AzFakt

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Korrupsiya, narkotik istehsalı, talama: USAID bataqlığı qurudulur

Moskva yenə beynəlxalq hüququ pozur - Bakı hansı addımları ata bilər?

Ermənistan Azərbaycanla müharibəyə hazırlaşır: Yeni faktlar - VİDEO

Dünya “böyük Afrika müharibəsi“nin astanasında: Fransa qarşıdurmanı qızışdırır

Ticarət müharibəsi başladı - Trampın bu sərəncamı imzalaması nə vəd edir?

Ərdoğanın Xocalı səfəri - “Şuşada Türkiyə konsulluğunun təməli atılsa...”

Prezident Zəngəzurla bağlı tələbini açıqladı - “Azərbaycana maneəsiz keçid verməlidir...”

“Rossotrudniçestvo“nun əsl mahiyyəti - “Rus evlər“i casus şəbəkəsi rolunda

Natiq Aslanov yığıdığı milyonları üzə çıxarır - Daşınmaz əmlaka sərmayə yatırıb

“Ərdoğansız Avropanın təhlükəsizliyini təmin etmək mümkün deyil” - “The Economist“


Tarix 25.04.25, 20:17	Font ölçüsü : - / +

“Ərdoğansız Avropanın təhlükəsizliyini təmin etmək mümkün deyil”.

Bu barədə Böyük Britaniyanın “The Economist” nəşrində dərc olunan materialda bildirilir.

Qeyd olunur ki, ABŞ-nin bölgədən çəkilməsi, Rusiyanın təhdidinin artması və Ukraynada müharibə səbəbiylə Avropanın Türkiyənin hərbi gücünə və strateji mövqeyinə hər zamankindən daha çox ehtiyacı var.

Avropa Birliyinin təhlükəsizlik baxımından Türkiyə ilə əlaqələrdə yeni dövrə qədəm qoyduğu bildirilib. Vurğulanıb ki, Avropanın Türkiyədən hərbi və strateji asılılığı ABŞ-nin bölgədən çıxması, Ukraynadakı müharibə və Rusiyadan artan təhlükə səbəbindən artmaqdadır.

Nəşr Rəcəb Tayyib Ərdoğanın “Avropanın təhlükəsizliyini Türkiyəsiz düşünmək olmaz” sözlərinə istinad edərək, Türkiyənin Qara dəniz, Balkanlar və Yaxın Şərqdə mühüm güc mövqeyinə yüksəldiyini yazıb. Türkiyənin Ukraynadan kənarda 400 mindən çox aktiv əsgəri ilə ən böyük quru ordusuna sahib olduğu xatırladılarkən, Baykar və İtalyan müdafiə nəhəngi Leonardo arasında əməkdaşlıq da Avropanın diqqətini çəkən əsas addımlardan biri olaraq diqqət çəkib.

Xəbərdə Ankaranın Ukraynada mümkün atəşkəsdən sonra bölgəyə sülhməramlılar göndərməyi təklif etdiyi və bunun Türkiyənin müharibədən sonrakı Qara dəniz nizamında söz sahibi olmaq məqsədini əks etdirdiyi bildirilir. Paylaşılan təklifin Türkiyənin müdafiə sənayesi və müqavilə sektoruna da yeni imkanlar gətirə biləcəyi şərh edilib.

Qeyd olunub ki, Türkiyə bəzən NATO daxilində “çətin” tərəfdaş adlandırılsa da, hazırda mövcud geosiyasi vəziyyətə görə daha etibarlı və əvəzedilməz müttəfiq kimi görünür. Bildirilib ki, Türkiyənin İsveç və Finlandiyanın NATO-ya üzvlük proseslərini ləngitməsi kimi keçmiş addımları indi Qərb paytaxtlarında daha böyük tolerantlıqla qarşılanır.

“The Economist” yazıb ki, hazırda Avropanın Türkiyə ilə münasibətlərində dəyərlərdən çox maraqlar müəyyənedici amillərdir. Başda Almaniya istisna olmaqla, Aİ ölkələrinin son siyasi proseslərə baxmayaraq Türkiyə ilə strateji əməkdaşlığı davam etdirməyə hazır olduqları bildirilib.

Xəbərin oxunma sayı : 193