AzFakt

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Prezidentin açılışını etdiyi Hövsan stadionunda Ticarət Mərkəzi tikilir - İcazə sənədi yoxdur?

Anar Əlizadə Azərbaycanı tərk edib - Adı Adnan Əhmədzadə işində hallanırdı

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

250 milyonluq dələduzluqda ittiham olunan azərbaycanlı iş adamı kimdir? - 11 şübhəli var

Kamboca və Tailand arasında qarşıdurma: Hərbi əməliyyatlar davam edir


Tarix 09.12.25, 10:04	Font ölçüsü : - / +

Kamboca Silahlı Qüvvələri iki tərəf arasında davam edən qarşıdurmalar fonunda Tailandla sərhədə "T-55" tanklarını və "BM-21 Qrad" yaylım atəşli reaktiv sistemlərini yerləşdirib.

Eyni zamanda, Tailandın "F-16" qırıcı təyyarələri qarşı tərəfin istehkamlarına, anbarlarına və müvafiq gücləndirmə qüvvələrinə zərbələr endirməyə başlayıb.

Tailand Kral Hərbi Hava Qüvvələrinin məlumatına görə, "F-16" qırıcıları quru bölmələrinə birbaşa aviasiya dəstəyi göstərmək üçün göndərilib. Onlara Tailand ərazisini atəşə tutan Kambocanın artilleriya mövqelərinə hücum etmək əmri verilib.

Tailand bazar günü (dekabrın 7-si) başlayan sərhəd qarşıdurmaları zamanı Kamboca ilə toqquşmalarda bir hərbçinin öldüyünü, səkkiz hərbçinin yaralandığını bildirib. Kamboca Milli Müdafiə Nazirliyi ilk Tailandın atəş açdığını, Tailand tərəfi isə əksini iddia edir.

Kambocanın İnformasiya Nazirliyi ölkənin şimalında Tailandla toqquşmalar nəticəsində dörd dinc sakinin öldüyünü və doqquz nəfərin yaralandığını bildirib. Onminlərlə insan evlərini tərk etmək məcburiyyətində qalıb.

Hər iki tərəf bir-birini bu ilin oktyabrında əldə edilən atəşkəsi pozmaqda ittiham edib.

Daha sonra Tailand Hərbi Dəniz Qüvvələri Kamboca hərbçilərini Tailand ərazisindən çıxarmaq üçün Trat əyalətində əməliyyatlara başlayıb.

Tailand kəşfiyyatı suveren Tailand ərazisindəki sərhəd bölgəsində Kamboca ordusunun qüvvə və resurslarının cəmləşdiyini aşkar edib.

"Tailandın təmkininə və dialoq qurulması üçün davam edən səylərinə baxmayaraq, Kamboca qüvvələri Tailand ərazisindən çıxarılmayıb", - deyə Hərbi Dəniz Qüvvələrinin mətbuat katibi Parat Rattanaçaypxan qeyd edib.

Rattanaçaypxanın sözlərinə görə, Kamboca qoşunları müdafiə xəndəkləri qazıb, ağır silahlar quraşdırıb və Tailandın mövqelərini və hərbi obyektlərini davamlı olaraq izləmək üçün PUA-lar (pilotsuz uçuş aparatı) yerləşdirib.

"Ölkənin suverenliyini qorumaq və təhlükəsizliyini təmin etmək üçün Tailand Kral Hərbi Dəniz Qüvvələrinin və müvafiq təhlükəsizlik xidmətlərinin Kamboca qüvvələrini suveren Tailand ərazisindən çıxarmaq üçün hərbi əməliyyatlar aparmaqdan başqa çarəsi qalmadı", - deyə o əlavə edib.

Kamboca, eyni zamanda, Tailandın şərq əyalətlərini "BM-21" yaylım atəşli reaktiv sistemləri ilə atəşə tutmağa başlayıb.

Tailand Quru Qoşunlarının ikinci hərbi dairəsinin məlumatına görə, "BM-21"lər Samte, Fuphi, Çonqtatau və Prasattakvay rayonlarında döyüş əməliyyatlarına başlayıb.

"Əvvəlcə Kamboca atəş açıb və ikinci hərbi dairə cavab verməyə məcbur olub. Döyüş əməliyyatlarının aparılması qaydalarına əsasən, təhlükə neytrallaşdırılmalı, sərhəd bölgələri sakinlərinin həyatı və əmlakı qorunmalı idi", - deyə məlumatda qeyd edilib.

Xəbərin oxunma sayı : 106