AzFakt

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Pensiya alan partiya sədrləri - Kim razıdır, kim narazı...


Tarix 15.01.25, 14:22	Font ölçüsü : - / +

Müasir Müsavat Partiyasının sədri Hafiz Hacıyevin Modern.az-a son açıqlaması siyasətçilərin pensiya məsələsini gündəm edib. Pensiya almadığını iddia edən və buna görə müvafiq dövlət qurumlarını günahlandıran 68 yaşlı partiya sədrinə rəsmi cavab çox gecikməyib.

Əmək və Əhalinin Sosial Müdafiəsi Nazirliyinin tabeliyində fəaliyyət göstərən Dövlət Sosial Müdafiə Fondu Hafiz Hacıyevin açıqlamasına elə dünən cavab verib. Fond bəyan edib ki, Hafiz Ələmdar oğlu Hacıyevin pensiya hüququ 16.04.2021-ci il tarixində yaranıb və ona həmin tarixdən proaktiv qaydada yaşa görə əmək pensiyası təyin olunub.

"Hazırda vətəndaşın pensiyası 337,77 manat təşkil edir və pensiya ödənişlərində hər hansı bir problem olmayıb. Belə ki, vətəndaşın yanvar ayı üzrə pensiyası 2025-ci ilin yanvarın 9-da onun hesabına köçürülüb və o, həmin pulu yanvarın 12-də bankomatdan çıxarıb", - açıqlamada deyilir.

Bununla da Dövlət Sosial Müdafiə Fondu Müasir Müsavat Partiyasının sədri Hafiz Hacıyevin "pensiya almıram” iddiasını yalan olduğunu sübut edib.

Bəs Hafiz Hacıyevdən başqa hansı partiya sədrləri pensiya alırlar?

Modern.az saytı bununla bağlı məlumatları araşdırmağa çalışıb.

Qeyd edək ki, 1 iyul 2020-ci il tarixindən etibarən Azərbaycanda kişilər üçün pensiya yaşı 65-dir.

"Əmək pensiyaları haqqında” Qanunun 7-ci maddəsinə əsasən, pensiya yaşına çatmış şəxsin fərdi hesabın sığorta hissəsində qeydə alınmış pensiya kapitalı əmək pensiyasının minimum məbləğindən az olmayan pensiya təminatına imkan verdikdə sığorta stajından asılı olmayaraq, bu pensiya təminatına imkan vermədikdə isə azı 25 il sığorta stajı olduqda (2017-ci il iyulun 1-dək yaşa görə əmək pensiyası təyin edilmiş şəxslər istisna olmaqla) yaşa görə əmək pensiyası hüququ vardır”.

Azərbaycanda minimum əmək pensiyası 2025-ci il yanvarın 1-dən 320 manata çatdırılıb.

Əmək pensiyası almaq hüququ olmayan 65 yaşlı şəxslərə 220 manat məbləğində sosial müavinət təyin edilir.

Ölkədəki partiya sədrlərinin bir çoxu pensiya yaşındadırlar.

Müsavat Partiyasının başqanı İsa Qəmbər 2022-ci il fevralın 24-də 65 yaşına çatıb. 1957-ci il təvəllüdlü İsa Qəmbər 1990-1995-ci illərdə keçmiş Ali Sovetin deputatı, 1992-1993-cü illərdə sədri olub, 1992-ci il mayın 18-dən iyunun 17-dək prezident səlahiyyətlərini icra edib.

Amma İsa Qəmbər heç minimum pensiya da almır. Ona yaşa görə görə sosal müavinət təyin edilib ki, bu da hazırda 220 manat təşkil edir. Dövlət Sosial Müdafiə Fondu bəyan edib ki, qanun pensiya hüququ üçün ya 25 il sığorta stajı, ya da minimum pensiya kapitalı (2025-ci ildən 46080 manat olub) şərti qoyur, İsa Qəmbərin sənədləri bu şərtlərə uyğun gəlməyib. Ona görə də ona 220 manat sosial müavinət təyin edilib. İsa Qəmbər isə bu əsaslandırmanə ədalətsizlik sayaraq, ona ayrılan sosial müavinəti almaqdan imtina edib.

Azərbaycan Demokrat Partiyasının (ADP) sədri Sərdar Cəlaloğlu 71 yaşındadır. 1954-cü il təvəllüdlü ADP sədri minimum pensiya alır. S.Cəlaloğlu da ona təyin edilən pensiyanın məbləğindən narazıdır.

Klassik Xalq Cəbhəsi Partiyasının (KXCP) sədri Mirmahud Mirəlioğlu pensiya yaşlı siyasətçilərdəndir. 1956-cı il təvəllüdlü Mirmahmud ağanın 69 yaşı var. O, bir müddət öncə Modern.az-a açıqlamasında adi pensiya aldığını qeyd etmişdi. M.Mirəlioğlunun sözlərinə görə, cəmiyyətin pensiya yaşına çatmış bütün üzvlərinin pensiyaları onları təmin etməlidir.

