Azərtac RİA Novosti agentliyinə istinadla xəbər verir ki, şirkətin “Twitter” səhifəsində Blumberqin bütün media üzrə sərf etdiyi ümumi məbləğin 509 milyon 512884 dollar olduğu bildirilib.

Nyu-Yorkun sabiq meri, keçmişdə respublikaçı və müstəqil siyasətçi olmuş Maykl Blumberq hazırda ABŞ prezidenti postuna Demokratlar partiyasından iddia edir.

Var-dövləti 50 milyard dollar məbləğində dəyərləndirilən namizəd öz kampaniyasını müstəqil maliyyələşdirir. İndiyədək Ayova, Nyu-Hempşir və Nevada ştatlarında ilkin seçkilərdə iştirak etməyən Blumberq 14 ştatın birdən səs verəcəyi martın 3-də yaxşı nəticə göstərməyə ümid bəsləyir.