Talıb Tale: “Orda telefonumu oğurladılar” Xalq artisti əməliyyat olundu Könül Kərimova Dövlət Komitəsini məhkəməyə verib - Səbəb “Evli adamdır, boşatdıracaqsan” - Zaur
Axtar
 
  • / Maqazin / — 27 Oktyabr 2017

    Talıb Tale: “Orda telefonumu oğurladılar”

  • / Maqazin / — 20 Oktyabr 2017

    Xalq artisti əməliyyat olundu

  • / Maqazin / — 18 Oktyabr 2017

    Könül Kərimova Dövlət Komitəsini məhkəməyə verib - Səbəb

  • / Maqazin / — 18 Oktyabr 2017

    “Evli adamdır, boşatdıracaqsan” - Zaur

  • / Maqazin / — 16 Oktyabr 2017

    “Maşın” şoudan MTRŞ-yə cavab

  • / Maqazin / — 14 Oktyabr 2017

    Toy vaxtını açıqladılar

İzzət Bağırovun cangüdəni beşbarmaqla baş dağıdıb və azadlıqda gəzir - Dəhşətli foto

Tarix 07.09.17, 17:49

Font ölçüsü : - / +
bitmap-img6


Avqustun 31-də paytaxtın Nizami rayonunda yerləşən "Neolit" şadlıq evində müğənni İzzət Bağırovun işçilərinin döydüyü şəxsdən xəbər var. Həmin gün İzzət Bağırovun Elçin adlı prodüseri məclis iştirakçılarından olan Aslanov Novruza "beşbarmaq"la zərbələr endirib.

N.Aslanovun ailəsi Femida.az-a mətbuatda yayılan məlumatların bir qisminin həqiqəti əks etdirmədiyini deyib.

Hadisə baş verən günü Novruz Aslanının övladının yox, yaxın qohumlarının ali məktəbə daxil olması münasibəti ilə məclis təşkil edilib. Həmin məclisdə operator müğənnini yox, qonaqları çəkdiyi üçün gərginlik yaşanıb. Bu zaman İzzət Bağırov "Tərbiyəsizlik niyə edirsiniz? Sənətkarı çəkmirsiniz" deyib. Bu isə məclis təşkilatçılarının xoşuna gəlməyib. Elməddin Nəbiyev İzzət Bağırova "Niyə mənə tərbiyəsiz dediniz?" sualına görə müğənni ilə aralarında gərginlik yaranıb. Gərginliyin artdığını görən ailə üzvləri davaya müdaxilə ediblər. Həmin anda Novruz Aslanov "beşbarmaq"la İ.Bağırovun prodüseri Elçin tərəfindən vurulub. Məclis iştirakçıları ilə İzzət Bağırov arasında yaranan gərginlik daha sonra kütləvi davaya çevrilib. Restoranın mühafizəçiləri də davaya qoşulub.



Ailə üzvlərinin sözlərinə görə, hazırda 3 saylı şəhər xəstəxanasında reanimasiya şöbəsində müalicə alan Novruz Aslanlının vəziyyəti ağır olaraq qalır.

"Bəs, İzzət Bağırov hadisədən sonra sizinlə əlaqə saxlayıbmı?" sualını cavablandıran ailə üzvləri bildirib ki, müğənninin xanımı dəfələrlə onlarla telefon əlaqəsi yaradıb.

"Hadisədən sonra İzzət Bağırovun həyat yoldaşı bir dəfə bizimlə telefonda danışıb. Telefonda dedi ki, İzzət hadisə ilə bağlı üzr istəməyə hazırdır. Hətta bir neçə müğənniləri Firuzə İbadovanı, Cavanşir Məmmədovu, Zöhrə Abdullayevanı və başqalarını üzrxahlıq üçün yanımıza göndərdilər. Həmin gün İzzət Bağırovun həyat yoldaşı da gəlmişdi. İzzət Bağırov bu günə kimi xəstəxanaya gəlməkdən qorxurdu. Qohumlarımızın ondan qisas alacağını düşünürdü. Bizsə bunun tam əksini onlara çatdırdıq. Bu gün İzzət özü də xəstəxanaya gəlmişdi. Hadisəyə görə ailəmizdən üzr istədi. Onlar bizə müəyyən məbləğdə pul təklif etsələr də, qəbul etmədik. Bütün xəstəxana xərclərini, vəkil pulunu özümüz ödəmişik".



