AzFakt

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Kartdan-karta ianə köçürmələri dayandırılır? - Açıqlama


Tarix 14.08.26, 18:02	Font ölçüsü : - / +

Avqustun 1-dən etibarən kartdan-karta köçürmələrə tətbiq olunan yeni məhdudiyyətlər şəxsi bank kartları vasitəsilə həyata keçirilən yardım kampaniyalarının gələcəyi ilə bağlı suallar yaradıb. Belə ki, indiyədək müalicə xərcləri, təhsil və digər sosial ehtiyacların qarşılanması üçün vətəndaşlar əsasən şəxsi kart hesablarını paylaşaraq çoxsaylı şəxslərdən ianə toplayıblar.

Yeni qaydaların tətbiqi fonunda belə kampaniyaların hansı mexanizmlə davam etdiriləcəyi və sosial məqsədli köçürmələrin məhdudiyyətlərdən necə qorunacağı məsələsi aktuallaşıb. Digər tərəfdən, Prezident İlham Əliyev tərəfindən təsdiqlənən “Kraudfandinq haqqında” Qanun vəsaitlərin xüsusi platformalar üzərindən daha sistemli və şəffaf şəkildə toplanması üçün yeni imkanlar yaradır. Bu baxımdan, yeni mexanizmin ənənəvi kartdan-karta yardım kampaniyalarını nə dərəcədə əvəz edə biləcəyi və vətəndaşlar üçün praktik tətbiqinin necə təşkil olunacağı diqqət çəkir.

Valyuta.az xəbər verir ki, mövzu ilə bağlı Modern.az-a açıqlamasında Milli Məclisin İqtisadi siyasət, sənaye və sahibkarlıq komitəsinin üzvü Vüqar Bayramov qeyd edib ki, kartdan-karta köçürmələrə tətbiq olunan yeni qaydalar əslində əvvəllər ayrı-ayrı banklar tərəfindən tətbiq edilən məhdudiyyətlərin vahid şəkildə ümumiləşdirilməsidir.

Onun sözlərinə görə, yeni qaydalar bütün əməliyyatlara deyil, yalnız riskli hesab olunan köçürmələrə şamil edilir.

“Əvvəllər də banklar tərəfindən müəyyən məhdudiyyətlər və qaydalar tətbiq olunurdu. Yeni qaydalar isə əsasən riskli qrup və ya riskli əməliyyat hesab olunan köçürmələrə aid ediləcək”.

Deputat qeyd edib ki, yardım və sosial kampaniyalar bu kateqoriyaya daxil deyil:

“İstər yardım kampaniyaları, istərsə də digər sosial kampaniyalar kartdan-karta əməliyyatlarla bağlı riskli əməliyyatlar hesab olunmur. Riskli əməliyyat sayılmadıqları üçün banka əvvəlcədən məlumat verməklə həmin kampaniyaları hər hansı məhdudiyyət olmadan həyata keçirmək mümkün olacaq. Bu baxımdan, xüsusilə təhsil, sosial və səhiyyə sahələri üzrə təşkil olunan kampaniyaların keçirilməsində hər hansı maneənin yaranacağı gözlənilmir”.

V.Bayramov vurğulayıb ki, bu kampaniyalarla bağlı əsas tələb bankın məlumatlandırılması ola bilər:

“Qeyd etdiyimiz kimi, həmin kampaniyalar riskli hesab edilmir. Buna görə də banklar tərəfindən onlara məhdudiyyət tətbiq olunacağı gözlənilmir. Sadəcə, bununla bağlı banka məlumat verilməsi tələb oluna bilər”.

Deputat bildirib ki, kartdan-karta köçürmələrə tətbiq olunan yeni qaydalar “Kraudfandinq haqqında” qanunla ziddiyyət təşkil etmir:

""Kraudfandinq haqqında" qanunda xüsusi platformaların yaradılması nəzərdə tutulur. Bu platformalar vasitəsilə startaplar və sahibkarlar maliyyə cəlb edə, onlayn səhmlərin yerləşdirilməsini, həmçinin bəzi hallarda yardım və ianələrin toplanmasını həyata keçirə biləcəklər.

Kraudfandinq platformaları Mərkəzi Bankın reyestrində qeydiyyata alınacaq. Rəsmi qeydiyyatdan keçdikləri, rəsmi fəaliyyət göstərdikləri və bank hesablarına malik olduqları üçün həmin platformalar üzərindən aparılan əməliyyatlara hər hansı məhdudiyyət tətbiq olunması nəzərdə tutulmur.

Bu əməliyyatlar kartdan-karta köçürmələrdən kənar həyata keçirilən transferlərdir. Ona görə də kartdan-karta əməliyyatlarına tətbiq edilən qaydalar heç bir halda "Kraudfandinq haqqında" qanunla ziddiyyət təşkil etmir", - deyə V.Bayramov əlavə edib.

Xəbərin oxunma sayı : 364