AzFakt

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

Trampın bu planı özünə qarşı yönələ bilər: Neft bazarı gözləntidə


Tarix 03.02.25, 22:00	Font ölçüsü : - / +

ABŞ prezidenti Donald Trampın yerli neft hasilatını artırmaq planları bazar tendensiyalarına ziddir və şist sənayesində iflas dalğasına səbəb ola bilər.

Musavat.com xəbər verir ki, belə qiymətləndirmə ilə The Wall Street Journal (WSJ) qəzeti çıxış edib.

Qəzet yazır ki, şist neft hasilatı ilə məşğul olan Amerika şirkətləri onun dərəcəsini kəskin şəkildə artırmağa hazırlaşmır, çünki bu, qiymətləri aşağı sala və yeni iflas dalğasına səbəb ola bilər. Eyni zamanda, Tramp dünya bazarında enerji qiymətlərini aşağı salmaq üçün OPEK-i neft hasilatını artırmağa məcbur etmək istəyir. Nəşrə görə, ABŞ-ın təşkilatdakı əsas müttəfiqi olan Səudiyyə Ərəbistanınnın öz büdcəsinin zərərinə gedərək hasilatı kəskin artırması real deyil.

Tramp administrasiyası hesab edir ki, neft qiymətlərinin çökməsi ABŞ-da inflyasiya ilə mübarizə aparmağa və faiz dərəcələrini aşağı salmağa kömək edəcək. Bundan əlavə, Vaşinqton administrasiyasının rəhbəri bu yolla Rusiya və İrana təzyiq etmək niyyətindədir. Lakin neftin qiymətinin 50 dollardan aşağı düşməsi ABŞ-ın neft ixracı imkanlarını ciddi şəkildə azalda bilər: bu qiymətlər şist neft hasilatını səmərəsiz hala gəitrməklə 2020-ci ildə olduğu kimi, istehsalçılar arasında iflas dalğasına səbəb olacaq.

Bundan əvvəl Tramp ABŞ-ın neft hasilatını artırmağı planlaşdırdığını bildirib. Amerika lideri onu da qeyd edib ki, Vaşinqton Ər-Riyad və OPEC-i qiymətləri endirmək, həmçinin OPEC+-a daxil olan Rusiyaya təzyiq üçün hasilatı artırmağa razı salmağa çalışacaq. OPEC ölkələrinin nümayəndələrindən bu açıqlamalara hələlik heç bir reaksiya verilməyib. Tramp həmçinin bildirib ki, ABŞ enerji idxalını sıfıra endirməyə çalışır.

Trampın neft hasilatını artırmaqla qiymətləri endirmək planını treyderlər bazar üçün ciddi təhlükə kimi dəyərləndirirlər. Lakin onun Kanada neftinə 10 faiz rüsum təyin etməsi bu gözləntiləri zəiflədib. Son addımları ABŞ-ın yeni prezidentinin verdiyi vədlərə əməl etməkdə israrlı olduğunu göstərir. Bu, həm də qlobal iqtisadi artımı zəiflətməklə neftə tələbatı azaldacaq və bununla da qiymətləri daha da aşağı çəkəcək addım kimi dəyərləndirilir. Lakin qiymətlərin 50 dollara qədər azalması baş verərsə, ABŞ-dan ixracın düşməsi neft bazarında qiymətləri tənzimləyəcək əsas amilə çevrilə bilər.

Xəbərin oxunma sayı : 1045