“İki uşaq anasıyam, kimdir məni alan?“ -Renka “Mətbəxə girmirəm, maşın sürmürəm, saçımı daramıram“ - VİDEO Sevda Yahyayevanın qısa ətəyi tənqid olundu - VİDEO “Məni çadrada görmək istəyirlər“ - Tənqidlərə cavab verdi
Axtar
 
  • / Maqazin / — 31 Avqust 2026

    “İki uşaq anasıyam, kimdir məni alan?“ -Renka

  • / Maqazin / — 11 İyul 2026

    “Mətbəxə girmirəm, maşın sürmürəm, saçımı daramıram“ - VİDEO

  • / Maqazin / — 11 İyul 2026

    Sevda Yahyayevanın qısa ətəyi tənqid olundu - VİDEO

  • / Maqazin / — 02 İyul 2026

    “Məni çadrada görmək istəyirlər“ - Tənqidlərə cavab verdi

  • / Maqazin / — 01 İyul 2026

    “Ər çörəyi yeyəndə kökələcəm“ - Azərbaycanlı model

  • / Maqazin / — 12 İyun 2026

    “Kişi məclislərinə bir şərtlə gedirəm” - Nigar Şabanova

Next
Previous

Xankəndi futbol stadionunda nə baş verir? - Mühəndis yoxluğu, fəhlələrə keyfiyyətsiz yemək...

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Vətəndaşı hakimiyyətdən narazı salan kimdir: AYNA, yoxsa “Kapital Bank”?..

Tarix 09.01.25, 17:27

Font ölçüsü : - / +
bitmap-img6


AYNA, ya da “Kapital Bank” hansı qanuna əsaslanaraq vətəndaşların aldığı QR biletləri 10 saniyədən sonra onların əlindən alır və istifadəyə yararsız hala gətirir?..

İctimai nəqliyyatda ödəmələrlə bağlı problemlər öz həllini gözləyir.

Poliqon xəbər verir ki, “BakıKart” onlayn ödəniş sistemi artıq yarım ilə yaxındır ki, işləmir və AYNA rəsmiləri hələ də sistemin işləməməsi ilə bağlı normal bir açıqlama ilə çıxış edə bilmirlər. “BakıKart” portalında uzun zaman sərnişinlərə ümid verdilər ki, portalın yenilənməsi başa çatdıqdan sonra onlayn ödəniş sistemi yenidən fəaliyyətə başlayacaq. Amma bu yenilənmə hələ də başa çatdırılmır...

Xatırladaq ki, “BakıKart” portalında və mobil tətbiqində ötən ilin avqust ayının əvvəlindən onlayn ödənişləri həyata keçirmək mümkün deyil. AYNA rəsmilərinin o zaman verdikləri açılamada bildirilirdi ki, yaranan texniki nasazlığın aradan qaldırılması istiqamətində işlər davam etdirilir. Amma görünür ki, problem nasazlıqla bağlı deyilmiş. Çünki aradan keçən 5 aydan bir qədər artıq müddət ərzində nəinki nasazlıq aradan qaldırıldı, əksinə, “BakıKart” portalı və mobil tətbiqi sadəcə, yoxa çıxdı. Onun yerinə isə “Kapital Bank”ın “Birbank” kartı vasitəsi ilə QR ödəniş sistemi gətirildi.

“Birbank” kartı vasitəsi ilə QR ödəniş sistemi gətirildikdən sonra insanlar bir qədər rahatladılar, çünki hər kəsin probleminə çevrilən nəqliyyat ödənişləri bir qədər daha asanlaşdı və hətta belə deyək, “əlçatan” kimi göründü. Amma bu rahatlıq da uzun sürmədi...

QR ödəniş sisteminə zaman məhdudiyyəti niyə və hansı məntiqlə qoyulur?

Hər şey doğrudan da yaxşı gedirdi. Amma sonradan QR kodlara müddət məhdudiyyətinin qoyulması sadəcə, cibgirliyə döndü.

