirusun qurbanı olub - Ölkələrdə koronavirusla bağlı son vəziyyət


Tarix 14.05.21, 14:16	Font ölçüsü : - / +

ABŞ-da bu günə qədər 33,6 milyon insan koronavirusa yoluxub, 599 minə yaxın insan isə virusun qurbanı olub. Səlahiyyətli şəxslər ölkədə böyük sürətlə vaksinasiya prosesi keçirməyə çalışır. Artıq tam vaksin olunan şəxslər üçün müəyyən qadağalar da aradan qaldırılır. ABŞ Xəstəliklərə Nəzarət və Mübarizə Mərkəzi (CDC), ölkədə koronavirusa qarşı tam vaksin olunan şəxslərin müəyyən şərtlər xaricində evdə və açıq havada maska taxmaq və sosial məsafələr qaydalarına riayət etməsinə ehtiyac olmadığı haqda qərar verib. Mərkəzin mütəxəsisi Roçelle Valenski Ağ Evdə keçirdiyi mətbuat konfransında bildirib:

"Tam vaksin olduqdan sonra pandemiyadan əvvəlki həyatınıza başlaya bilərsiniz.

Hər birimiz həyatımızın əvvəlki vəziyyətinə geri dönəcəyini uzun müddət gözlədik".

Daha bir maraqlı məlumat - ABŞ-da artıq 12-15 yaş arası uşaqlar da vaksin olunacaq. Belə ki, ABŞ Qida və Dərman İdarəsi (FDA) Amerikanın “Pfizer” və Almaniyanın “BioNTech” şirkəti tərəfindən 12-15 yaş arası uşaqlar üçün istehsal olunan koronavirus peyvəndinin istifadəsini təsdiqləyib. Bu barədə FDA komissarı vəzifəsini icra edən Dr. Canet Vudkok qeyd edib:

“Peyvənd yaşının genişlənməsi epidemiyanı sona çatdıracaq və bizi normal həyata qayıtmağa yaxınlaşdıracaq".

Hələ bir müddət əvvəl ABŞ-da 12-15 yaş arasında 2 260 nəfər üzərində “Pfizer/BioNTech" şirkətlərinin istehsal etdiyi vaksinlə sınaqlar aparılmışdı. Sınaqların nəticəsi olaraq, vaksinin 100 faiz effektiv olduğu açıqlamışdı.

Hindistanda isə koronavirus özünün ən dəhşətli mənzərələrini yaratmaqda davam edir. Dünya mətbuatında Hindistanda səhiyyə sisteminin çökdüyü, insanların xəstəxana qarşısında növbə gözləyərkən öldüyü, koronavirusun qurbanlarının dəfn olunması üçün məzarlıq, yandırılmağa yer tapılmadığı haqda tez-tez məlumatlar yayılır.

Son iki ayda ölkədə virusa yoluxanların və ölənlərin sayı rekord həddədir. Bu günə qədər ölkədə 24 milyondan çox insan koronavirusa yoluxub, 262 mindən çox insan isə virusun qurbanı olub. Bununla da Hindistan koronavirusa yoluxanların ümumi sayına görə dünyada ikinci (ABŞ-dan sonra), infeksiya səbəbilə ölənlərin sayına görə isə üçüncü yerdədir. (ABŞ və Braziliyadan sonra).

Hindistanın bir çox məşhur ulduzları, tanınmışları ABŞ və digər ölkələrdən vaksin yardımı istəyib.

Braziliyada isə vəziyyət daha gərgindir. Cənubi Amerika ölkəsi Braziliyanın 210 milyon əhalisinin 15,4 milyon nəfəri koronavirusa yoluxub, 430 mindən çox insanı isə virusun qurbanı olub. Bununla da Braziliya koronavirusdan ölənlərin sayına görə dünyada ABŞ-dan sonra ikinci sıradadır.

Ölkədə gündəlik virusa yoluxanların sayı rekord həddədir. Təkcə son 24 saat ərzində 75 141 yeni yoluxma faktı qeydə alınıb.

