AzFakt

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

Məktəblərdə mədəniyyət dərsləri - Kadrlar varmı ?


Tarix 17.01.26, 14:37	Font ölçüsü : - / +

Mədəniyyət sahəsində institusional islahatlar aparılacaq, idarəetmənin təkmilləşdirilməsi ilə bağlı konkret təkliflər hazırlanacaq. Bu istiqamət “Azərbaycan Mədəniyyəti – 2040” Mədəniyyət Konsepsiyasında öz əksini tapıb və Prezident İlham Əliyev tərəfindən təsdiqlənib.

Konsepsiyaya əsasən, 2026–2030-cu illərdə mədəniyyət sahəsi təhsilin ayrılmaz tərkib hissəsinə çevriləcək. Belə ki, Azərbaycanın mədəniyyət dəyərləri, tarix və incəsənət sahələri ilə bağlı fənn və biliklərin məktəb və ali təhsil proqramlarında tədrisi təmin olunacaq. Xüsusilə vurğulanır ki, mədəniyyət fənni sistemli şəkildə tədris olunacaq və bu, gənc nəsildə milli-mədəni şüurun formalaşmasına xidmət edəcək.

Bəs mədəniyyət fənninin tədrisi üçün mövcud müəllim heyəti və kadr potensialı kifayət edəcəkmi, yoxsa əlavə hazırlıq tələb olunacaq? Bu təşəbbüsün uzunmüddətli məqsədləri və nəticələri nələrdir?

Mövzu ilə bağlı təhsil mütəxəssisi Elçin Əfəndi Musavat.com-a danışıb. Ekspert deyib ki, mədəniyyət təhsilin tərkib hissələrindən biridir və təhsil müəssisələrində mədəniyyət fənninin tədris olunması, Azərbaycan mədəniyyətinə aid olan xüsusiyyətlərin gənc nəsilə ötürülməsi, istər şagirdlərə, istərsə də ali təhsil müəssisələrində tələbələrə böyük əhəmiyyət kəsb edir: “Əlbəttə, bu fənnin tədrisi üçün bizə müvafiq kadr məsələsi aktuallaşır və düşüncəmiz ondan ibarətdir ki, məhz ali təhsil müəssisələrində müvafiq kadrların hazırlığı həyata keçirilməlidir".

Elçin Əfəndinin fikrincə, hazırda bu fənnin tədrisi əsasən ədəbiyyat və Azərbaycan dili fənləri tədris edə bilərlər: "Çünki burada ədəbiyyatla, dil ilə bağlı müvafiq olaraq bu fənnin tədrisini hazırda məhz Azərbaycan dili fənləri tədris edə bilərlər. Amma təbii ki, zamanla sırf mədəniyyətə aid kadr hazırlığının həyata keçirilməsi vacibdir.

Ali təhsil müəssisələrində mədəniyyətşünaslıq fənni tədris olunur və bu qeyri-ixtisas fənni olaraq tələbələr seçə bilirlər. Kulturologiya və yaxud mədəniyyətşünaslıq adında tələbələrin seçmə fənninə daxildir və bu fənn ali təhsil müəssisələrində tədris olunur. O ki qaldı orta təhsil müəssisələrində bu fənnin tədrisinə, düşünürəm ki, bunun üçün biz ayrıca bir ixtisas yaradaraq bu istiqamət üzrə kadr hazırlığı həyata keçirməliyik. Qarşıdakı dövr ərzində nəzərə alsaq ki, 2026-cı ildən bu konsepsiya artıq irəli sürülür və 4 il ərzində biz bu ildən qəbul apararıqsa, düşünürəm ki, 2030-cu ilə qədər məhz kadr hazırlığı artıqlaması ilə bu fənnin tədrisinə töhfə verə bilərik. Əks halda müvafiq əlavə hazırlıq tələb olunacaq. Burada tarix müəllimləri və yaxud Azərbaycan dili-ədəbiyyat müəllimləri prosesdə iştirak edə bilərlər. Təşəbbüsün uzun müddətli məqsədləri və nəticələrinə gəldikdə, əlbəttə ki, bu təşəbbüs özlüyündə Azərbaycan gəncliyinin, eyni zamanda Azərbaycan dövlətinin həm dilinin, həm ədəbiyyatının, həm mədəniyyətinin, ümumiyyətlə sferasına daxil olan bütün elementlərin növbəti nəsillərə ötürülməsi üçün bir növ zəmin hazırlamağa və nəticədə Azərbaycan mədəniyyətinin təkcə regional deyil, qlobal səviyyədə tanıdılmasına hesablanır. Düşünürəm ki, bunun müsbət nəticələri sonrakı illərdə özünü göstərəcək".

Xəbərin oxunma sayı : 214