AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Alı Alıyev 730 minlik FAKT qarşısında - Qurtula biləcəkmi?


Tarix 20.05.20, 23:13	Font ölçüsü : - / +

Yeni yaranan, təcrübəsi olmayan, ya da bir ünvanda eyni şəxsin adına qeydiyyata olan şirkətlərin dövlət qurumlarının elan etdiyi tenderlərdə, ya da kotirovka sorğularında qalib olması dəfələrlə qeydə alınıb.

AzFakt.com xəbər verir ki, 17.04.2020-ci il tarixində "Qədimyurd" MMC (VÖEN-1306577461) adlı şirkət Füzuli rayon İcra Hakimiyyətinin Kommunal Müəssisələr Kombinatının elan etdiyi tender müsabiqəsinin qalibi elan olunub.

Füzuli rayon Kommunal Müəssisələr Kombinatı “Qədimyurd" MMC-dən 191 min manat 51 qəpik dəyərində müxtəlif adda mal-material satın alacaq.

Füzuli rayon Kommunal Müəssisələr Kombinatı ilə “Qədimyurd" MMC arasındakı bu əməkdaşlıqda diqqət çəkən məqam odur ki, bu şirkət cəmi 2 ay əvvəl – 27.02.2020-ci il tarixində dövlət qeydiyyatına alınıb.

Tender müsabiqəsinin daha əvvəl (mart ayı) elan olunduğunu nəzərə alsaq, belə görünür ki, şirkət tender müsabiqəsinin elan olunmasından bir-neçə gün əvvəl qeydiyyata alınıb.

Nizamnamə kapitalı 20 manat olan "Qədimyurd" MMC-nin hüquqi ünvanı Bakı şəhəri, Yasamal rayonu, Alatava 1, ev 95 –də yerləşir. Şirkətin qanuni təmsilçisi Sadıqov Natiq Yavər oğludur. Açıq internet resurslarda "Qədimyurd" MMC barədə heç bir məlumata rast gəlmək mümkün deyil.

"Qədimyurd" MMC-nin qalib elan olunduğu gün – 17.04.2020-ci il tarixində Füzuli rayon İcra Hakimiyyətinin elan etdiyi tender müsabiqələrinin daha 3 qalibi açıqlanıb. Qalib elan olunan şirkətlərin hər 3-ü "Qədimyurd" MMC kimi bu ilin fevral ayında dövlət qeydiyyatına alınıb. Hər üç şirkətin hüquqi ünvanı "Qədimyurd" MMC ilə eyni ünvanda - Bakı şəhər, Yasamal rayonu, Alatava 1-də qeydə alınıb.

Füzuli rayon İcra Hakimiyyəti tender müsabiqəsi nəticəsində “Ağçala-LM” MMC-yə 140 min 143 manat, “Xəmsə-M.X” MMC-yə 199 min 221 manat 82 qəpik, “Çinar-N” MMC-yə isə 199 min 326 manat 89 qəpik ayıracaq.

Rəqəmlərdən də göründüyü kimi, Füzuli rayon İcra Hakimiyyəti cəmi bir ay əvvəl təsis olunan və eyni ünvanda qeydiyyatda olan 4 müxtəlif şirkətə ümumilikdə 729 min 692 manat 22 qəpik ödəyəcək.

Məsələ ilə bağlı yeniavaz.com-a Füzuli rayon İcra Hakimiyyətinin Kommunal Müəssisələr Kombinatından verilən açıqlamada bildirildi ki, tender müsabiqəsi İqtisadi İnkişaf Nazirliyinin Antiinhisar və İstehlak Bazarına Nəzarət Dövlət Agentliyinə tərəfindən elektron qaydada həyata keçirilir və bu səbəbdən də onlar tenderdə iştirak edən şirkətlərin hansı tarixdə, hansı ünvanda qeydiyyatdan keçdiyini bilmirlər.

Məlumat üçün bildirək ki, "Dövlət satınalmaları haqqında" Qanunun 6-cı maddəsində malgöndərənlərin (podratçıların) ixtisasına dair tələblər yer alıb. Həmin maddənin 6.2.1-ci bəndində açıq şəkildə yazılır ki, satınalma müqaviləsinin icrasını təmin etmək üçün müvafiq sahədə peşəkarlığının, təcrübəsinin, texniki və maliyyə imkanlarının, işçi qüvvəsinin, idarəetmə səriştəsinin, etibarlığının olması lazımdır. Cəmi bir-neçə gün əvvəl yaranan, nəinki rəsmi veb-səhifəyə, hətta sosial şəbəkə hesabına sahib olmayan bir şirkətin hansı peşəkarlığa və təcrübəyə sahib olacağı aydın deyil. (yeniavaz.com)