AzFakt

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

“Azərbaycanın da səbrinin bir həddi var” - Hikmət Hacıyev


Tarix 14.05.20, 13:08	Font ölçüsü : - / +

“Ermənistanın yürütdüyü siyasət hər bir vəchlə işğala əsaslanan status-kvonu saxlamaq, müxtəlif bəhanələr vasitəsi ilə danışıqlar prosesinin irəli getməsin imkan verməməkdən ibarətdir”.

Bunu APA-ya açıqlamasında Azərbaycan Respublikası Prezidentinin köməkçisi - Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev bildirib.

H. Hacıyev deyib ki, son dövrlər Ermənistanın yeni növ koronavirus (COVİD-19) mövzusunu siyasi möhtəkirlik obyektinə çevirməsi, bu mövzunun arxasında gizlənərək münaqişənin həllinə imkan verməmək kimi siyasəti yürütməsi, danışıqlar prosesinə zərbə vuran destruktiv və ziddiyyətli açıqlamaları ATƏT-in Minsk Qrupunun həmsədrlərinə hörmətsizlik kimi qiymətləndirilməlidir: “Ancaq COVİD-19 özlüyündə çox münbit bir şərait yaradır ki, Ermənistan öz işğalçılıq siyasətinə son qoysun. Beynəlxalq ictimaiyyətin də çağırışı bundan ibarətdir”.

Prezidentin köməkçisi vurğulayıb ki, Dağlıq Qarabağ münaqişəsinin həlli prinsipləri ilə bağlı Azərbaycanın mövqeyi qəti və birmənalıdır: “Prezident İlham Əliyev tərəfindən bu mövqe müəyyən olunub. Münaqişə yalnız Azərbaycanın ərazi bütövlüyü, suverenliyi çərçivəsində həll olunmalıdır. Danışıqlar qeyri-müəyyən müddətə qədər davam edə bilməz. Azərbaycanın da səbrinin bir həddi var. 25 ildən artıq müddətdə Ermənistanla danışıqlar aparması özü Azərbaycanın güzəştidir. Bu günlərdə Ermənistan tərəfindən də qeyd olunur ki, 1994-cü ildə imzalanan atəşkəs sazişindən uzun müddət keçib. Amma atəşkəs heç bir halda əbədi sülh deyil, sadəcə, sülhün irəli aparılması üçün şərait yaratmalıdır. Ermənistan atəşkəsin davamlı sülhə çevrilməsinə imkan verməyib, atəşkəsdən istifadə edərək işğalçılıq siyasətini gücləndirməyə çalışıb”.

H. Hacıyev qeyd edib ki, Azərbaycan danışıqlar prosesində konstruktiv iştirakını davam etdirir: “Amma onu da qeyd etməliyik ki, Azərbaycan BMT Nizamnaməsinin 51-ci maddəsində də nəzərdə tutulduğu kimi bütün vasitələrdən istifadə edərək beynəlxalq səviyyədə tanınmış sərhədləri daxilində ərazi bütövlüyünü və suverenliyini təmin etmək hüququnu hər zaman özündə saxlayır. Bundan irəli gələn nəticələrə görə isə məsuliyyət Ermənistanın üzərinə düşəcək”.

Xəbərin oxunma sayı : 928