AzFakt

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

Modi onu təhqir edən etirazçıları bağışlayıb: Onlar bizim uşaqlarımızdır


Tarix 01.08.26, 15:56	Font ölçüsü : - / +

Hindistanın Baş naziri gənclərin səhvlərinə görə cəmiyyətdən kənarlaşdırılmamalı olduqlarını bildirib

AzFakt.com xəbər verir ki, Hindustan Times nəşrinin məlumatına görə, Hindistanın Baş naziri Narendra Modi Dehlidə keçirilən etiraz aksiyası zamanı özünün və mərhum anasının təhqir edilməsinə baxmayaraq, aksiya iştirakçılarını bağışlamağa hazır olduğunu bəyan edib.

Sosial şəbəkələrdə yayımlanan videomüraciətində Modi bildirib ki, CanTar-Mantar meydanında keçirilən aksiyada təkcə özü deyil, mərhum anası da ağır təhqirlərə məruz qalıb.

“CanTar-Mantarda təkcə mən təhqir olunmadım, mərhum anam da nalayiq ifadələrlə hədəfə alındı. Amma təhqirlər heç vaxt problemi həll etmir. Səhv yola düşən insanları düzgün istiqamətə yönəltmək lazımdır”, deyə Modi bildirib.

Baş nazir baş verən hadisədən dərin üzüntü keçirdiyini vurğulasa da, gənclərin etdikləri səhvlərə görə cəmiyyətdən təcrid edilməsinin doğru olmadığını qeyd edib.

Onun sözlərinə görə, söhbət “yolunu azmış gənclərdən” gedir və onlara doğru yolu tapmaqda kömək etmək lazımdır.

Modinin açıqlaması iyulun 23-də Yeni Dehlidəki CanTar-Mantar meydanında keçirilən mitinq zamanı onu nalayiq ifadələrlə təhqir etməkdə ittiham olunan bir qız barəsində cinayət işinin başlanmasından sonra səsləndirilib.

Mətbuatın yazdığına görə, istintaq materiallarında həmin şəxs 25 yaşlı kimi göstərilsə də, sonradan yayımladığı üzr videosunda 15 yaşında olduğunu bildirib.

Qız videomüraciətində digər aksiya iştirakçılarının təsiri altına düşdüyünü, sonradan peşman olduğu ifadələr işlətdiyini etiraf edib.

“Mən bütün ölkədən üzr istəyirəm. Çox utanıram. Özümə belə baxa bilmirəm. Xahiş edirəm, məni bağışlayın. Bu mənim ilk və son səhvimdir”, deyə o bildirib.

Məlumata görə, qızla bağlı şikayət Noida şəhərinin polis idarəsinə təqdim edilib. “Sıfır FIR” proseduru ilə qeydiyyata alınan iş daha sonra Yeni Dehlinin Parlament-Strit polis bölməsinə göndərilib.

Hadisə siyasi müzakirələrə də səbəb olub. Hindistan Milli Konqresi Partiyasının nümayəndələri Modinin açıqlamasını tənqid edərək bildiriblər ki, cəmiyyət ondan bağışlama bəyanatı deyil, üzrxahlıq gözləyirdi. Racya Sabhanın üzvü Pavan Khera sosial şəbəkədə paylaşım edərək “Ölkə ondan üzr istəməsini gözləyirdi, o isə əvəzində ölkəni bağışladı”, sözlərini yazıb.

Xəbərin oxunma sayı : 328