AzFakt

Azərbaycanla Ermənistan razılaşdı: Qazaxın 4 kəndi qaytarılır

“Express Bank” iflas ərəfəsində - Şirkətlər bankdan 25 milyondan çox depoziti geri çəkiblər

Rusiya sülhməramlı kontingentinin Azərbaycandan çıxması prosesi başlayıb - VİDEO

Deputat Ülvi Quliyev Nəsimi rayonunda torpaq zəbt edib? - FOTOLAR

Digərlərinin ağlı ilə hərəkət edən Ermənistan - VİDEO

“Ermənistan müharibəyə təhrik edilir“ - DTX rəisi kəşfiyyat məlumatlarını açıqladı

Mərkəzi Kəşfiyyat İdarəsi terror hücumlarından necə xəbər tuta bilir? – ŞƏRH

Ərdoğan Qərbi belə mat etdi – Türk əsri başlayıb

Fəxri Kazımov nüfuzlu şəxsləri Taleh Kazımovla Elnur Əliyevə minnətçi salır - Vəzifədə qalmaq üçün

Bəxtiyar Əsgərov məsələsi Fuad Nəcəflini çətin duruma salıb - Naxçıvana ardı-arası kəsilməyən zənglər...

Samir Şərifov Bakıda biznes mərkəzi tikdirir? - FOTOLAR

Pekin dünya üçün “Çin şoku” hazırlayır – Bazarları ucuz məhsulları ilə dolduracaq

Eldar Əzizovun “tender camaşırxanası“: Mirzəyevlə Mehralıyevin “it yemi satınalması“

“Xocalı qurbanlarının qisasını aldıq!“ - Prezidentin Xocalıdakı çıxışı (FOTOLAR)

Dövlət Agentliyi inhisarçılığa xidmət edir? - Agentliyin qanunsuz fəaliyyəti aşkarlanıb


Tarix 09.09.21, 16:02	Font ölçüsü : - / +

Azərbaycanda bəzi dövlət qurumlarının məlum maraqlardan çıxış edərək, ölkədə inhisarçılığa şərait yaratdığı, azad rəqabət mühitinin yaranmasına imkan vermədiyi heç kimə sirr deyil. Bunun nəticəsi olaraq, ölkədə azad, müasir dünya standartlarına cavab verən biznes mühitinin formalaşması heç cür baş tutmur.

İnhisarçılıqla mübarizə sahəsində dövlət siyasətini reallaşdırmalı olan İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti son zamanlar bir qədər ləng də olsa, müəyyən addımlar atmaqdadır. Bir müddət əvvəl sözügedən Dövlət Xidməti sement və klinker bazarında aparılan araşdırmalar nəticəsində antiinhisar qanunvericiliyinin pozulması əlamətləri üzrə "Norm" ASC-yə qarşı iş qaldırmışdı. Sement bazarındakı inhisarçılardan olan bu şirkətlə bağlı qeyd olunurdu ki, “Norm” bazardakı hökmran mövqeyindən istifadə edərək, sahibkarlara qarşı qanunsuzluqlara, belə demək mümkünsə, manipulyasiyalara yol verir.

Bu dəfə isə Antiinhisar və İstehlak Bazarına Nəzarət Dövlət Xidməti icbari tibbi sığorta xidmətləri sahəsində rəqabətin məhdudlaşdırılması hallarını aşkarlayıb.

“AzPolitika.info” xəbər verir ki, xidmətin rəsmi məlumatına görə, məqsəd təsərrüfat subyektlərinin və istehlakçıların mənafelərinin pozulmasına gətirib çıxara bilən hallarının qarşısının alınmasıdır: “Araşdırmalar “İcbari Tibbi Sığorta üzrə Dövlət Agentliyi” publik hüquqi şəxs tərəfindən Dövlət Xidmətinə təqdim edilən bir sıra sənəd və məlumatlara əsasən, özəl tibb müəssisələrinin icbari tibbi xidmətlər göstərməsinə hüquqi əsas olmadan məhdudiyyətlərin qoyulması və həmin xidmətlər bazarına yeni iştirakçıların daxil olmasına süni maneələrin yaradılması ilə sahibkarların və istehlakçıların mənafelərinin pozulmasına, rəqabətin məhdudlaşdırılmasına, yaxud aradan qaldırılmasına gətirib çıxara bilən hərəkətlərin əlamətləri üzrə aparılır.”

Göründüyü kimi, “İcbari Tibbi Sığorta üzrə Dövlət Agentliyi” rəsmən inhisarçılığa şərait yaratmaqda, icbari tibbi sığorta xidməti bazarına burada adı çəkilməyən hansısa özəl tibb müəssisələrinin daxil olmasına imkan verməməkdə günahlandırılır. Bu isə açıq şəkildə sözügedən agentliyin kimlərinsə xeyrinə icbari tibbi sığorta xidməti bazarında azad rəqabətin yaranmasına imkan verməməsi deməkdir.

Agentlik rəhbərliyinin bununla kimlərin “əlinə oynadığı” barədə hər hansı məlumat verilmir. Təbii ki, bununla da hansısa tibb müəssisələri böyük gəlirlər etdiyi halda, digərləri bu imkanlardan məhrum edilir. Rəqabət mühitinin olmaması isə eyni zamanda bu sahədə vətəndaşlara tibbi xidmətin də səviyyəsini aşağı salmış olur.

Hər halda, ümid edək ki, bu araşdırma məntiqi nəticəsini verəcək və bu sahədə agentliyin qanunsuz fəaliyyətilə bağlı daha detallı məlumat veriləcək.

Xatırladaq ki, ölkə başçısının 2016-cı il 24 noyabr tarixli 1125 nömrəli Fərmanı ilə “İcbari Tibbi Sığorta üzrə Dövlət Agentliyi” publik hüquqi şəxs yaradılıb. Agentliyin İdarə Heyətinin sədri Zaur Əliyevdir.

Xəbərin oxunma sayı : 1459