AzFakt

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

“Qarabağ məsələsi sanki bizim üçün ikinci dərəcəlidir” – Fazil Mustafa


Tarix 22.02.22, 12:45	Font ölçüsü : - / +

Böyük Quruluş Partiyasının sədri, Milli Məclisin deputatı Fazil Mustafa ilə müsahibəni təqdim edirik:

– Fazil bəy, Qarabağda son vaxtlar separatçıların fəallaşması müşahidə edilir. Onları indiki halda bu cür addımlar atmağa nə vadar edir?

– Erməninin başı bir də əzilməlidir ki, yenidən sarsaq ideyalardan danışa bilməsinlər. Faktiki olaraq Qarabağdakı terrorçuların, separatçıların qalıqlarına qarşı siyasətimizi formalaşdırmalıyıq. Bu istiqamətdə addımlarımızı intensivləşdirməliyik. Nikol Paşinyan erməni auditoriyası üçün müəyyən məsələləri dilə gətirə bilər. Onun bu mövzuda boş-boş danışması heç bir əhəmiyyət kəsb etmir. Sözsüz ki, Qarabağda hansısa bir oyuncaq qurumun mövcud olmasına Azərbaycan tərəfindən imkan verilməyəcək. Onlar bunu da yaxşı bilir. Bu məsələdə biz erməni tərəfinin söylədiklərinə deyil, özümüzün etdiklərimizə diqqət yetirməliyik.

– Effektiv addımları nədə görürsünüz?

– Biz, onların ideyalarını darmadağın etməliyik. Ermənilərə faktiki olaraq heç bir imkan tanınmamalıdır ki, onlar hər hansı şəkildə iddialarla çıxış etsin. İlk növbədə Ermənistanla sərhədlər müəyyənləşməlidir. Bundan başqa Laçın dəhlizi məsələsi də gündəmə gətirilməlidir. Laçın dəhlizinə Azərbaycanın nəzarəti həyata keçirməlidir. Bunun əksinə olan hallar ermənilərin iddia etdikləri “birləşmə ideyası” gerçəkləşməsi deməkdir. Buna imkan vermək olmaz. Çünki bütün hallarda ermənilər bu yoldan istifadə edib Azərbaycan daxilində həmin o problemləri alovlandıracaq. Eyni zamanda soydaşlarımızın artıq o ərazilərə köçürülməsi məsələsi qısa zamanda həll edilməlidir. Ora daha çox hərbçi, insanların köçürülməsinə imkan yaradılmalıdır.

– Sizcə, cəmiyyətin bu məsələdə rolu nə dəcədə vacibdir?

– Cəmiyyətin də bu məsələdə səfərbərliyi hiss olunmalıdır. Bununla da o bölgələrdə bizim mülki, hərbi mövqelərimizin daha da möhkəmlənməsinə nail olmaq olar. O bölgənin insanlarının əlində müəyyən dərəcədə imkanlar olmalıdır ki, istənilən erməni təxribatına adekvat reaksiya vermək mümkün olsun. Problemin kökündə məhz bunlar dayanmalıdır. Daxildəki müəyyən məsələlərlə başımız qatmaqla bu prosesdən uzaqlaşmaq olmaz.

– “Qarabağ” futbol klubumuzun “Marsel”lə səfər qarşılaşmasında Azərbaycan bayrağının fransız rejjisorların göstərməməsini ermənilər özü üçün “qələbə” hesab etdilər. Sizcə, son zamanlar ermənilərin bu cür xırda məqamlardan ruhlanması nə ilə izah oluna bilər?

– Biz indi ermənilərin addımlarını bir kənara qoymalıyıq. Azərbaycan cəmiyyətində biz yenə də o mərhələdəyik ki, Qarabağ məsələsi sanki bizim üçün ikinci dərəcəlidir. Halbuki ölkənin bütün siyasi qüvvələri, düşünən adamları bu məsələyə daha çox diqqət yönəltməli və bu məsələlərin müzakirəsində iştirak etməlidir. Ona görə də, Marseldə futbol oyunu zamanı hansı bir bayrağın asılması bizi qətiyyən narahat etməməlidir. Marsel tipik bir erməni şəhəridir. Bir neçə başdan xarab erməni hansısa bir bayraq qaldıracaqsa, sırf hədəflərimizi də bunların üzərində qura bilmərik./Teleqraf

Xəbərin oxunma sayı : 631