AzFakt

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Paytaxtda zülmətə qərq olan park - İşıqlandırmaya ayrılan vəsait hara xərclənir?


Tarix 29.05.24, 20:58	Font ölçüsü : - / +

Son vaxtlar mətbu orqanlarda paytaxtdakı parkların, xiyabanların, küçələrin və prospektlərin işıqlandırılması ilə bağlı yayımlanan şikayət xarakterli yazılara tez-tez rast gəlinir. Paytaxt sakinləri axşam saatlarında sözügedən yerlərə elektrik enerjisinin verilməməsindən, işıqlandırma sisteminin olmamasından və ya işləməməsindən şikayətlənirlər.

Xətai rayonu, General Əliağa Şıxlinski ünvanında yerləşən park da belə yerlərdən biridir. Sözügedən parkın bir neçə həftədir qaranlığa qərq olması “AzPolitika”-ya müraciət edən yerli sakinlərin haqlı narazılığına səbəb olub.

Qeyd edək ki, bu parkda ciddi abadlıq işləri görülməsə də, yüksək təmizlik xidməti olmasa da, yaxınlıqdakı bina sakinlərinin istirahət edə biləcəyi, yaşıllıq zolağı olan yeganə ərazidir. Böyüklərlə birgə uşaqların da üz tutduğu parkın ərazisi zülmət qaranlığa qərq olduğundan, axşam saatlarında bu yer müasir parkdan çox vahiməli və qorxulu bir meşəni xatırladır.

Parkın yaxınlığında yaşayan sakinlər “AzPolitika”-ya müraciətlərində bildiriblər ki, artıq 20 gündən çoxdur gecə saatlarında park işıqlandırılmır. Sakinlər işıq olmadığından axşam saatlarında istirahət üçün parka üz tuta bilmədiklərini deyirlər: “Parkın ətrafındakı dirəklərdə işıq yanmadığı üçün məcburən qaranlıqda gəzirik. Qaranlığa bürünmüş parkın əraizisində nəinki istirahət etmək, yaxınından keçmək belə qorxulu olub. Gecə saatlarında bu parkı gəzmək fikirində olsan yıxılıb xəsarət almamaq üçün mütləqdir ki, özünlə fanar götürəsən. Eşitdiyimizə görə, park işıq borcu səbəbindən işıqlandırılmır. Ancaq səbəb hər nə olur olsun bundan ətrafda yaşayan yüzlərlə ailə əziyyət çəkməməlidir. Ümid edirik ki, səlahiyyətli qurumlar bu problemi tez bir zamanda aradan qaldıracaqlar”.

Sakinlər bu barədə səlahiyyətli qurumların onlara hər hansı bir açıqlama vermədiyini də deyiblər.

Sözügedən probemlə bağlı Xətai rayon İcra Hakimiyyəti və “Bakı Şəhər İşığı” Elektrik Şəbəkə Müəssisəsinin Xətai şöbəsi ilə əlaqə qurmaq cəhdlərimiz uğursuz olub. Günün müxtəlif saatlarında edilən zənglərimiz cavabsız qalıb.

Qeyd edək ki, “Bakı Şəhər İşığı” Elektrik Şəbəkə Müəssisəsi Bakı şəhər İcra Hakimiyyətinin nəzdində fəaliyyət göstərir və Bakı şəhəri üzrə küçələrin, prospektlərin, parkların və xiyabanların, eləcə də şəhərin binalarının işıqlandırılmasını həyata keçirir. Diqqət çəkən məqamlardan biri odur ki, son illər qaranlığa qərq olmuş paytaxtımızın işıqlandırılmasına yönələn dövlət vəsaitinin həcmi xeyli artıb. Məsələn, 2023-cü ildə “Bakı Şəhər İşığı” Elektrik Şəbəkə Müəssisəsi “Reliable Oil Services” MMC ilə 3 milyon 96 min manatlıq müqavilə bağlayıb ki, bu, 2022-ci ildəki vəsaitdən 13% artıq olub. 2022-ci ildə işıqlandırma üçün 2 milyon 750 min manat, 2021-ci ildə 2 milyon 998 min manat, 2020-ci ildə isə 2 milyon 993 min manat vəsait ödənilib.

Göründüyü kimi, dövlət müvafiq quruma lazım olan vəsaitin həcmini ildən-ilə artırır ki, paytaxtın işıqlandırılması ilə bağlı mövcud problemlər aradan qaldırılsın. Amma nə işdirsə, zülmətə qərq olan paytaxt küçələrinin sayı azalmaq əvəzinə, ilbəil artır. Bu səbəbdən Bakı küçələrinin işıqlandırılması ilə bağlı keçirilən şübhəli tenderlərin şəffaflığı böyük sual doğurur. Ümid edirik ki, yerli inzibati və cavabdeh orqanlar bu parkın timsalında paytaxtın müxtəlif yerlərində işıqlandırma ilə bağlı ortaya çıxan problemlərin səbəbini araşdırıb, bu işləri yoluna qoyacaqlar…