Xatırladaq ki, ilk mərhələdə QR kodlara 30 dəqiqə müddət ayrılmışdı və bu, normal görünürdü. Sonra həmin müddət heç bir izahat verilmədən 5 dəqiqəyə endirildi. Sərnişinlərin haqlı təəccübünə və narazılığına səbəb olan sözügedən QR biletinə zaman məhdudiyyətinin qoyulması kimə və nəyə lazım idi? Niyə vətəndaş aldığı bileti istədiyi zaman isifadə etməkdən məhrum edilir? Axı o bilet artıq vətəndaşın malı hesab olunur. Niyə AYNA-da, ya da “Kapital Bank”da bunun əksini düşünürlər və bu zaman hansı qanuna, ya da heç olmasa, məntiqə əsaslanırlar?

Amma sən demə, 5 dəqiqlik zaman məhdudiyyəti üçün insanlar gündə ən azından Allaha ən azı 3 dəfə şükür etməliymişlər. Çünki hansısa dairələr, ya da işbazlar və dələduzlar bu zaman məhdudiyyətini özlərinin gəlir mənbəyinə çevirəndən sonra QR biletlərin istifadə müddəti əvvəl 50 saniyəyə, sonra 30 saniyəyə, nəhayət, ən minimum həddə-10 saniyəyə qədər endirildi.

Qeyd edək ki, QR biletlərə 10 saniyəlik müddət məhdudiyyəti qoyulandan sonra həmin biletlərin az qala yarısı istifadəsiz qalır. Çünki avtobus və metrolarda oxuyucular telefondan QR kodları çox çətinliklə oxuyur və bu zaman 10 saniyə yetərli olmur. Bəzən isə avtobus yaxınlaşarkən QR bilet alan sərnişin vaxtında avtobusa minə bilmədiyi üçün QR biletdən istifadə edə bilmir. Hər iki halda sərnişin yenidən bilet almalı olur və istifadə edə bilmədiyi biletin pulu da boşuna sərf edilmiş vəsait hesab olunur...

Sual olunur: AYNA və “Kapital Bank” bütün bunları bu ölkənin insanlarına hansı səbəbdən yaşadırlar? Vətəndaşı hakimiyyətndən niyə narazı salırlar? Onlar ölkə vətəndaşlarının, yaxud hakimiyyətin düşmənidirlərmi? Kimin dəyirmanına su tökürlərt? Elə deyilsə, bu suallara cavab versinlər: 10 saniyəlik məhdudiyyəti tətbiq edənlərin məqsədi nədir? Buna kim aydınlıq gətirə bilər?

Maraqlıdır ki, nə AYNA-dan, nə də “Kapital Bank”dan heç kim milyonlarla insanı narazı salan vəziyyətlə bağlı izahat vermək istəmir. Amma biz bu suallara dəfələrlə cavab almağa çalışdıq.

AYNA-dan yaşanan problemlərlə bağlı bildirdilər ki, QR biletlərə müddət məhdudiyyətini onlar deyil, məhz “Kapital Bank” qoyub. Qeyd edək ki, QR kodları ya da “BakıKart” kartını oxuyuculara yaxınlaşdırdığımız zaman 10 saniyəlik geri sayım başlayır. Sual olunur, həmin geri sayım proqramını da oxuyuculara “Kapital Bank” tətbiq edib?

Tutaq ki, zaman məhdudiyyəti “Kapital Bank”ın xalqımıza “töhfəsidir”.Amma AYNA tərəfdaş bankın onun işinə müdaxilə etməsinə niyə susur və etiraz etmir? Sərnişinlərin biletlərinin keçərli olub-olmamasına görə o biletləri satan AYNA məsuliyyət daşımırmı? Biletin sahibi olan AYNA öz malının alqı-satıqısı və keçərli olması üçün məsuliyyət daşıyır. Bəs müştərilərinin - sərnişinlərin məmnuyyiyəti AYNA rəhbərliyini düşündürmürmü? AYNA-nın məhsulu üzərindən müştərinin haqları tapdanırsa, hansı şəbədən qurumun rəhbərliyi bankın qanunsuzluğuna və açıq cibgirliyinə etiraz etmir və buna son qoymur? Yəni “biz QR biləetlərə zaman məhdudiyyəti qoymamışıq”, deməklə AYNA-nın məsuliyyəti və vəzifə borcu bitirmi?

