AzFakt

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

DİN “12-ci imam”la bağlı şok detallar açıqladı: “Qadınları məcbur edirmiş ki…”


Tarix 15.09.21, 23:40	Font ölçüsü : - / +

Özünü 12-ci İmam Mehdi kimi təqdim edərək külli miqdarda dələduzluq etməkdə ittiham olunan Aqil Babayevin əməllərindən zərər çəkən 50 nəfərə qədər vətəndaş bununla bağlı Prezident Administrasiyasına və hüquq-mühafizə orqanlarına müraciət edib.

DİN Mətbuat Xidmətinin şöbə rəisi, polis mayoru Elşad Hacıyev “Qafqazinfo”ya açıqlamasında bildirib ki, 50 nəfərə qədər şəxs rəsmi olaraq müraciət edib, ancaq zərərçəkmişlərin sayı 200-dən artıqdır: “Həmin müraciət ərizələrində onlar bildiriblər ki, A.Babayev özünü zühur etmiş imam və ilahi gücə malik olmasına inandıraraq kasıb insanlara yardım etmək, kiçik və orta sahibkarlıq fəaliyyəti ilə məşğul olanların inkişafına dəstək adı altında onları aldatma yolu ilə inam və etibarlarından sui-istifadə etməklə külli miqdarda pullarını talayaraq mənimsəyib.

Həmin şəxslərin bir qismi A.Babayevin imkansızlıqdan ona müraciət edən ailəli qadınlara qarşı əxlaqsız hərəkətlər etdiyini də bildiriblər.

Qeyd edilib ki, həmin qadınlar bu barədə öz həyat yoldaşlarına və qohumlarına məlumat verəndən sonra onun hərəkətlərindən hiddətlənən təxminən 20 nəfər A.Babayevə zəng edib iddiaları aydınlaşdırmaq üçün görüşmək istədiklərini bildiriblər.

A.Babayev həmin şəxsləri Buzovna qəsəbəsində yerləşən dəbdəbəli bağ evinə dəvət edib. O, ifşa olunduğunu görüb onlardan üzrxahlıq edərək aldığı pulun bir qismini ödəməyə razı olduğunu deyib. Pulun Xətai rayonundakı 5 mərtəbəli villasında olduğunu deyib, həmin şəxsləri ora dəvət edib”.

E.Hacıyev qeyd edib ki, A.Babayev orada pulun 520 min 500 manatını qaytarıb, qalanı üçün isə möhlət istəyib: “Onlar gedəndən sonra Aqil Babayev hüquq-mühafizə orqanlarına şikayət edib ki, bir neçə adam villasına basqın edərək onun 9 milyon manat pulunu aparıblar. Müraciət edənlər qeyd ediblər ki, Aqil Babayevin Xətai və Xəzər rayonlarında 2 milyon dəyərində bağ evi və villası var.

21 ildir bu formada dələduzluqla məşğul olduğu deyilən Aqil Babayevin heç bir yerdə işləmədiyi, heç bir biznesi olmadığı və hər hansı biznesdə ortaq olmadığı iddia olunur. Onun heç bir gəlir mənbəyi yoxdur. Sadəcə tanınmış adamlarla, biznesmenlərlə şəkil çəkdirib, sosial şəbəkə seqmentlərində paylaşımlar etməklə, özü haqqında təəsurat yaradıb.

Qadınları məcbur edirmiş ki, İmama xoş getsin deyə, günahlarınızın yuyulması üçün bağ evimdə pulsuz işləməlisiniz. Həmin qadınlara ödəniş vermədən evində qul kimi işlədirmiş”.

Mayor Hacıyev bildirib ki, A.Babayev Xətai rayonunda yerləşən 5 mərtəbəli villasının zirzəmisində və 5-ci mərtəbəsində xüsusi qəbul otağı yaratmaqla, digər qeyri-əxlaqi hərəkətlər törətdiyi iddia olunur: “Ərizələrdə o da vurğulanır ki, kefi istəyəndə ona inanan adamları yığıb deyirdi ki, mənə “vəhy” gəlib ki, bu gün naharı Dubayda etməliyəm. Həmin şəxslər bildirir ki, “biz də pul yığıb verirdik, o da gedib Dubayda nahar edib gəlirdi””.

Qeyd olunan hallar və Aqil Babayevin digər qanunsuz hərəkətləri ilə bağlı iddiaların təfərrüatları başlanan cinayət işi üzrə istintaqda araşdırılır.

E.Hacıyev əlavə edib ki, A.Babayevin “Şaurma N1”in şərikinin olması ilə bağlı dövriyyəyə buraxılan informasiya həqiqəti əks etdirmir, yalandır

Xəbərin oxunma sayı : 895