AzFakt

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

Deputatın viran qoyduğu Azərbaycan meşələri: Muxtar Babayev Eldəniz Səlimovun “ekoloji terror”una niyə göz yumur? - VİDEO


Tarix 07.06.21, 22:04	Font ölçüsü : - / +

55 saylı Xaçmaz seçki dairəsindən Milli Məclisə deputat seçılmiş Eldəniz Səlimovun rayonun İdrisoba kəndindəki 26 hektar meşə sahəsini məhv edib.

AzFakt.com Yenicag.az-a xəbər verir ki, bu barədə məlumatı araşdırmaçı-jurnalist Cəmil Məmmədli özünün “YouTube” kanalında yayımlayıb.

Meşə sahəsinin məhv edilməsindən qəzəblənən İdrisoba kənd sakinləri həmin ərazinin Köhnə Xudat bələdiyyəsində məsul vəzifə tutan Faiq Savcıyev tərəfindən külli miqdarda pul qarşılığında deputat Eldəniz Səlimova satıldığını bildiriblər.

Onlar qeyd ediblər ki, Ekologiya və Təbii Sərvətlər Nazirliyinin nümayəndələri bir ağacın kəsilməsinə görə sakinləri 1000-2000 manat məbləğində cərimələsələr də, 26 hektar meşə sahəsini “şumlatmış” deputat barəsində heç bir ölçü götürmürlər.

Sakinlərin sözlərinə görə, 2004-cü ildə Ekologiya və Təbii Sərvətlər Nazirliyi tərəfindən həmin meşə zolağında çox sayda qiymətli ağac əkilmişdi. Lakin meşə sahəsi məhv edilərkən, o qiymətli ağaclar, xüsusilə də 250 qoz ağacı kəsilib.

O da məlum olub ki, Faiq Savcıyev həmin ərazinin yaxınlığında yerləşən 6 hektarlıq meşə sahəsini də eyni qaydada məhv edərək, oradakı 1000-ə yaxın akasiya ağacını satıb.

Narazı sakinlər əlavə ediblər ki, 2011-ci ildə prezidentin Fərmanı əsasında o ərazilərdə torpaq satışı qadağan edildiyi üçün Faiq Savcıyev qanunsuz satdığı torpaq sahələrini saxta sənədlərlə köhnə tarixə rəsmiləşdirib. Sözügedən meşə sahəsinin satışı da 2006-ci il tarixi üzrə sənədləşdirilib.

Sakinlərdən birinin sözlərinə görə, Savcıyev sənədlərlə ona məxsus olan torpaq sahəsini diş həkimi olan Heybət adlı şəxsə satıb, o da iki ildir ki, orada gilas əkib-becərir. Torpağın ona məxsus olduğunu təsdiqləyən sənədləri Heybətə göstərəndə, o, həmin ərazini Faiqdən aldığını deyir.

Xaçmazada torpaq sahələrinin qanunsuz satışı ilə bağlı ilginc “mexanizm”in yaradıldığı da iddia edilir. Bildirilir ki, Xaçmazda rayonun keçmiş rəhbəri Şəmsəddin Xanbabayevin kadrlarından ibarət geniş şəbəkə münbit torpaq sahələrini bələdiyyənin balansına keçirərək, satış əməliyyatlarını məhz yerli idarəetmə orqanının əli ilə reallaşdırırlar.

Hər halda, yayımlanan videomaterialda səsləndirilən iddialar kifayət qədər ciddidir və əhatəli araşdırma tələb edir.

Cəmil Məmmədli bəhs etdiyi meşə sahəsinin “təmizlənməsinə” dair 02 may 2021-ci il tarixdə bağlanmış müqavilənin surətini də özünün sosial şəbəkə hesabından paylaşıb. Həmin müqavilə “Qərb Ekol” MMC-nin təsisçisi Qasımov Namiq Əmiraslan oğlu ilə Səlimov Adil Zeynal oğlu arasında imzalanıb. Anlaşmaya əsasən, adıçəkilən MMC hektarına 2 min manat almaq şərtilə, 27 hektar ərazinin ağac və kol-kosdan təmizlənməsini və daşınmasını öz öhdəsinə götürür. Bu müqavilədə əks olunan məqamlar İdrisoba sakinlərinin deputat Eldəniz Səlimova yönəlik iddialarının heç də əsassız olmadığı qənaətini yaradır.

Bundan başqa, Ekologiya və Təbii Sərvətlər Nazirliyinin haqqında danışılan vəziyyətə bu qədər laqeyd qalması üstündən sükutla keçiləcək məsələ deyil. Çünki sakinlərin də dediyi kimi, bir ağac kəsiləndə, sıravi insanları böyük məbləğdə cərimələyən Nazirlik deputatın adı hallanan “ekoloji terror”a göz yummaqla məşğuldur.

Bu, daha nə qədər belə davam edəcək?

Xəbərin oxunma sayı : 1426