Banker.az-ın əldə etdiyi məlumata əsasən, onun təyin olunduğu vəzifə İnsan resursları üzrə baş direktordur. Bu vəzifə çərçivəsində o, insan resursları və isdedadların idarə edilməsi funksiyası, “Agile” ekspert mərkəzi, habelə SƏTƏM və inzibatçılıq istiqamətlərinin fəaliyyətini idarə edəcək.

Qeyd edək ki, Z.Hacıyeva 2022-ci ilin fevral ayında “PAŞA Bank”ın heyətinə qoşulub. O, qeyd edilən tarixdən indiyə qədər İnsan resursları departamentinin direktoru vəzifəsində çalışırdı.

Zibeydə Hacıyeva beynəlxalq və yerli şirkətlərdə insan resurslarının idarə edilməsi sahəsində 20 ilə yaxın təcrübəyə malikdir.

Z.Hacıyeva Bakı Dövlət Universitetində bakalavr üzrə hüquq və İngiltərədəki Nottinqem Trent Universitetində kadrların idarə edilməsi təhsili almışdır.