AzFakt

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Bakıda bu universitetlər tələbələri yataqxana ilə təmin edəcək - SİYAHI


Tarix 24.09.21, 21:05	Font ölçüsü : - / +

Sentyabrın 29-dan Aərbaycanda ali təhsil müəssisələrində əyani tədris bərpa olunur. Məlumdur ki, rayonlardan Bakıya üz tutan tələbələr kirayə evlərdə yaşamağa məcbur olurlar. Kirayə evlərin qiymətinin heç də aşağı olmadığını nəzərə alsaq, bu, tələbə və onların valideynləri üçün müəyyən çətinliklər yaradır. Bəs görəsən bu tədris ilində universitetlər tələbələri yataqxana ilə təmin edə biləcəkmi?

Redaktor.az mövzu ilə bağlı paytaxtdakı universitetlər arasında sorğu keçirib.

Bakı Dövlət Universitetinin (BDU) İctimaiyyətlə əlaqələr və informasiya şöbəsinin müdiri Günel Orucəliyeva qeyd edib ki, BDU-nun tələbə evi yalnız ənənəvi tədris başlayandan sonra istifadəyə veriləcək: “Müasir tələblərə cavab verən 220 nəfərlik yeni “Tələbə Evi”ndə tələbələrin yaşaması və təhsillərini davam etdirmələri və asudə vaxt üçün bütün şərait yaradılıb. 104 otağın hər biri tələbata cavab verən mebellərlə təchiz edilib. Otaqlar iki və üç nəfərlikdir. Birinci mərtəbənin qapısında giriş-çıxışa nəzarət üçün avtomatik sistem quraşdırılıb ki, bu da tələbələrin təhlükəsizliyini təmin edir. Pandemiya şəraitini nəzərə alaraq, burada dezinfeksiya üçün mexaniki (əllə işləyən) və həmçinin avtomatlaşdırılmış xüsusi qurğu da yerləşdirilib. Tələbələr öncə əllərini dezinfeksiyaedici məhlulla yuduqdan sonra otaqlarına qalxa biləcəklər".

Mətbuat katibi qeyd edib ki, BDU-nun digər yataqxanaları hazırda istafdəyə yarasız vəziyyətdədir: "Yeni yataqxana binalarının tikintisi ilə bağlı müzakirələr aparılır, bir sözlə üzərində iş gedir”.

Bakı Slavyan Universitetinin (BSU) Mətbuat və informasiya şöbəsinin müdiri Mənsur İbrahimov qeyd edib ki, BSU-nun hazırda dörd yataqxanası var: “Hazırda 3 binada qaçqın və məcburi köçkünlər məskunlaşıb. BSU olaraq yalnız 3 saylı binanın bir qismindən istifadə edə bilirik. Çünki bu binanın da bir və üçüncü mərtəbəsində qaçqın və məcburi köçkünlər məskunlaşıb. Hazırda həmin yataqxanada 100-dən çox tələbəmiz yaşayır. Yeni tədris ilində yalnız 40 nəfər aztəminatlı ailənin övladını bu yataxanaya yerləşdirə biləcəyik. Ehtiyacı olan tələbələrimizi digər ali təhsil müəssisələrinin yataqxanalarına da yerləşdirməyə çalışırıq. Bunun üçün universitetlərə müraciətlər edirik”.

Azərbaycan Dövlət Neft və Sənaye Universitetinin mətbuat katibi Bəhruz Nəzərov bildirib ki, universitetin 320 nəfərlik yataqxanası fəaliyyət göstərir: “Orada həm əcnəbi, həm də yerli tələbələr yaşayır. Bir otağın qiyməti 100 manatdır və burada 3 nəfər qala bilir. Bu məbləğ 3 nəfərin arasında bölünür. Pandemiya ilə əlaqədar olaraq yataqxanamızda vaxtaşırı tədbirlər həyata keçirilir və dezinfeksya edilir. Tələbələrin temperaturu yoxlanılır. Yataqxanaya qeydiyat prosesi başlanılıb. Yeni tədrisili başladığı zaman tələbə yataqxanası tələbələri qəbul edəcək. Bundan başqa "Univerium" adlı yataqxanamız da var ki, orada da tələbələrimiz yaşayır. Qeyd edim kİ, bu yataqxanada ADNSU ilə yanaşı digər universitetlərin tələbələri də yaşaya bilir".

Azərbaycan Memarlıq və İnşaat Universitetinin Mətbuat və informasiya şöbəsinin müdiri Nəcibə Mirzəyeva bildirib ki, universitetin beş yataqxanası var. Dediyinə görə, onlardan yalnız biri istifadədədir: "Digər dörd binada ötən ilə qədər qaçqın və məcburi köçkünlər yaşayırdı. Hazırda onlar yeni mənzillərlə təmin edilib. Lakin o binalar indi çox yararsız vəziyyətdədir. Həmin binaların əsaslı təmirə ehtiyacı var. Hazırda 250 yerlik yataqxanamız tələbələrin istifadəsindədir. Yataqxana tam təmir olunaraq mebellə təmin olunub. Yerli vətəndaşlar üçün qiymət 30, əcnəbi tələbələr üçün 40 manatdır. Universitetin yataqxanasına qəbul zamanı bəzi məqamlar diqqətə alınır. Daha çox ximkansız ailələr, şəhid ailələri, məcburi köçkünlərin övladlarına üstünlük verilir. Yeni binaların tikintisi ilə bağlı müraciətlər edilib. Lakin hələlik bu məsələ gündəmdə deyil".

Xəbərin oxunma sayı : 757