AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Azərbaycan-Ukrayna enerji əməkdaşlığının gələcək perspektivi var


Tarix 28.04.26, 6:03	Font ölçüsü : - / +

Son bir neçə ildə Ukraynanın adı gələndə ilk növbədə bu ölkədə qanlı-qadalı müharibə getdiyi yada düşür. Ölkəmiz uzun illər müharibənin gətirdiyi fəlakətdən, itki və ağrılardan çox əziyyət çəkib. Buna görə və həm də ümumiyyətlə, humanist xalq olduğumuz, dövlətimizin humanist siyasət yeritdiyi üçün müharibədən əziyyət çəkən xalqlara həmişə mənəvi və maddi kömək göstərmişik.

Bu gün də Azərbaycan uzaqlığından, yaxınlığından asılı olmayaraq müharibə fəlakətləri ilə üz-üzü qalan insalara dəstək olur. Bu humanitar dəstək bir neçə formada özünü göstərir. Ukraynalı uşaqlar üçün ölkəmizdə reabilitasiya proqramlarının həyata keçirilməsi buna bir misaldır. Yaxın vaxtlarda ukraynalı tələbələrin də Azərbaycanda reabilitasiya proqramı həyata keçiriləcək.

Ukraynada insanlar enerji sisteminin tez-tez sıradan çıxmasıdan əziyyət çəkirlər. Ölkəmiz Ukraynaya elektrik generatorları göndərərək bu xüsusda da ona kömək əlini uzadır.

Təsadüfi deyil ki, Ukrayna Prezidenti Volodimir Zelenski Azərbaycana işgüzar səfəri çərçivəsində aprelin 25-də Qəbələdə mətbuata verdiyi bəyanatda ölkəsinin enerji təchizatı üçün belə çox ağır bir dövrdə bizdən 11 yardım paketi aldıqlarını deyib . Azərbaycana bu yardıma görə öz təşəkkürünü bildirib.

Həmçinin Ukraynadan olan uşaqlara köməyə görə Prezident İlham Əliyevə təşəkkürünü bildirən Volodimir Zelenski deyib: “Siz bizim uşaqlarımıza kömək edirsiniz. Uşaqlarımız, övladlarımız cəbhəyanı bölgələrdən gəlirlər. Onlar əzab-əziyyətlərlə üzləşiblər, müharibədən əziyyət çəkiblər. Beş yüzdən artıq ukraynalı uşaq buradadır və bu dəstəyə görə Sizə minnətdarıq”.

İnsanların bir-birilə əlaqələri böyük önəm daşıyır. Məlumdur ki, həmin ölkədə böyük Azərbaycan diasporu fəaliyyət göstərir. Azərbaycanın böyük təcrübəsi də gələcəkdə Ukraynaya çox lazım olacaq. Məsələn, mina təmizlənməsi üçün avadanlığın verilməsi məsələsini deyək.

Ölkəmiz gələcəkdə bu məsələyə də öz töhvəsini verə bilərik. Belə ki, Azərbaycan bərpa və quruculuq sahəsində dünyada unikal təcrübəyə malik ölkədir. Gələcəkdə bərpa və quruculuq layihələrinin reallaşdırılmasında Azərbaycan Ukrayna ilə öz təcrübəsini bölüşə bilər.

Qəbələdəki tədbirlərdə iki ölkə arasında bir çox istiqamətlər üzrə əməkdaşlıq edildiyi vurğulanıb. Prezident İlham Əliyev mətbuata bəyanatında bildirib ki, həmin əməkdaşlıq bu gün bir daha təsdiqləndi. Müzakirə edilən məsələlər arasında siyasi dialoqdan başqa, xüsusilə energetika sahəsində də əməkdaşlığı qeyd edən dövlətimizin başçısı deyib: “Burada həm əldə edilmiş nailiyyətlər var, – SOCAR Ukraynada uzun illərdir ki, uğurla fəaliyyət göstərir, – eyni zamanda, çox gözəl perspektivlər var, birgə layihələr var”.

Azərbaycan-Ukrayna iqtisadi əlaqələri sırasında enerji sahəsində əməkdaşlıq ön yeri tutur və həm təcrübəyə, həm də potensiala əsaslanır. Azərbaycanın enerji sahəsində əməkdaşlıq əlaqələrinin geniş coğrafiyanı əhatə etdiyi artıq bütün dünyaya bəllidir. SOCAR-ın bir sıra ölkələrdə olduğu kimi, Ukraynada da yanacaqdoldurma məntəqələri fəaliyyət göstərir. Bu da ikitərəfli biznes əlaqələrinin inkişafına töhfədir.

Qəbələdə Azərbaycan Respublikasının Prezidenti İlham Əliyevin Ukrayna Prezidenti Volodimir Zelenski ilə geniş tərkibdə görüşündəki söhbət zamanı dövlətimizin başçısının Volodimir Zelenski ilə əvvəlki görüşləri məmnunluqla xatırlanıb, bu səfərinin ikitərəfli əməkdaşlıq məsələlərinin müzakirəsi üçün yaxşı imkan yaradacağına əminlik bildirilib. Əməkdaşlığın bir çox istiqamətdə, o cümlədən enerji sahəsində genişləndirilməsinə dair fikir mübadiləsi aparılıb, kənd təsərrüfatı ilə bağlı əməkdaşlıq məsələləri müzakirə olunub, Hökumətlərarası Komissiyanın fəaliyyətinə toxunulub.

Qəbələ görüşü bir daha təsdiqləyir ki,Azərbaycanla Ukrayna arasında olan münasibətlər hər iki xalqın maraqlarına uyğun inkişaf etdirilir.

Mirtaleh Ağazadə

Xəbərin oxunma sayı : 157