AzFakt.com xəbər verir ki, bu gün XXVIII turun iki oyunu keçirilib.

Əvvəlcə "Qəbələ" "Neftçi"ni sınağa çəkib. Ötən ayın əvvəlində komandanın sükanı arxasına keçən, ancaq ardıcıl 4 məğlubiyyətdən sonra yalnız ötən tur "Araz-Naxçıvan"la görüşdə 1 xal qazana bilən Kaxaber Sxadadze fasilə dönəmində problemləri aradan qaldıra bilibsə, "Neftçi"nin işi çətin olacaqdı. Qəbələdə baş tutan matçı Cavid Cəlilov idarə edib. Oyun paytaxt təmsilçisinin qələbəsiylə yekunlaşıb.

Günə Tofiq Bəhramov adına Respublika Stadionunda yekun vurulub. "Kəpəz" "Qarabağ"ı mərkəzi arenada qəbul edib. Qarşılaşmada çempionatın qalibi müəyyənləşib. Belə ki, Qurban Qurbanovun başçılıq etdiyi komanda qələbə qazanacağı halda, digər görüşlərin nəticəsindən asılı olmayaraq, çempionluğu bayram edəcəkdi. Ağdam klubu bu istəyinə darmadağınla çatıb və tarixində 11-ci dəfə ölkə çempionu olub.