AzFakt

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

250 milyonluq dələduzluqda ittiham olunan azərbaycanlı iş adamı kimdir? - 11 şübhəli var

Zərərçəkmişlər polis rəislərindən şikayət edən hakimdən də narazıdır: “Videodan yaxşı sübut ola bilməz”


Tarix 04.05.21, 11:03	Font ölçüsü : - / +

Bakı Ağır Cinayətlər Məhkəməsinin hakimi Zeynal Ağayevin Sumqayıt və Abşeron polis rəislərinin məhkəmə qərarlarını icra etməməsi barədə daxili işlər nazirinin birinci müavini, polis general-leytenantı Seyfulla Əzimova müraciət etdiyini xəbər vermişdik. Xəbərdə hakimin son 8 ayda 6 qərar çıxardığı, amma adıçəkilən rəislərin bu sənədlərə laqeyd yanaşdığı bildirilirdi.

Zərərçəkmiş Xaqani Quliyevin nümayəndəsi İltimas Quliyev hakimin daxili işlər nazirinin birinci müavininə müraciətindən danışıb, istintaq və məhkəmə proseslərindən şikayətlənib.

Onun sözlərinə görə, hakim şahidlərin məhkəməyə məcbur gətirilmə haqqinda qərar qəbul etsə də qərarları yerinə yetirilməyib:

Şahid təhqiqat, ibtidai istintaq və məhkəmə istintaqı zamanı ona görə lazimdir ki, hadisəni təsvir etsin, görduklərini desin, istintaq orqani da bir nəticəyə gəlsin. Bu hadisəni muşahidə kameralari çəkiblər. Yəni, hadisəyə hüquqi qiymət vermək video görüntülərdən yaxşı sübut ola bilməz. İstintaq materiallarina 1 dəqiqə 35 saniyəlik və 24 saniyəlik olmaqla 2 videogörüntü əlavə edilib. Halbuki hadisə yerində olan videokameralardan 12-15 dəqiqəlik video goturulub. Lazim olan hissələr kəsilib, iki videoparça saxlanilib. Bununla bağli hər yerə yazmişam. Əvvəl Sumqayıtda Baş Polis İdarəsinə, Sumqayit Prokuroruna, daha sonra Baş Prokurorluğa və DİN-ə dəfələrlə müraciət etmişəm. İş məhkəməyə keçəndən sonra da videogörüntülərin tam formada istintaq materiallarına əlavə olunması ilə bağlı bir neçə dəfə vəsatət qaldirmişam. İndi hakim şahidlərin məcburi gətirilmə qərarini icra etməməklə bağlı DİN-ə müraciət edir, amma videomaterialin kəsilmiş hissələrini tələb etmir. Videogoruntu şahiddən daha obyektiv sübutdur. Hələ işdə olan digər çoxsaylı qanun pozuntularını demirəm. Onlarla bağlı da vəsatətlər vermişəm, lakin heç biri təmin olunmayıb.

Qeyd edək ki, hazırda məhkəməsi gedən hadisə 2019-cu il avqustun 16-da Sumqayıt şəhərində “Metallurq” kafesində baş verib.

Belə ki, həmin gecə saat 23 radələrində fəhlə işləyən Xaqani Quliyev və Vüqar Tağıyev kafeyə gələrək pivə sifariş ediblər. Daha sonra həmin şəxslər tum yeyərək qabığını yerə töküblər. Ofisiantlar bir neçə dəfə onlara bu barədə xəbərdarlıq etsələr də, Xaqani və Vüqar tum yeməyə davam ediblər. Daha sonra kafenin mühafizəçisi Sabir Əskərovu çağırıblar. O da bir dəfə xəbərdarlıq etdikdən sonra Xaqani və Vüqarı söhbət etmək üçün çölə çağırıb.

