AzFakt

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Həbsdə olmuş azərbaycanlı müğənnilər - Siyahıda kimlər var?


Tarix 15.05.25, 16:55	Font ölçüsü : - / +

Xəbər verdiyimiz kimi, müğənni Dəniz Əsədova bu gün məhkəmə zalından həbs edilib.

Xatırladaq ki, müğənni 4 nəfəri təhqir etməkdə və onlara böhtan atmaqda ittiham edilib.

Əsədova sosial şəbəkələrdə hakimləri, prokurorluq əməkdaşlarını və digər vəzifəli şəxsləri də təhdid etməsi ilə gündəmə gəlib.

Onun barəsində Binəqədi Rayon Məhkəməsinə xüsusi ittiham qaydasında 4 şikayət daxil olub. İddiaçılar arasında tanınmış vəkillər və həkimlər var.

Bu gün məhkəmə vəkil Asim Abbasovun şikayətini təmin edib və Dəniz Əsədova məhkəmə zalında həbs edilib.

Dəniz Əsədova həbs edilən ilk müğənni deyil. Buna qədər bir neçə müğənni müxtəlif səbəblərdən məhbus həyatı yaşayıb.

AzFakt.com Musavat.com-a istinadən onları təqdim edir.

Fədayə Laçın

Müğənni 2017-ci ildə digər şəxslərlə birgə xüsusilə ağır cinayətlərdə təqsirləndirilməklə həbs edilmiş "Qoca” ləqəbli Etibar Ələkbər oğlu Məmmədov və Əli Rasim oğlu Ağaminin qatardan qaçmasına görə həbs edilmişdi.

Hadisələrin gedişatından məlum olmuşdu ki, sənətçi "Qoca” ləqəbli kriminal avtoritet Etibar Məmmədovla bir neçə il sevgi münasibətlərində olub.

O, iki il həbsxana həyatından sonra 2019-cu il oktyabrın 29-da azadlığa çıxıb.

Reper Elşad Xose (Əliyev)

Reper narkotikdən istifadə etdiyi üçün həbs olunub. Belə ki, ifaçı 2010-cu ildə narkotik vasitələrin qanunsuz dövriyyəsinə görə həbs edilib və bir müddət həbsxana həyatı yaşayıb.

Samir Cavadzadə

Azərbaycanı ilk dəfə "Eurovision-2008” mahnı müsabiqəsində təmsil edən müğənni Samir Cavadzadə dostu Elvin Hüseynovu bıçaqlaması faktı ilə əlaqədar saxlanılıb.

Hadisə 2011-ci il sentyabrın 20-də Nəsimi rayonu, Mirəli Qaşqay küçəsi, 32 ünvanında baş verib. Müğənni bu hadisəyə görə 1 ilə yaxın həbsdə olub.

Mərhum reper Hüseyn Dərya

Reper narkotik istifadə etməsi səbəbindən həbsdə yatıb. Bir neçə dəfə eyni əməli təkrarladığına görə həbs olunan reper 2014-cü ilin martında dünyasını dəyişib.

Mərhum meyxanaçı Bayram Kürdəxanılı

Meyxanaçı 2014-cü il iyulun 12-də Sabunçu rayonu, Bakıxanov qəsəbəsində, "Nilufər” şadlıq sarayının qarşısında şübhəli şəxs qismində saxlanılıb.

Onun üzərinə baxış keçirilərkən üstündən 1.02 qram narkotik vasitə olan tiryək aşkar edilib.

Faktla bağlı Sabunçu Rayon Polis İdarəsində Cinayət Məcəlləsinin 234-cü (narkotik vasitələrin qanunsuz dövriyyəsi) maddəsi ilə iş başlanılıb. 14 noyabr 2014-cü ildə Sabunçu Rayon Məhkəməsi Bayram Kürdəxanılıya təqsirləndirildiyi maddə üzrə 1 il həbs cəzası verilib.

Meyxanaçı 2015-ci ildə həbsdən azad edilib. Lakin azadlığa çıxandan az sonra meyxanaçı faciəli şəkildə dünyasını dəyişib. Məlumata görə, 22 avqust 2017-ci il tarixində gecə vaxtı Kürdəxanı qəsəbəsində toy mərasimindən evə qayıdan meyxana ustası qəsəbə ərazisində yolu keçərkən Emin Fərhadovun idarə etdiyi "Peugeot” markalı, 10-PS-782 dövlət seriya nişanlı avtomobil onu vurub. Nəticədə meyxana ustası ağır xəsarət alıb. Hadisəni törətmiş sürücü Bayram Kürdəxanılını 3 saylı Şəhər Kliniki Xəstəxanasına çatdırsa da, həkimlər onun həyatını xilas edə bilməyiblər.

Vüsal Əliyev

Bir vaxtlar populyar olan müğənni Vüsal Əliyev isə Cinayət Məcəlləsinin dələduzluq (178-ci) maddəsi ilə axtarışda olub.

Müəyyən müddət Moskvada yaşayan müğənni Xətai Rayon Polis İdarəsinin əməkdaşları tərəfindən saxlanılaraq, istintaqa cəlb edilmişdi. Lakin V.Əliyevin himayəsində 4 azyaşlı uşağın olması nəzərə alınaraq, azadlığa buraxılıb.

Tunar Rəhmanoğlu

"Azəri qızı” Günelin qardaşı, bəstəkar-müğənni Tunar Rəhmanoğlu 2013-cü il mayın 4-də həbs edilib.

Səbəb isə Tunarın avtoşluq etməsi və polisin qanuni tələbinə məhəl qoymaması idi. Belə ki, idarə etdiyi "Mercedes” markalı avtomobillə yol hərəkəti qaydalarını pozan müğənni daha sonra sənədlərini inspektora təqdim etməkdən imtina etdiyi üçün barəsində inzibati tədbir görülməsi üçün şöbəyə aparılmışdı.

Məhkəmənin qərarı ilə ona 10 sutka həbs və 1 il müddətinə sürücülük hüququndan da məhrum olunması cəzası verilmişdi. 10 gün həbs yatan ifaçı azadlığa çıxdıqdan sonra mövzu ilə bağlı mətbuata açıqlama vermək istəməyib.

Xəbərin oxunma sayı : 1231