Əməkdaşlarımız sözügedən problemlə bağlı “Kapital Bank”dan da açıqlama almağa dəfələrlə cəhd edib. Hər dəfə də operatorlar bildiriblər ki, bankın mütəxəssisləri bizimlə əlaqa saxlayacaqlar. Amma bu yazı sayta qoyulana qədər, hardasa 4 iş gün müddətində heç kim bizimlə əlaqə saxlamadı.

Ümumiyyətlə, “Kapital Bank”ın öz müştəriləri ilə çox qəribə əlaqə sistemi var. Operator sualı dinlədikdən sonra bildirir ki, mütəxəsisslər daha sonra əlaqə yaradacaqlar. Bəzən bu əlaqə bir neçə gündən sonra baş tutur, bəzən isə heç kim əlaqə saxlamır. “Kapital Bank”ın əlaqə ilə bağlı bu iş prinsipi hansı məntiqə söykənir? Qeyd edək ki, Azərbaycanda heç bir xidmət sahəsində belə iş sistemi yoxdur...

İstifadə olunmayan QR biletlərin pulları hara yoxa çıxır?

Problemin ən qaranlıq tərəflərindən biri də istifadə olunmayan QR biletlərin pullarının geri qayıtmamasıdır. Doğrudur, məsələ ilə bağlı “Kapital Bank”dan aylar öncə verilən açıqlamada bildirilirdi ki, istifadəsiz biletlərə xərclənən pul əvvəllər 2 saat ərzində geri qaytarılırdısa, bundan sonra 3-30 gün ərzində müştəriyə ödəniləcək. Lakin bizə müraciət edən vətəndaşlar istifadə olunmayan QR biletlərin pullarını aylardır ki, kartın balansına qaytarılmadığını bildirirlər.

Biz çoxsaylı sərnişinlər adından xahiş edirik ki, “Kapital bank” və “Bakıkart” bununla bağlı məntiqli bir açıqlama versin. Ən azından 10 saniyəlik ödəniş müddəti hansı zərurətdən yaranıb, hansı qanuna əsasən qüvvədədir və hansı prinsipə görə istifadə olunmayan QR biletlərinin pulu bu qədər gec ödənilir, ya da mənimsənilir?

Yeri gəlmişkəm, dünən “Kapital Bank”dan verilən açıqlamada bildirilir ki, noyabr ayında texniki xəta səbəbindən müştərilərin “BakıKart” QR biletləri üzrə istifadə etmədikləri biletlərlə yanaşı, istifadə etdikləri biletlərin ödənişləri də onların hesablarına geri qaytarılıb. Bankdan bildiriblər ki, həmin pullar yenidən kartlardan silinəcək. Bank bu qədər qeyri-peşəkar fəaliyyətini nə ilə izah edə bilər? Digər tərəfdən, “Kapital Bank”ın iddia etməsinə baxmayaraq, bu sətirlərin müəllifinin kartına son 3 ayda istifadə olunmamış biletlərin pulu geri qaytarılmayıb.

Maraqlıdır ki, dünən bankdan verilən açıqlamada, həmçinin bildirilir ki, QR bilet yaradıldığı andan etibarən 1 dəqiqə ərzində istifadə edilə bilər. İstifadə müddəti 10 saniyə olduğu halda, “Kapital Bank” hansı 1 dəqiqədən danışır və kimi aldatmağa çalışır?

QR biletlərin satışı niyə “Kapital Bank”ın “Birbank” kartının monopoliyasına verilib?

Başqa bir sual doğuran məsələ də QR biletlərin satışının ancaq “Kapital Bank”ın “Birbank” kartının monopoliyasına verilməsi ilə bağlıdır. Niyə digər banklara ictimai nəqliyyata QR biletlərin satılması hüququ verilmir? Bu “Antiinhisar fəaliyyəti haqqında” qanuna nə qədər uyğundur? AYNA-nın rəhbərliyi buna aydınlıq gətirə bilərmi?..


Bütün bu suallara AYNA-nın və “Kapital Bank”ın aydınlıq gətirməsi ümidi ilə...



Xəbərin oxunma sayı : 841




Sosial

Xəbərlər

TOP 10

ARXİV
Əlaqə | Haqqımızda  
Buy website traffic cheap