Laçın rayonunun azad edilməsi Azərbaycan Respublikasının Prezidenti, Müzəffər Ali Baş Komandan İlham Əliyevin uzaqgörən, düşünülmüş, düzgün taktika və strategiyasının parlaq nəticəsinin təzahürü kimi qiymətləndirilməlidir. Bu zəfər həm də şanlı Azərbaycan Ordusunun igid, qorxmaz, qəhrəman əsgər və zabitlərinin müqəddəs və doğma torpaqlarımız uğrunda yüksək hərbi peşəkarlıq və tükənməz Vətən sevgisi ilə son damla qanlarına kimi qəhrəmancasına vuruşmalarının əyani təzahürüdür. Torpaqlarımızın  azadlığı ilə döyüşən hərbçilərimiz əsl qəhrəmanlıq nümunələri göstərdilər. Bu müqəddəs mübarizədə canını qurban verən şəhidlərimizin ruhu qarşısında baş əyirik. Noyabrın 20-də Ağdam, noyabrın 25-də Kəlbəcər, dekabrın 1-də Laçın Azərbaycana təhvil verilib burda

əsas məqam bu üç böyük rayonun bir güllə atılmadan, bir şəhid vermədən azad edilməsidir. 44 günlük Vətən müharibəsinin nəticəsində işğal altında olan bütün torpaqlarımız, o cümlədən Laçın rayonu azad

edildi. Ən qədim yaşayış məskənlərindən olan Laçın zəngin və ecazkar təbiəti ilə doğma Vətənimizin şanlı tarixini qəlbində yaşadan, heç vaxt unudulmaz və həmişə yaddaşımızda əbədi qalan əziz yurdumuzdur. Eyni zamanda, füsunkar uca dağları, şiş qayaları, saysız-hesabsız müalicəvi bulaqları,

tayı-bərabəri olmayan yaşıl çəmənləri və meşələri ilə qəlbləri heyran edən və riqqətə gətirən elimizin- obamızın iftixar yeridir. Zəngin mineral ehtiyatları ilə məşhur olan Laçın yaramaz, utanmaz və heç bir abır-həya bilməyən, faşist ideologiyasına can-başla xidmət etməkdən çəkinməyən, həyasız sabiq

Ermənistan liderləri Koçaryan, Sarkisyan və digərləri başda olmaqla, millətçi və xəbis ermənilər tərəfindən talanıb və məhv edilib. Bu yırtıcı və amansız cəlladlar, oğrular laçınlıların evlərinə soxularaq 28 ildən artıq bir müddətdə orada yaşayıblar. Ermənilər Kəlbəcərdə olduğu kimi, Laçını da tərk edərkən

dünya ölkələrinin və onların nümayəndələrinin gözləri qarşısında meşələri qırıb taladılar, vəhşicəsinə yandırdılar, ekoloji faciə və fəlakət yaratdılar. Onlar hətta evləri, məktəbləri, tarixi abidələri yandırmaqdan belə çəkinmədilər, bütün maddi-mədəni irsimizi yerlə-yeksan etdilər. Heç bir insanlığa sığmayan bu vəhşi hərəkətləri azmış kimi, apara bilmədikləri ev heyvanlarını qəddarcasına öldürdülər, kommunikasiya xətlərini isə tam yararsız hala saldılar.

Laçının azad olunması həm də strateji əhəmiyyətə malikdir: bu rayon Ermənistanı Dağlıq Qarabağla birləşdirən dəhliz rolunu oynayır. I Qarabağ müharibəsində Laçının işğal edilməsindən sonra Ermənistanın Qarabağa yolu açıldı və digər ərazilərin işğal edilməsi daha da asanlaşdı. 28 il sonra

Laçının azad edilməsinin həm tarixi, həm də strateji əhəmiyyəti var. Laçının işğaldan azad olunması ilə ölkəmizin bu gözəl guşəsində həyat yenidən canlanır, insanlar öz yurdlarına qayıdacaq və böyük quruculuq işləri həyata keçirilir. Müzəffər Ali Baş Komandan, Prezident cənab İlham Əliyevin qətiyyəti, hərbi qələbəni siyasi qələbəyə çevirən diplomatik məharəti nəticəsində Ağdam və Kəlbəcər kimi Laçın rayonunun da qan tökülmədən, şəhid verilmədən geri qaytarılması tarixi hadisədir.       

Azərbaycan hökumətinin qarşısında duran mühüm vəzifələrdən biri həmin ərazilərə qayıdışı təmin etməkdir. Artıq bu istiqamətdə işlərə başlanılıb, azad olunmuş ərazilərdə bərpa, tikinti işləri görülməkdədir. Heç şübhə yoxdur ki, azad olunmuş rayonların sakinləri qısa zamanda doğma yurd- yuvalarına qayıdacaqlar. Yaşasın qüdrətli Azərbaycan Respublikası! Yaşasın Müzəffər Ali Baş Komandan! Yaşasın Şanlı Azərbaycan Ordusu!

Zəfər İbadzadə