İttihama görə, bu zaman Xaqani söyüş söydüyü üçün Sabir Əskərov onu yumruqla vurub yerə yıxıb, ardınca həmin kafedə ofisiant işləyən Bəxtiyar Fərəcov yerdə olan stolu götürərək Xaqaninin üzündən zərbə vurub. Stolun dəmir ayağı Xaqaninin gözünü çıxarıb. Daha sonra kafedə ilk iş günü olan ofisiant Tural Sadıqov yerdən götürdüyü taxta parçası ilə söyüş söyən Vüqar Tağıyevin sifətinə vurub. Sabir Əskərov isə yerdən götürdüyü daşı yaralı halda söyüş söyən Xaqaninin başından vurub.

Bu işlə bağlı cinayət işinin istintaqı yekunlaşdırılaraq Bakı Ağır Cinayətlər Məhkəməsinə göndərilib. Hakim Zeynal Ağayevin icraatında olan cinayət işi üzrə məhkəmə prosesi 8 aydır ki, şahidlərin dindirilmə mərhələsini yekunlaşdıra bilmir. Buna səbəb isə Sumqayıt və Abşeron polis idarələri rəislərinin hakimin şahidlərin məcburi gətirilməsi barədə qərarı icra etməməsidir. Şahidlərin biri həmin kafenin sahibi Vasif Quliyevdir. Digər şəxslər isə kafenin xidmətçiləri – Aynur Ağazadə, Zenfira Cəfərova, müştəri Günel İsmayılzadə, kafenin “DJ”i Teymur Qurbanov, ofisiantlar – Kənan Vəliyev və Sübhan Abdulrəhimovdur.

Hakim Zeynal Ağayevin Seyfulla Əzimova etdiyi sözügedən müraciətdə bildirilir ki, o, sentyabrın 11-də Daxili İşlər Nazirliyinin Baş İctimai Təhlükəsizlik İdarəsinin rəisi, polis general-mayoru Oqtay Kərimova 3 dəfə müraciət edərək polis idarələrinin rəislərinin şahidləri məhkəməyə gətirtmədiyini bildirib və bunun məhkəmə prosesinin lüzumsuz uzadılmasına səbəb olduğunu bildirib.

Lakin general-mayor da bu şahidlərin gətirilməsini təmin edə bilməyib. Bundan sonra, hakim Zeynal Ağayev 2020-ci il oktyabrın 27-də daxili işlər nazirinin birinci müavini, polis general-leytenantı Seyfulla Əzimova rəsmi məktubla müraciət edib. Lakin bu məktub da cavabsız və hərəkətsiz qalıb.

Sonuncu dəfə Zeynal Ağayev Seyfulla Əzimova təkrar məktub ünvanlayaraq polis rəislərinin hansısa səbəblərdən məhkəmə qərarını icra etmək marağında olmadığını bildirib: “Sumqayıt şəhər Polis İdarəsi və Abşeron rayon Polis Şöbəsi bu günədək məhkəmənin qərarını icra etmir. Dəfələrlə bu barədə Abşeron və Sumqayıt Polis idarələrinin vəzifəli şəxslərinə bildirilsə də, müxtəlif bəhanələr gətirilərək qərarı icra etməyiblər. Bu polis idarələri tərəfindən məcburi gətirilmə qərarlarına belə etinasız münasibət ilk dəfə deyil. Demək olar ki, digər cinayət işləri ilə bağlı da eyni hallarla hər dəfə rastlaşırıq.

Hörmətli Seyfulla müəllim, Abşeron rayon və Sumqayıt şəhər polis İdarələri məcburi gətirmə qərarını icra etmək iqtidarında (ya marağında) olmadığı üçün qərarın icrasını digər rayon Polis İdarələrinə həvalə etməyinizi xahiş edirəm”.

Hakim Zeynal Ağayev bütün məktublara şahidlərin yaşadığı ünvanları və telefon nömrələrini qeyd edib.

Xəbərin oxunma sayı : 373