AzFakt

Dünya “böyük Afrika müharibəsi“nin astanasında: Fransa qarşıdurmanı qızışdırır

Ticarət müharibəsi başladı - Trampın bu sərəncamı imzalaması nə vəd edir?

Ərdoğanın Xocalı səfəri - “Şuşada Türkiyə konsulluğunun təməli atılsa...”

Prezident Zəngəzurla bağlı tələbini açıqladı - “Azərbaycana maneəsiz keçid verməlidir...”

“Rossotrudniçestvo“nun əsl mahiyyəti - “Rus evlər“i casus şəbəkəsi rolunda

Natiq Aslanov yığıdığı milyonları üzə çıxarır - Daşınmaz əmlaka sərmayə yatırıb

Rusiya-İran arasında Azərbaycan üzərindən qaz anlaşması - Putin bu dəfə əmindir, amma..

Arayik Harutyunyan Azərbaycan xalqından üzr istədi - “İndi bu bəyanata görə təəssüflənirəm...“

Azəraycanda terror aktı hazırlayanlar həbs olundu - “200 min dolları müqabilində ona sui-qəsd edəcəkdilər...“

Çin qərbə qarşı məxvi planı işə saldı - “Made in China 2025”-də nələr var?

Bakıda 120 milyonluq qalmaqallı hərracın arxasında kimlər dayanır? - ŞOK İSİMLƏR

Abşeron rayonunda sənədsiz evlərin sayı sürətlə artır - İcra hakimiyyəti ilə “anlaşıb“...

Prezidentdən dünyaya mesaj: Azərbaycan 21 ildir inamla, uğurla, ləyaqətlə inkişaf edir

Nadir Aslanovun “görmədiyi“ qanunsuz tikilən 110 evin iziylə - Baş purokrorluğa müraciət...

O da anası ilə birgə ağır cəza almışdı - İlin məşqçisi seçildi


Tarix 17.01.25, 11:23	Font ölçüsü : - / +

Dünən gənclər və idman nazirinin müavini vəzifəsindən azad olunan Mariana Vasileva ilə yanaşı qızı, Azərbaycan gimnastika millisinin baş məşqçisi Siyana Vasileva da Gimnastika Etikası Fondunun (GEF) İntizam Komissiyası tərəfindən ağır cəza alanlar siyahısındadır.

“Qafqazinfo” xəbər verir ki, S.Vasileva da idmançılara qarşı zor tətbiq etməkdə günahlandırılır.

Azərbaycan bədii gimnastika millisinin baş məşqçisi olan S.Vasileva 18 ay müddətinə diskvalifikasiya olunub. O, Beynəlxalq Gimnastika Federasiyasının (FİG) bayrağı altında keçirilən yarışlarda heç bir millinin baş məşqçisi kimi iştirak edə bilməz.

Azərbaycan gimnastika millisində işləyən məşqçi Evgeniya Vilyaeva da cəza alanlar sırasındadır. Siyana Vasilevanın köməkçisi 12 ay diskvalifikasiya olunub.

Maraqlıdır ki, Siyana Vasileva 2022-ci və 2024-cü illərdə Azərbaycanın ən yaxşı qadın məşqçisi seçilib. FİG və GEF-in araşdırmalarının nəticələrini nəzərə alsaq, S.Vasilevanın iki dəfə ilin ən yaxşı qadın məşqçisi olması suallar doğurur. Necə olur ki, Azərbaycan gimnastlarına qarşı zor tətbiq edən məşqçilər bu mükafata layiq görülür? Təəccüblüdür ki, GEF İntizam Komissiyası dekabrın 31-də Siyana Vasileva haqqında qərar çıxarır və onu diskvalifikasiya edir. Lakin üstündən bir həftə keçməmiş o, Azərbaycanda ilin ən yaxşı qadın məşqçisi kimi mükafatlandırılır. Bəllidir ki, ilin ən yaxşıları nazirlik tərəfindən deyil, səsvermə əsasında seçilib. Amma bu cür ağır qərardan sonra səsvermə olsa belə, onun adı siyahıdan çıxarıla bilərdi.

Siyana Vasileva ilə bağlı ikinci diqqətçəkən məqam onun 2022-ci ildə ilin ən yaxşı qadın məşqçisi seçilməsi idi. Həmin vaxt heç bir ciddi uğuru olmayan xanım məşqçi mükafat almışdı. Bu il isə ən yaxşılar siyahısında olmasına səbəb Paris Yay Olimpiya Oyunlarında iştirakı və komandasının 5-ci yeri tutması idi. Lakin istənilən halda idmançılara qarşı yaxşı davranış uğurlardan öndə gəlir.

Xatırladaq ki, nazir müavini vəzifəsindən azad edilən Mariana Vasileva Azərbaycan gimnastika yığmasının üzvlərinə qarşı zor tətbiq etməkdə günahlandırılaraq diskvalifikasiya olunub.

GEF İntizam Komissiyası onu 8 il müddətində Beynəlxalq Gimnastika Federasiyasının (FİG) bayrağı altında keçirilən yarışlarda iştirakına qadağa qoyub.

Həmçinin, o, bundan sonra FİG yarışlarında mübarizə apara biləcək millilərdən heç birinin baş məşqçisi ola bilməz. Bununla da M.Vasileva baş məşqçi kimi ömürlük diskvalifikasiya alıb.

2019-cu ildə FIG tərəfindən Mariana Vasilevaya verilən “Fəxri Təlimçi” diplomu geri götürüləcək.