UOL saytı: "Real Valyadolid" Marselo və Dani Alvesi transfer etmək istəyir. Klubun səhmlərinin 51 faizinin sahibi və komandanın prezidenti Ronaldo yalnız heyətin ümumi səviyyəsini yaxşılaşdırmaq deyil, həm də kluba sponsorları cəlb etmək üçün keçmiş komanda yoldaşları ilə müqavilə imzalamaq istəyir".

Fabritsio Romano, insayder: "Sesk Fabreqas karyerasını İtaliyada davam etdirə bilər. "Sampdoriya" 35 yaşlı ispan futbolçunu transfer etmək üçün danışıqlar aparır".

Patrik Berger (Sport1): "Mario Götze "Ayntraxt Frankfurt"a keçməyə hazırdır".

Fabritsio Romano, insayder: "Rahim Sterlinq "Çelsi"nin əsas transfer hədəfidir. "Mançester Siti" ingilis futbolçu üçün təxminən 60 milyon avro almaq istəyir. "Çelsi" tezliklə "şəhərlilər"ə yeni təkliflə müraciət edəcək".

"Marca" nəşri: "Barselona"nın baş məşqçisi Usman Dembelenin gələcəyi ilə bağlı mövqeyini rəhbərliyə açıqlayıb. Xavi Kataloniya klubunun idarəçilərindən fransalı yarımmüdafiəçini komandada qalmağa razı salmaq üçün daha bir cəhd etməyi xahiş edib".

Canluka Di Martsio, insayder: "Çelsi" hücumçu Romelu Lukakunu "İnter"ə icarəyə vermək üçün 10 milyon avro+bonus qəbul etməyə hazırdır. Lukaku "İnter"də İngiltərə klubundakından az maaşa oynamağa razıdır".