AzFakt

Şəhid anasından Aydanadək... - Prezidentdən paylaşım+Video

Araz Paşayev Rüfət Mahmudu çıxılmaz duruma salıb - Fonddakı fəaliyyətinə görə...

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Korrupsiya, narkotik istehsalı, talama: USAID bataqlığı qurudulur

Moskva yenə beynəlxalq hüququ pozur - Bakı hansı addımları ata bilər?

Ermənistan Azərbaycanla müharibəyə hazırlaşır: Yeni faktlar - VİDEO

Dünya “böyük Afrika müharibəsi“nin astanasında: Fransa qarşıdurmanı qızışdırır

Ticarət müharibəsi başladı - Trampın bu sərəncamı imzalaması nə vəd edir?

Ərdoğanın Xocalı səfəri - “Şuşada Türkiyə konsulluğunun təməli atılsa...”

Prezident Zəngəzurla bağlı tələbini açıqladı - “Azərbaycana maneəsiz keçid verməlidir...”

“Rossotrudniçestvo“nun əsl mahiyyəti - “Rus evlər“i casus şəbəkəsi rolunda

SEPAH Nəcəfdə gizli görüş keçirib - Bu prezidentə qarşı sui-qəsd müzakirə olunub


Tarix 11.02.25, 12:13	Font ölçüsü : - / +

İran İnqilab Keşikçiləri Korpusunun (SEPAH) generalları və Əsəd rejiminin yüksək səviyyəli komandirləri Nəcəf şəhərində gizli görüş keçiriblər.

Bu barədə Türkiyə mətbuatı məlumat yayıb.

Məlumata görə, görüşə terror təşkilatları PKK, İŞİD, Haşd əş-Şaabi və Hizbullah tərəfindən də dəstək verilib.

Belə ki, SEPAH-ın keçmiş komandanı, İranın Dəməşqdəki son səfiri general-mayor Hüseyn Əkbərinin rəhbərlik etdiyi dörd nəfərlik heyət ötən həftə Nəcəfdən olan şiə iş adamına məxsus villada keçirilən görüşdə iştirak edib. SEPAH-ın komandanı Əmir Əli Hacızadənin də iştirak etdiyi iclasa Tehran Xüsusi Kəşfiyyat Əməliyyatları Direktoru da qatılıb. Devrilmiş Əsəd rejiminin komandirləri general-mayor Əsəd əl-Əli, general-mayor Məhəmməd Huluf, briqada generalı Adil Serhan, briqada generalı Abdullah Menaf əl-Həsən və briqada generalı Məhəmməd Sermini də görüşdə iştirak edənlərdən olublar.

KİV yazır ki, sözügedən toplantıda bir sıra qərarlar qəbul edilib.

"İran kəşfiyyatının təşkilatı ilə bir araya gələn tərəflər iki günlük danışıqlardan sonra yol xəritəsi müəyyən ediblər. İran qanadı ilk növbədə Suveyda, Latakiya, Tartus, Homs, Rakka, Haseke və Deyr əz-Zor bölgələrində dini və etnik fərqləri aradan qaldırmaq istəyib. İranlı generallar Suriya generallarına şərqdəki Deyr əz-Zor-əl-Bukamal və Həsəkə-əl-Qaim-Rabia-Malikiye qapılarından silah, sursat, terror və logistik dəstək vəd edib, qərbdə lazım olan hər şeyin Homs-Quseyr və Tartus və Latakiya şəhərlərindən dəniz yolu ilə təmin ediləcəyini bildiriblər. Dürzilərlə qiyamla bağlı danışıqların davam etdiyini qeyd edən iranlı generallar bütün məsələlərdə PKK ilə həmfikir olduqlarını və yaxın vaxtlarda Suriyada bəzi təəccüblü hadisələrin inkişaf edəcəyini qeyd ediblər. Əsəd generalları da PKK ilə təmaslarının davam etdiyini və hər cür əməkdaşlığın mümkün olduğunu bildiriblər. Digər tərəfdən, Latakiya, Cəbəl Ələviyyun, Sahel və Tartusda 50-dən çox anbar və çoxlu hücrə quruluşunun üsyana hazırlaşdığı paylaşılıb",-məlumatda deyilir.

Həmçinin devrilmiş Suriya komandanlığı və iranlı idarəçilər xüsusilə Ələvi-Nüseyri bölgəsində yeraltı hüceyrə strukturlarının koordinasiyası, güclü rabitə şəbəkəsinin yaradılması, silah və sursatların paylanması və komandanlıq zəncirinin yaradılmasını müzakirə ediblər. İranlı generallar Livanda Hizbullah və İraqda Həşdi Şabinin xaos yaratmaq prosesində daha fəal rol oynayacağını bəyan ediblər. İclasda qəbul edilən qərara əsasən, hazırda İraqda saxlanılan və Əsədə dəstək üçün 14 ildir Suriyada meydanda döyüşən Tacikistan, Əfqan və Pakistan şiələri PKK bölgəsindən Suriyaya sızacaq. Həmçinin Zeynəbiyyun və Fatimiyyun terrorçuları tam təchizatlı və döyüşə hazır vəziyyətə gətiriləcək.

Plana görə, Latakiya dəniz dəhlizi Rum tərəfdən silah, terrorçu və sursat daşınması üçün istifadə olunacaq. Livan cəbhəsində Hizbullah bu daşımaları quru yolu ilə davam etdirəcək və xaos prosesinin fəal hissəsi olacaq. İran İnqilabı Keşikçiləri Korpusunun generalları Suriyada yaradılacaq xaosun beynəlxalq müdaxilə ehtimalını artıracağını, ABŞ və koalisiyanın PKK-nın işğal xəttini gücləndirəcəyini, qərbdəki druz və ələvi-nusayri mərkəzli qiyamların isə fürsət olacağını bildiriblər.

Nəcəf görüşündə gündəmə gələn digər mühüm mövzu Suriya Prezidenti Əhməd Şaraya qarşı sui-qəsd olub. İclasın gündəmində İran kəşfiyyatının bu məsələ ilə bağlı bütün imkanları dəyərləndirməsi, xüsusilə də içəridən köstəbək tapması və İŞİD terror təşkilatından maksimum fayda əldə etməsi də yer alıb.

Xəbərin oxunma sayı : 835