Digər ölkələr kimi Braziliya da sürətli vaksinasiya prosesi aparmağa çalışır. Lakin vaksinlərlə bağlı yayılan xəbərlər insanların ümidini sarsıtmağa başlayıb. Ötən gün Braziliya Səhiyyə Nazirliyi Braziliyada hamilə və yeni ana olan qadınlarln koronavirusa qarşı "Oxford-AstraZeneca" şirkətləri tərəfindən hazırlanan vaksinlə peyvənd olunmasını dayandırıldığını elan edib. Səbəb isə mayın 7-də "AstraZeneca" vaksini ilə peyvənd olunan hamilə qadının ölməsi olub.

Səlahiyyətli şəxslər hazırda qadının ölüm səbəbinin peyvəndlə əlaqəli olub-olmadığını araşdırırır. Son dövrlərdə Braziliyada koronavirusdan ölən hamilə qadınların sayı artdığı üçün doğuşdan əvvəl onların peyvənd olunması ilə bağlı qərar verilmişdi. Mütəxəssislər qeyd edir ki, bu qərarın faydaları risklərindən daha çoxdur.

Avropada isə bir sıra ölkələr məhdudiyyətlərdən çıxmağa başlayıb. İsrail artıq mayın sonundan etibarən tamamilə məhdudiyyətlərdən azad olacağını açıqlayıb. Ölkənin baş naziri Benyamin Netanyahu bütün məhdudlaşdırıcı tədbirləri ləğv edib, ölkəni normal vəziyyətə geri qaytarmağa ümidvar olduğunu bildirib:

“Bütün dünyada insanlar vaksin gözləyir, ancaq İsraildə peyvənd insanları gözləyir. Bunu dəyişdirməliyik”.

Netanyahu həmçinin qeyd edib ki, ölkədə 16 yaşdan yuxarı bir milyondan çox insanın koronavirus vaksinasiyasından keçməyib. O vurğulayıb ki, bu proses mayın sonunda tamamlanacaq. Bundan sonra isə ölkədə pandemiya ilə bağlı vəziyyət normallaşacaq.

Asiyanın cənub-şərqində yerləşən Malaziya isə mayın 12-dən sərt məhdudlaşdırıcı tədbirlərə keçib. Hökumət bəyan edib ki, koronavirus infeksiyasının ölkə ərazisində yayılmasının qarşısının alınmasına nəzarəti gücləndirmək məqsədilə iyunun 7-dək sərt məhdudlaşdırıcı tədbirlər tətbiq olunacaq. Bununla da ölkə ərazisində fövqəladə hallar və yük, tədarük və təcili yardım maşınlarının hərəkəti istisna olmaqla, ölkənin vilayətləri arasında bütün hərəkətlər qadağandır.

Ramazan bayramı günü reallaşan digər vilayətlərdə yaşayan qohumları ziyarət etmək də bu il qadağan edildi. Ölkənin bütün təhsil müəssisələri, xarici universitetlərə qəbul üçün beynəlxalq imtahanların orada keçirildiyi hallar istisna olmaqla, göstərilən dövrdə bağlı olacaq.

Qeyd edək ki, Malayziyada son günlərdə koronavirusa yoluxma sayında gündəlik üç min və ya daha artım müşahidə edilir.

Qonşu Gürcüstanda isə ptən gündən başlayaraq, koronavirusun yayılmasının qarşısını almaq məqsədilə tətbiq olunan bəzi məhdudiyyətlər ləğv olunub. Ölkədə məktəblər və uşaq bağçaları öz fəaliyyətlərini bərpa ediblər.

Bundan başqa, daxili ictimai nəqliyyatın hərəkətinə tətbiq olunan məhdudiyyətlər də ləğv edilib. Ölkənin bir sıra dövlət əhəmiyyətli idarələrində elan edilən tətil də bu gün bitib və fəaliyyətlər bərpa olunub. Lakin keçən il noyabrın 28-dən tətbiq olunan “komendant saatı” qüvvədə qalır. Hökumət rəsmiləri “komendant saatı”nın mayın sonunda yüngülləşdirilə biləcəyini istisna etmirlər.

Musavat.com

Xəbərin oxunma sayı : 862