AzFakt

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Gənc oğlan arvadını başqa kişi ilə gördü, onları izlədi və… - TƏFƏRRÜAT


Tarix 31.03.22, 15:27	Font ölçüsü : - / +

Xırdalan şəhərində 1993-cü il təvəllüdlü Mahir gəzdiyi qadının əri Emilə (adlar şərti verilib – red.) xəsarət yetirib. Demokrat.az xəbər verir ki, Emil yüngül dərəcəli sərxoş vəziyyətində boşanmaqda olduğu arvadı Şirini tanımadığı və sonradan adının Mahir olduğunu bildiyi kişi ilə görüb.

Bu zaman onların arasında qısqanclıq zəminində mübahisə yaranıb. Mübahisə zamanı Mahir Emili döyərək, ona xəsarət yetirib.

Cinayət işi üzrə təqsirləndirilən şəxs qismində ifadə verən Mahir ona elan olunmuş ittiham üzrə özünü təqsirli bilib. O bildirib ki, oynaq iltihabından əziyyət çəkdiyi üçün həkimə müraciət edib və müayinə olunduqdan sonra ona müəyyən dərman, sistemlər yazılıb: “Reseptdə qeyd olunan iynə-dərmanları aldıqdan sonra tanışım Sahibənin bacısı Şirinə müraciət etdim və sistemlərni köçürüb, iynələrini vurmasını xahiş etdim. Sonuncu isə razılaşdı”.

Təqsirləndirilən şəxs deyib ki, növbəti gün, saat 21 radələrində Şirinə zəng edib: “İşdən çıxdığımı bildirdim və evimə gələ bilib-bilməyəcəyini soruşdum. Şirin isə gələ biləcəyini dedi, onu ünvanından götürməsini xahiş etdi. Buna görə də saat 22 radələrində Şirinin yaşadığı Xırdalan şəhəri, 27-ci məhəlləyə getdim. Onu idarə etdiyim “Mitsubishi” markalı evakuatorla yaşadığım ünvana apardım. Sistemlər köçürüldükdən sonra isə gecə saat 00.30-da biz evdən çıxdıq. Maşına yaxınlaşan zaman sonradan adını bildiyim Emil Şirinə yaxınlaşaraq gecə saatlarında orada nə etdiyini soruşdu. Mən isə sistem köçürməsi üçün Şirinin gətirdiyimi izah etməyə çalışdım. Lakin Emil buna inanmadı. Bizim aramızda münasibət olduğunu iddia edərək yenidən Şirinlə mübahisə etməyə başladı. Mübahisəni sakitləşdirməyə çalışan zaman Emil Şirinin qolundan tutaraq itələdi. Daha sonra mənə yaxınlaşaraq yumruqla baş nahiyəmə bir dəfə zərbə vurdu”.

Mahirin ifadəsinə görə, bundan sonra Emilin sol gicgah nahiyəsinə bir dəfə yumruqla zərbə vuraraq qarşılıq verib: “Həmin vaxt polis əməkdaşları oraya gəldi və bizi polis idarəsinə apardılar”.

Cinayət işi üzrə zərərçəkmiş şəxs qismində ifadə verən Emilin sözlərinə görə, hadisədən altı il əvvəl Şirin ilə rəsmi nikaha daxil olub: “Bu nikahdan bizim bir övladımız dünyaya gəldi. Əvvəllər münasibətlərimiz yaxşı olsa da, sonradan Şirinin başqa bir şəxslə danışdığını bildim. Bu səbəbdən bizim münasibətlərimiz pisləşdi. Bundan sonra isə ayrı yaşamağa başladıq. Təxminən bir il olarki biz ayrı yaşayırıq. Buna görə də Şirin boşanmaq üçün Abşeron rayon Məhkəməsinə müraciət etdi”.

Zərərçəkmiş deyib ki, hadisə günü saat 18 radələrində yaşadığı evdə spirtli içki olan pivə içdikdən sonra Şirinin yaşadığı, ünvana gəlib: “Həmin gün təxminən saat 23 radələrində Şirinin evdən çıxaraq yaxınlıqda saxlamış “Mitsubishi” markalı evakuatora əyləşdiyini gördüm. Dərhal taksiyə oturaraq onların arxasınca getdim. Xırdalan şəhəri, Nizami küçəsində onlar maşından düşərək birlikdə bir evə getdilər. Saat 00.30-da isə həmin evdən çıxdılar. Bu zaman sonradan adını bildiyim Mahirlə Şirinə yaxınlaşdım, polis çağırdığımı dedim və heç yerə getməmələrini tələb etdim. Bunu eşitdikdə Mahirlə Şirin mənim ünvanıma təhqiramiz ifadələr səsləndirdi. Sonra aramızda mübahisə baş verdi. Yaranmış mübahisə zamanı Şirini kənara itələdim. Mahirin baş nahiyəsinə yumruqla bir dəfə zərbə vurdum. Həmin vaxt Mahir də üzərimə gələrək mənim sol gicgah nahiyəmə iki dəfə yumruq zərbələri vurdu. Zərbələrin təsirindən müvazinətimi itirərək yerə yıxıldım. Daha sonra isə polis əməkdaşları oraya gəldi, bizi polis idarəsinə apardılar”.

Zərərçəkmiş deyib ki, təqsirləndirilən şəxs ilə aralarında barışıq olduğu üçün ona qarşı heç bir şikayəti yoxdur.

Bu cinayət işinə Abşeron rayon Məhkəməsində baxılıb.

Məhkəmə təqsirləndirilən şəxslə zərərçəkmişin barışmasını nəzərə alıb və onun barəsində olan cinayət təqibinə xitam verib.

Mahir cinayət məsuliyyətindən azad edilib.

Xəbərin oxunma sayı : 1027