Ana Vətən Partiyasının (AVP) sədri, keçmiş deputat Fəzail Ağamalı da pensiyaçıdır, onun 78 yaşı var. Amma digər partiya sədrlərindən fərqli olaraq Fəzail Ağamalı yüksək pensiya alır. Bu da onun üzün illər deputat olmasıyla əlaqədardır. Belə ki, F.Ağamalıya hazırda fəaliyyətdə olan deputatın əmək haqqının 80 faizi qədər pensiya verilir. F.Ağamalı sosial təminat nazirinin müavini (1992–1993), əmək və əhalinin sosial müdafiəsi naziri vəzifəsinin icraçısı (1993–1994) işləyib, Milli Məclisin I, II, III, IV, V və VI çağırış deputatı olub.

Vətəndaş Həmrəyliyi Partiyasının sədri, sabiq millət vəkili Sabir Rüstəmxanlı da deputat pensiyası alır. 79 yaşlı S.Rüstəmxanlı Milli Məclisin I, II, III, IV və VI çağırış deputatı olub. Ona da hazırda fəaliyyətdə olan deputatın əmək haqqının 80 faizi qədər pensiya verilir.

Ədalət Partiyasının sədri İlyas İsmayılov yüksək pensiya alan siyasətçilərdəndir. Bu da onun vaxtilə yüksək vəzifələrdə işləməsi və sabiq deputat olması ilə əlaqədardı. 87 yaşlı İlyas İsmayılov 1992-1995-ci illərdə Azərbaycanın ədliyyə naziri işləyib. Milli Məclisin III (2005-2010) və IV (2010-2015) çağırışının deputatı olub.

Azərbaycan Xalq Partiyasının sədri Pənah Hüseynin 68 yaşı var (1957-ci il təvəllüdlü) və pensiyaya çıxıb. O, keçmiş deputat kimi hazırda fəaliyyətdə olan parlamentarların maaşının 80%-i həcmində pensiya alır. Pənah Hüseyn Azərbaycan Milli Məclisinin III çağırışının (2005-2010) deputatı olub.

Azərbaycan Demokratik İslahatlar Partiyasının sədri, Milli Məclisin deputatı Asim Mollazadə də təqaüd yaşına çoxdan çatıb. 1953-cü il təvəllüdlü A.Mollazadənin 72 yaşı var. Asim Mollazadəyə deputat kimi yüksək maaşla yanaşı, həm də əmək haqqının 55 faizi qədər pensiya verilir.

Haqq Ədalət Partiyasının sədri Əli İnsanov da çoxdan pensiyaya çıxıb. 79 yaşlı siyasətçi yüksək pensiya alır. O, 1993-2005-ci illərdə Azərbaycanın səhiyyə naziri, 1995-2000-ci illərdə I çağırış Milli Məclisin deputatı olub.

Azad Vətən Partiyasının sədri Akif Nağı 68 yaşındadır və pensiya alır.

Vəhdət Partiyasının sədri, sabiq deputat Tahir Kərimli 1956-cı il təvəllüdlüdür. 69 yaşlı Tahir Kərimli deputat pensiyası alır. O, 1992–1993-cü illərdə Ali Məhkəməsinin sədri işləyib. T.Kərimli Milli Məclisin V və VI çağırış deputatı olub. Ona hazırda fəaliyyətdə olan deputatın əmək haqqının 80 faizi qədər pensiya verilir ki, bu da Azərbaycan reallığı üçün yüksək pensiya sayılır.

Yeni Azərbaycan Partiyası (İlham Əliyev), Azərbaycan Milli İstiqlal Partiyası (Arzuxan Əlizadə), Ağ Partiya (Tural Abbaslı), Ümid Partiyası (İqbal Ağazadə), Azərbaycan Demokratik Maarifçilik Partiyası (Elşən Musayev), Azərbaycan Xalq Cəbhəsi Partiyası (Əli Kərimli), Böyük Quruluş Partiyası (Fazil Mustafa), Ədalət, Hüquq, Demokratiya Partiyası (Qüdrət Həsənquliyev), Milli Dirçəliş Hərəkatı Partiyası (Fərəc Quliyev), Yeni Zaman Partiyası (Musa Ağayev), Milli Cəbhə Partiyası (Razi Nurullayev), Respublikaçı Alternativ Partiyası (Natiq Cəfərli) və Gələcək Azərbaycan Partiyasının (Ağasif Şakiroğlu) sədrləri isə hələ 65 yaşa çatmayıblar, pensiyaçı deyillər.

Xəbərin oxunma sayı : 829