Ailə üzvlərinin iddialarına görə, Novruz Aslanının başına zərbələr endirən Elçin polis tərəfindən sərbəst buraxılıb.

"Novruzun başına küt alətlə zərbələr endirən Elçini xəstəxananın həyətində gördük. Onun azadlığa necə buraxıldığını başa düşə bilmirik", - ailə üzvləri bildiriblər.

Xatırladaq ki, faktla bağlı Nizami Rayon Polis İdarəsində cinayət işi başlanıb araşdırmalar davam etdirilir. DİN isə bu barədə rəsmi məlumat yaymayıb.

Bəs müğənninin vətəndaşı soyuq silahla bu cür ölümcül hala salan cangüdəni niyə azadlıqdadır? İstintaq onun barəsində həbs qətimkan tədbirinin seçilməsi üçün məhkəməyə müraciət etməyibmi? Axı indiki halda söhbət sağlamlığa qəsdən ciddi zərər vurub adamı ölümcül hala salan şəxsin ictimai təhlükəli əməlindən gedir. Bu cür cinayət hadisələrində təqsirləndirilən şəxsin barəsində həbs qətimkan tədbirinin seçilməməsi absurd görünə bilər.



Bu məsələni araşdırmaq üçün Daxili İşlər Nazirliyi ilə əlaqə saxladıq. Nazirliyin mətbuat xidmətinin rəis müavini  Orxan Mansurzadə virtualaz.org-a açıqlamasında hazırda istintaq getdiyini, bu məsələnin  Nizami Rayon Polis İdarəsinin İstintaq şöbəsində araşdırıldığını dedi: “Bu məsələni Nizami Rayon Polis İdarəsinin İstintaq şöbəsi araşdırır. Siz bu məsələni onlardan soruşun. Mən özüm də araşdıraram, amma ola bilər ki, müstəntiq istintaq sirri olduğuna görə heç bir açıqlama verməsin”, - deyə O. Mansurzadə bildirib.

Nizami Rayon Polis İdarəsinin İstintaq şöbəsindən suallarımıza cavab vermədilər. Şöbənin özünü təqdim eləmək istəməyən əməkdaşı bu suala cava verə bilməyəcəyini deyərək dəstəyi asdı: “Daxili İşlər Nazirliyindən soruşun. Mən bu barədə məlumat verə bilmərəm”.

Baş Prokurorluğun mətbuat xidməti ilə əlaqə saxlamaq cəhdimiz isə baş tutmadı.

***

Daxili İşlər Nazirinin mətbuat xidmətinin rəis müavini Orxan Mansurzadə müğənni İzzət Bağırovun dava zamanı "beşbarmaq" tətbiq edərək vətəndaşa ağır xəsarət yetirməsi və hələ azadlıqda gəzməsi ilə bağlı bunları deyib:  “Bu hadisə ilə bağlı Nizami Rayon Polis İdarəsində xuliqanlıq maddəsi ilə cinayət işi açılıb. Bu hadisədə  Novruz Aslanovdan başqa Elçin adlı şəxs və “Neolit” restoranının 3 əməkdaşı da xəsarət alıb. Hazırda istintaq gedir, bu şəxslərin aldıqları xəsarət dərəcələri müəyyənləşdirilir. Həmin şəxslər zəruri tibbi müalicə alırlar, ona görə də hələlik tərəfləri üzləşdirmək mümkün olmayıb. Ekspertiza tərəfindən hər üç tərəfin xəsarət dərəcələri müəyyənləşdiriləndən sonra istintaq təqsirkar şəxslərin dairəsini müəyyənləşdirəcək”. 









Xəbərin oxunma sayı : 241

loading...

Kriminal

Xəbərlər

ARXİV
Əlaqə | Haqqıımızda