AzFakt

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

Ruslar tanklarını “Bayraktar”dan bu cür primitiv üsulla qorumaq istəyir - FOTOLAR


Tarix 25.11.21, 12:16	Font ölçüsü : - / +

Rusiyanın Ukrayna sərhədləri boyu iri qoşun qruplaşmaları cəmləşdirdiyi və ABŞ kəşfiyyatının Kremlin şaxtalar düşəndən sonra bu ölkə üzərinə hücuma başlayacağı haqda xəbərdarlıqları fonunda Krıma yeridilmiş rus tanklarında kamikadze-dronlardan, “Bayraktar TB2” döyüş pilotsuz təyyarələrindən və yüksək dəqiqlikli tank əleyhinə raketlərdən qorunmaq üçün primitiv konstruksiya quraşdırıldığı məlum olub.

Virtualaz.org xəbər verir ki, bu konstruksiya tankın qülləsi üzərində yüngül zireh təbəqəsindən quraşdırılan örtükdən və qülləni yan tərəfdən qoruyan metal tordan ibarətdir.

Rus tanklarındakı bu primitiv konstruksiyaya “The Drive” nəşri diqqəti cəlb edir. Həmin konstruksiya T-80 tankının üzərində görünüb. Bundan əvvəl isə Rusiyanın Rostov vilayətində Ukrayna sərhədlərinə tərəf irəliləyən T-72B3 əsas döyüş tanklarından bəzilərində bu cür primitiv konstruksiya qeydə alınmışdı.

“The Drive” qeyd edir ki, bu konstruksiyanın tankın qülləsini yuxarıdan endirilən zərbələrdən qorumaq üçün nəzərdə tutulduğu aydındır. Nəşrin yazdığına görə, görünür ötən il Qarabağda gedən müharibə zamanı erməni tanklarının kütləvi şəkildə “Bayraktar TB2” zərbə pilotsuz təyyarələrindən buraxılan MAM-L və MAM-C lazer başlıqlı raketləri, “Harop” və digər kamikadze-dronlar, o cümlədən İsrail istehsalı olan “Spike” və “Spike NLOS” tank əleyhinə yüksək dəqiqlikli raketləri ilə məhv edilməsini nəzərə alaraq indi Ukrayna istiqamətinə yeridilmiş rus tanklarını bu cür primitiv üsulla qorumağa çalışırlar.

Bu konstruksiyanın tankı kamikadze-dronlardan və yüksək dəqiqlikli raketlərdən, o cümlədən Ukrayna ordusunun silahlanmasında yer alan “Javelin” raketlərindən nə dərəcədə qoruya biləcəyi məlum deyil. Amma ehtimal edilir ki, belə konstruksiya tanka endirilən zərbələrin effektivliyini azalda bilər.

İndiki halda qüllənin yan tərəfinə bərkidilmiş metal tor “Javelin” raketinin zərbəsinin qarşısını tam ala bilməsə də ola bilsin ki, raketin tandem kumulyativ başlığı ilə təmasın daha tez baş verməsinə, nəticədə raketin tankın qülləsinə dəymədən partlamasına səbəb olacaq. Hətta metal tor raketi dayandıra bilməsə də onun effektivliyini azalda bilərdi.

Habelə həmin konstruksiya “Javelin” qədər yüksək dəqiqlikli olmayan digər tank əleyhinə idarəolunan raketlərin də effektivliyinin azaldılmasına kömək edər. Nəşr qeyd edir ki, belə əldədüzəltmə konstruksiya görünür Rusiya tanklarında təcrübə məqsədi ilə quraşdırılır.

Xatırladaq ki, Rusiyanın Ukraynanın Xarkov vilayəti ilə həmsərhəd ərazilərində bu günlərdə yüzlərlə, yaxud ola bilsin minlərlə T-80 tanklarının cəmləşdirildiyi də qeydə alınmışdı.

Xəbərin oxunma sayı : 1030