Bu barədə Ekvador və Fransanın tələbi ilə BMT Təhlükəsizlik Şurasında Rusiyanın Ukraynada mülki əhaliyə və mülki infrastrukturlara hücumları ilə bağlı sessiya keçirilib.

BMT, Baş Assambleyanın 79-cu sessiyasına hazırlaşan üzv dövlətlərin liderlərini Ukraynada müharibəni dayandırmaq üçün bütün imkanlardan istifadə etməyə çağırıb. BMT baş katibinin humanitar məsələlər üzrə müavini Coys Msuya burada üzv ölkələri məlumatlandıraraq, Ukraynada vəziyyətin getdikcə pisləşdiyini diqqətə çatdırıb.

Msuya, ölənlərin sayının artdığını, indiyədək 11 min 700 dinc sakinin həyatını itirdiyini, 24 min 600 mülki vətəndaşın isə yaralandığını bildirib. Eyni zamanda, Msuya Ukraynada 10 milyon insanın məcburi köçkünə çevrildiyinə də diqqət çəkib.