AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

“Azərbaycanda ciddi bahalaşma gözlənilir“ - EKSPERT


Tarix 25.02.20, 16:00	Font ölçüsü : - / +

"İranla sərhədlərin uzun müddət bağlı qaması, bu ölkədən idxal olunan məhsulların bahalaşmasına gətirib çıxaracaq".

Bunu Qaynarinfo-ya açıqlamasında iqtisadçı ekspert Natiq Cəfərli deyib. O, indidən qiymətlərin artımı tendensiyasının müşahidə edildiyini diqqətə çatdırıb.

"İran və Çindən gələn məhsulların Azərbaycan bazarında azalması prosesi baş verir. Hər iki ölkədən ümumilikdə 2 milyard dollara yaxın idxalımız var. Təkcə İrandan idxalımızın həcmi 500 milyon dollar civarındadır. Hər il bu ölkədən minlərlə çeşiddə mal gətirilirdi. Əgər sərhədlər bağlansa və mal dövriyyəsində axsaqlıqlar müşahidə edilsə, təkcə Naxçıvanda yox, ümumiyyətlə Azərbaycan bazarında qiymətlərin artımını müşahidə edəcəyik. Artıq bunun psixoloji təsirləri özünü göstərir. Hazırda daxili bazarda həm Çin, həm də İran məhsullarının qiymətində nəzərəçarpan artımlar var. Düzdür, hələlik artımlar elə böyük həcmdə deyil, təqribən 5 faiz civarındadır. Ancaq koronavirusun nəzarət altına alınması prosesi baş verməsə, İranda epidemiya daha geniş yayılsa və sərhədlər həftələrlə, hətta aylarla bağlı qalsa, təbii ki, bunun Azərbaycan bazarına çox ciddi mənfi təsiri olacaq".

Ekspert məhsul idxalında alternativlərin çox olmadığını da deyib:

"Alternativlər ya Rusiya, ya Gürcüstan, ya da Türkiyədir. Amma hər 3 istiqamətdə İran və Çin məhsulları daha bahadır. Çin və İran məhsullarının üstünlüyü qiymətdə rəqabətədavamlı olması idi. İndi hər iki istiqamətdə məhsulların azalması müşahidə ediləcəksə, onların analoqları həm Rusiya, həm Gürcüstan, həm də Türkiyə üzərindən daha baha qiymətə idxal olunacaq. Fərqi yoxdur, bazarda qıtlıq olmasa belə, yenə də qiymətlərdə ciddi artım müşahidə edəcəyik”.

Natiq Cəfərli həmçinin əlavə edib ki, koronavirus ixraca da təsir göstərir, lakin elə də böyük həcmdə deyil:

"Çinə ixracatımız çox aşağı səviyyədədir. Amma hələlik Çin ixracla bağlı qadağa qoymayıb. Yəni bu ölkəyə mal ixrac edə bilərik. İranla müəyyən ticarət dövriyyəmiz var. Amma o da böyük həcmdə deyil. Hər zaman bu iki ölkəyə ixracımız idxalımızdan qat-qat aşağı olub. Ona görə də ixracla bağlı ciddi problemlər yaşanacağını və bunun iqtisadiyyatımıza böyük təsir göstərəcəyini düşünmürəm. Amma dediyim kimi, idxalla bağlı ciddi problemlərin yaşanacağı və qiymət artımının sürətlənəcəyi ehtimalı çox yüksəkdir”.

Ekspert İranla sərhədlərin bağlı qalmasının tranzit gəlirlərinin də azalmasına gətirib çıxaracağını bildirib:

"Düzdür, İran əsas tranzit ölkəsi hesab edilmir. Sadəcə, gələcəkdə böyük tranzit ölkəsinə çevrilmə şansı var idi. Çünki cənub-şimal dəhlizi üzrə işlər tamamlanmaq üzrəydi və Bəndərabad limanından Azərbaycandan keçməklə yüklərin daşınması gözlənilirdi. Bunu İrana qarşı sanksiyalar zəiflədib. Son zamanlarda ortaya çıxan koronavirusla bağlı narahatlıqların artması isə tranzit ölkə kimi İrandan Azərbaycana və digər ölkələrə ötürülən məhsulların həcmini azaldacaq. Dolayısı ilə bu, tranzit gəlirlərinin də azalmasına xidmət edəcək”.

Xəbərin oxunma sayı : 1165