AzFakt

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

Böyük Yeddilik 1 milyard doza vaksin paylayacaq - London sammitinin əsas mövzularından biri açıqlandı


Tarix 10.06.21, 15:19	Font ölçüsü : - / +

Birləşmiş Ştatlar növbəti iki il ərzində 100-dək ölkəyə COVID-19-a qarşı 500 milyon doza "Pfizer" vaksini ianə etməyi planlaşdırır. Böyük Yeddilik (G7) liderləri bu həftə bir araya gələrək pandemiyadan çıxış yolunu müzakirə edəcəklər. ABŞ-ın bir neçə media orqanının yazmasına görə, Bayden açıqlamanı iyunun 10-da verəcək. G7 sammiti bu həftə İngiltərədə başlamalıdır.

“Bloomberg News”un gördüyü kommunikeyə görə, G7 gələn il ərzində az inkişaf etmiş ölkələrə 1 milyard əlavə vaksin dozası verməyə boyun olacaq. Birləşmiş Ştatlar və Avropanın böyük hissəsi vaksinasiyada sürətlə irəli gedir. Bir çox ölkələr isə pandemiyanı cilovlamaq, məhdud vaksin təchizatına çıxış əldə etmək üçün çarpışırlar.

ABŞ hökumətinə yaxın şəxslərin mediaya deməsinə görə, 100 milyon nəfərə yetəcək 200 milyon doza bu il, 300 milyon doza isə 2022-ci ilin birinci yarısında ianə ediləcək.

"Pfizer" dozaları Birləşmiş Ştatlara “gəlir gətirməyən” qiymətə satacaq, mənbələr deyib. İanələr beynəlxalq COVAX vaksin sxemi vasitəsilə paylanacaq. Bu sxem az və orta gəlirli ölkələrə COVID-19 vaksinlərin paylanmasını nəzərdə tutur. Bayden administrasiyası daha öncə bildirmişdi ki, artıq qalmış 80 milyon vaksin dozasını bu ayın sonunadək dünya ilə paylaşacaq.

Dünya Səhiyyə Təşkilatı dəfələrlə zəngi dövlətləri inkişaf etməkdə olan ölkələrdə vaksin uçurumunu qapatmağa çağırıb. Əks halda virusun ştammları çoxalır və bu da daha çox ölümlə nəticələnə bilər.

Beynəlxalq Valyuta Fondunun rəhbəri Kristalina Georgiyeva xəbərdarlıq edib ki, vaksinlərə çıxış məsələsi yalnız sağlamlığa deyil, iqtisadiyyata bağlıdır. “Çox narahatıq, çünki pandemiyanın getdikcə daha çox iki cığıra ayrılması ikicığırlı iqtisadi dirçəlişə səbəb olur və bunun da bütün ölkələr üçün mənfi nəticələri var”, – o vurğulayıb.

G7 liderləri qlobal vaksin strategiyası ilə yanaşı səyahətin yenidən açılması, dünya iqtisadiyyatına təkan verilməsinin yollarını da müzakirə edəcəklər. İyunun 10-da Baydenlə Britaniyanın Baş naziri Boris Consonun görüşündə transatlantik səyahətin bərpasından ötrü yeni birgə səyahət işçi qrupu elan olunacaq. (azadliq.org)

Xəbərin oxunma sayı : 730