AzFakt

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

Xarici tələbələr Azərbaycanda hansı universitetləri seçir? - SİYAHI


Tarix 16.01.26, 9:29	Font ölçüsü : - / +

Azərbaycanda ali təhsil müəssisələrində təhsil alan xarici tələbələrin sayı son illərdə artmağa davam edir. Ötən tədris ilində dövlət və özəl ali təhsil müəssisələrində bakalavr və magistratura səviyyələrində 7472 nəfər xarici vətəndaş təhsil alıb. Bu göstərici 2024-2023-cü il tədris ilində 6680, 2020-2021-ci illərdə isə 5256 nəfər olub.

Modern.az 2025–2026-cı tədris ilində əcnəbi tələbələrin əsasən hansı ali təhsil müəssisələrində təhsil aldığını müəyyənləşdirmək məqsədilə universitetlər arasında sorğu keçirib.

Ölkəmizdə xarici tələbələrin ən çox üz tutuduğu ali təhsil mərkəzi Azərbaycan Tibb Universitetidir. Burada 2216 əcnəbi vətəndaş təhsil alır. Onların 1045-i Türkiyə, 413-ü İran, 251-i Hindistan, 115-i Rusiya, 95-i isə Suriya vətəndaşıdır. Həmçinin Pakistan vətəndaşlığı olan tələbələrin sayı 57, Gürcüstan 45, İraq 24, İordaniya 26 və Misirdən isə 16-dır.

Bundan başqa, Qazaxıstandan 9 tələbə, 3 rezident və 1 magistr, Yəməndən 11 tələbə və 1 doktorant, Fələstindən 12 tələbə və 1 rezident, Livandan 2 tələbə və 1 rezident, Çaddan isə 3 tələbə və 1 rezidentin Azərbaycanda təhsil aldığı bildirilir.

Məlumatda həmçinin az sayda tələbə ilə təmsil olunan ölkələr də yer alıb. ABŞ, İsrail, Kanada, Böyük Britaniya, İsveç, İndoneziya, Liviyə, Eritreya, Surinam, Mavritaniya, Zambiya, Malavi, Nepal, Almaniya, Belarus, Ukrayna, Türkmənistan, Qırğızıstan, Keniya, Mali, Botsvana, Zimbabve, Kamerun, Honduras, Kolumbiya, Maldiv, Burundi, Cibuti, Qambiya və digər ölkələrdən bir və ya bir neçə nəfər Azərbaycanda təhsil alır.

Azərbaycan Dövlət İqtisad Universitetindən (UNEC) verilən məlumata görə, hazırda bu universitetdə təhsil alan 31 ölkədən, 669 əcnəbi tələbə var.

Ən çox tələbə olan ölkələr Gürcüstan, Rusiya, Türkiyə, Qazaxıstan və Ukraynadır. Belə ki, Gürcüstandan 258, Rusiyadan 255, Türkiyədən 33, Qazaxıstanda 27, Ukraynadan isə 21 tələbə UNEC-də təhsil alır.

Azərbaycan Diplomatik Akademiyasında 2025-2026-ci tədris ilində təhsil alan ümumi əcnəbi tələbələrin sayı 243-dür. Xarici tələbələrin 68-i Rusiya, 65-i Gürcüstan, 14-ü Qazaxıstam, 11-i İran və 9-u Tacikistan vətəndaşıdır.

Azərbaycan Dövlət Neft və Sənaye Universitetində isə hazırda ümumilikdə 500 dən çox xarici tələbənin təhsil aldığı bildirilib. İlk sırada 82 nəfərlə Türkiyə, daha sonra 54 nəfərlə Gürcüstan və 46 nəfərlə Rusiya gəlir. Maraqlı məqam ondan ibarətdir ki, ilk beşliyə düşən ölkələr arasında Suriya və Somali də var. Belə ki, ADNSU-da təhsil alan Suriyalıların sayı 13, Somali vətəndaşlarının sayı isə 11-dir.

Azərbaycan Dövlət Pedoqoji Universitetindən isə sorğumuza cavab olaraq bildirilib ki, universitetdə ümumilikdə 110 nəfər əcnəbi vətəndaş təhsil alır. Tələbələrin əksəriyyəti,- 49 nəfər Türkiyə, 32-si Gürcüstan və 18-i Rusiya vətəndaşıdır.

Bakı Slavyan Universitetindən bildirilib ki, bu ali təhsil mərkəzindən hazırda 170 xarici tələbə təhsil alır. Xarici tələbələrin ölkələr üzrə təmsilçiliyinə gəldikdə isə, onların əsas hissəsi Gürcüstan, Rusiya, Çin, Türkiyə, Pakistan, Qazaxıstan və Belarus vətəndaşlarından ibarət olduğu qeyd edilib.

Özəl Universitetlərə gəldikdə isə, hazırda Azərbaycan Avrasiya Universitetində 126 nəfər əcnəbi tələbə təhsil alır. Əcnəbi tələbələrin ən çox təmsil olunduğu 5 ölkə 53 nəfərlə Pakistandır, ikinci sırada 22 nəfərlə Nigeriya və daha sonra 15 nəfərlə Gürcüstan gəlir. İlk beşliyi 13 nəfərlə Rusiya və 8 nəfərlə Türkiyə tamamlayır.

Xəzər Universitetinin mətbuat xidmətindən bilidrilib ki, hazırda universitetdə 120-ə yaxın xarici tələbə təhsil alır. Onlar əsasən Türkiyə, Gürcüstan, Rusiya, Əfqənistan və Pakistan vətəndaşlarıdır.

2025-2026 tədris ilində Azərbaycan Universitetində isə 40 əcnəbi tələbə təhsil alır. Onlardan 19 nəfər Gürcüstan, 9 nəfər Türkiyə, 4 nəfər Pakistan, 3 nəfər Rusiya, 2 nəfər isə Suriya, 1 nəfər Qazaxıstan, 1 Mərakeş, 1 nəfər isə Əfqanıstan vətəndaşıdır.

P.S: Bakı Dövlət Universiteti və Bakı Ali Neft Məktəbi sorğuya cavab vermədikləri üçün məqalədə yer almayıb.

Xəbərin oxunma sayı : 1012