AzFakt

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Baba Rzayevin şirkəti ötən il 6 milyon qazanıb – Əsas əməliyyat gəlirləri isə 53 milyondan 40 milyona düşüb


Tarix 15.06.19, 16:40	Font ölçüsü : - / +

“BAKELEKTRO” ASC 2018-ci ili 5 milyon 948 min manat xalis mənfəət ilə başa vurub. ASC 2017-ci ili 7 milyon 217 min manat xalis mənfəətlə bağlamışdı. Beləliklə, illik müqayisədə ASC-nin xalis mənfəəti 1 milyon 269 min manat və ya 17,6% azalıb. Səbəb şirkətin gəlirlərinin azalmasıdır.

“Marja” ASC-nin illik hesabatına istinadən xəbər verir ki, “BAKELEKTRO”nun əsas əməliyyat gəlirləri 2017-ci ildə 53 milyon 338 min manat ikən, 2018-ci ildə 40 milyon 469 min manata düşüb (12 milyon 869 min manat və ya 24% azalıb).

31 Dekabr 2018-ci il tarixində “BAKELEKTRO” 25 milyon 108 min manat cəmi aktivlərə malik olub.

“Azərenerji”nin sədri olan Baba Rzayev əvvəl “Bakelektro” ASC-nin icraçı direktoru işləyib. Hazırda “Bakelektro”ya da onun qardaşı Emin Rzayev rəhbərlik edir.

“AzPolitika.info” onu da xatırladır ki, mətbuatda həmçinin Bakıda Böyükşor şossesində yerləşən “Santral Elektrik LTD” şirkətinin səhmlərinin də Baba Rzayevə aid olduğuna dair məlumatlara rast gəlinir.

Qeyd olunur ki, “Legrand” (Fransa), “Pirelly” “GEWISS”, “KEMMR.I” (Finlandiya), “Vortice” (İtaliya), “Stanley” (ABŞ), “Philips”, “Osram”, “Dewallt”, “Massive” və başqa şirkətlərin Azərbaycanda rəsmi distribütoru da “Santral Elektrik”dir.

“Santral Elektrik LTD” Ədliyyə Nazirliyində 2003-cü ildə qeydiyyata alınıb. O vaxt şirkətə Emin Rzayev – B.Rzayevin qardaşı rəhbərlik edirdi. Sonradan “Santral Elektrik”ə rəhbərlik səlahiyyəti İlham Həsənova – B.Rzayevin qaynına verilib.

Həm də təkcə “Santral Elektrik” yox. Mətbuatda dərc olunan məlumatlarda deyilir ki, bu ailənin biznesi 2006-cı ildən sonra çiçəklənməyə başlayıb. Bu isə B.Rzayev paytaxtın elektrik paylama şəbəkəsinə nəzarət edən dövlət qurumu olan “Bakıelektrikşəbəkə”nin sədri təyin olunan vaxta təsadüf edir. Məhz o dövrdə paytaxtın elektrik şəbəkəsi də özəl əllərdən – “Barmek” şirkətindən alınaraq bərpa edilmiş dövlət qurumuna – “Bakıelektrikşəbəkə”yə keçib.

“Bakelektro” ASC-yə gəldikdə isə o, 110, 35, 10 və 6kV-luq yarımstansiyaların inşası, orta və alçaq gərginlikli elektrik sistemləri, zəif axın, ehtiyyat elektrik sistemləri və avtomatika sistemlərinin layihəsi, quraşdırılması, sınaqdan keçirilməsi və servis işləri üzrə 20 ildən artıq təcrübəyə malikdir.