AzFakt

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Lisenziyası olmayan kurslar 600 manata diplom satır


Tarix 30.11.14, 18:10	Font ölçüsü : - / +

“Kursumuza müraciət edən hər bir şəxs fərdi şəkildə öyrədilir. Ödəniş haqqı hər ay üçün 100 manatdır. Həftədə üç dəfə dərsdə iştirak etmək vacibdir...”

Azərbaycanda
müxtəlif adda peşə hazırlığı kursları fəaliyyət göstərir. Həmin
kurslarda dizayn, dil, kompüterdən istifadə bacarıqları və s. öyrədilir.

Bu
cür kursların reklamlarına müxtəlif yerlərdə rast gəlinir. Bu günlərdə
52 saylı marşrut avtobusunda rast gəldiyimiz bir reklam isə bizi xeyli
təəccübləndirdi. Kurs reklamlarında bildirilirdi ki, burada stomatoloq,
ginekoloq hazırlanır.

Kursun əlaqə nömrəsini
götürüb məlumat almaq istədik, lakin istəyimizə nail ola bilmədik. Odur
ki, növbəti dəfə özümüzü kursa müraciət etmək istəyən bir vətəndaşın
yaxını kimi təqdim edib suallarımıza cavab aldıq.

600 manat ödəyirsən və...

Suallarımızı
cavablandıran Kərim Quliyev (ad-soyad şərtidir-red.) dedi ki,
kosmetoloq kursları 3 aylıqdır: “Kursumuza müraciət edən hər bir şəxs
fərdi şəkildə öyrədilir. Ödəniş haqqı hər ay üçün 100 manatdır. Həftədə
üç dəfə dərsdə iştirak etmək vacibdir”.

Onun sözlərinə görə, kursda kosmetologiyadan dərs deyən müəllim gözəllik salonunda işləyir: “Həmin şəxs kosmetoloq-həkimdir”.

K.Quliyev
stomatoloq kursları barədə də məlumat verdi: “Stomatoloq kursları
oğlanlar üçündür. Təhsil müddəti bir ildir. Həftədə iki dəfə dərs
keçilir”.

Öyrəndik ki, hər dərs saat yarım davam edir: “Bir il dərs keçirilir, amma hər ay 60 manat olmaqla 600 manat ödəniş edilməlidir”.

Mama-ginekologiya
kurslarına gəlincə isə öyrəndik ki, burada da təhsil 1 il davam edir:
“Hər ay üçün təhsilhaqqı 50 manatdır. Dərslər həftədə üç dəfə keçirilir.
Yeni qruplar üçün dərslər dekabrın 1-dən başlayacaq. Əvvəlki qrupların
dərsi isə davam edir”.

K.Quliyevin dediyinə
görə, dərslər hər ay qrup şəklində təşkil edilir: “Dərslər kollec
sistemi ilə keçirilir. Tələbə 6 ay dərsə gəlir, nəzəriyyəni öyrənir.
Bundan sonra isə “Diaqnoz” Tibb Mərkəzində, ginekoloqun yanında təcrübə
keçir”.

Kurs rəsmisi: “Biz işimizə çox ciddi yanaşırıq”

Kərim
Quliyev kursu bitirənlərə diplom verdiklərini söylədi: “Bizim kursumuz
özəldir. Buranı bitirənlər arasında işə düzələnlər də var. Amma bundan
sonra bitirənlər necə işləyərlər, daha orasını deyə bilmərəm.
Ümumiyyətlə, işləyənlər çoxdur. Ginekologiya kursumuzda dərs deyən
müəllimlər müalicə kurslarının həkimləridir. Həkim harada işləyirsə,
kursumuzun uşaqlarını da yanına aparır və orada müraciət edən xəstələr
üzərində praktika keçirilir”.

K.Quliyev kursda
maksimum səviyyədə təhsil verildiyini vurğuladı: “Bizdə sıxlaşdırılmış
təhsil sistemidir. Məsələn, bir gənc 3-3,5 il texnikumda oxuyur, amma
orada lazımınca bir şey öyrənə bilmir. Kursumuzda isə ödəniş elədiyinə
görə hər ay fərdi şəkildə və ya qrup şəklində müəllim bir-bir öyrədir,
təkrar-təkrar başa salır. Hamısını bir-bir öyrədəndən sonra bir də
baxırsan ki, gənc tam öyrəndi. Kursumuzda hər ay keçilən təhsil əsasında
imtahan verilir - test imtahanı. Biz çox ciddi yanaşırıq ki, öyrənə
bilsinlər. Verilən sənədin nə dərəcədə etibarlı olmasına gəlincə isə
bizdə hüquqi müəssisədir, hüquqi statusumuz var, özəl müəssisə olaraq 8
ildir fəaliyyət göstəririk”.

“Əgər kimsə iddia edirsə, aldatmaq üçün deyir”

K.Quliyev
“kursunuzun Təhsil və ya Səhiyyə nazirliklərindən aldığı hər hansı
lisenziyası varmı” sualımıza belə cavab verdi: “Azərbaycanda olan bu cür
kursların heç biri Təhsil Nazirliyinin qeydiyyatında deyil. Kim deyirsə
ki bizim kursumuz həmin nazirliklərdə qeydiyyatdan keçib, yalan deyir.
Araşdırsan, axtarsan görəcəksən ki, kökü mərkəzdə yoxdur. Əgər kimsə
iddia edirsə, aldatmaq üçün deyir. Mən həqiqəti deyirəm, olan budur.
Təhsil və Səhiyyə nazirlikləri belə kursları qeydiyyata almayıb,
lisenziya verməyib”.

Bəs Təhsil Nazirliyində bu
kursların fəaliyyəti barədə nə düşünürlər? Bu kursların verdikləri
diplomların həqiqətən hüquqi əsası varmı? Həmin sənədlər əsasında dövlət
və ya özəl müəssisələrdə çalışmaq olarmı?

Bu
və digər suallara cavab almaq məqsədi ilə Təhsil Nazirliyinə və Səhiyyə
Nazirliyinə yazılı sorğu göndərdik. Yaxın günlərdə nazirliklərin mövzu
ilə bağlı mövqeyini də oxucularımıza geniş şəkildə təqdim edəcəyik
("Zaman Azərbaycan").

Xəbərin oxunma sayı : 46