AzFakt

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Sərhədləri aşan investisiya: Xaricilər niyə Azərbaycandan ev alırlar?


Tarix 28.02.26, 23:45	Font ölçüsü : - / +

Son beş ildə Azərbaycanın daşınmaz əmlak bazarında diqqətçəkən bir statistika formalaşıb. 2021-2025-ci illərdə xarici ölkə vətəndaşları ölkəmizdə ümumilikdə 6 913 daşınmaz əmlak əldə edib. Bu alımların böyük hissəsi isə bir ölkənin payına düşür: həmin dövrdə 4 638 mənzil Rusiya Federasiyası vətəndaşları tərəfindən alınıb. Yəni xarici alıcıların ümumi sayında açıq üstünlük Rusiyaya məxsusdur. Siyahının növbəti pillələrində Gürcüstan (716) və Türkiyə (312) qərarlaşıb. Ardınca Ukrayna (198), İran (187), Qazaxıstan (160), Almaniya (105), ABŞ (72), Albaniya (63) və İsrail (58) gəlir. Bu statistika təkcə alqı-satqı faktı deyil, həm də Azərbaycanın son illər xarici vətəndaşlar üçün cəlbedici məkan kimi önə çıxmasının göstəricisidir. Xaricilərin minlərlə mənzil alması bazarda yeni istiqamət formalaşdırır və sual yaradır: bu alımların arxasında hansı motivlər dayanır? Xaricilərin daşınmaz əmlak bazarımıza yönəlməsi bu sahəyə necə təsir göstərir?

AzFakt.com mövzu ilə bağlı "Kaspi" qəzetinin məqaləsini təqdim edir:

Sərhədləri aşan investisiya: Xaricilər niyə Azərbaycandan ev alırlar?

Rusiya-Ukrayna müharibəsinin təsiri

Əmlak eksperti Ramil Osmanlının sözlərinə görə, xarici ölkə vətəndaşlarının Azərbaycanda daşınmaz əmlak almasının bir sıra səbəbləri var: "Statistikada ilk sırada Rusiya vətəndaşları görünsə də, ev alanların əhəmiyyətli hissəsi orada yaşayan və Rusiya pasportu daşıyan azərbaycanlılardır. Bu tendensiya Rusiya-Ukrayna müharibəsindən sonra daha da güclənib. Eyni zamanda, ölkəmizə işləmək üçün gələn və oturum almaq istəyən şəxslər üçün dəyəri 100 min manatdan yuxarı olan daşınmaz əmlak əldə etmək müəyyən imkanlar yaradır. Miqrasiya məqsədli alqı-satqılar bunu təsdiqləyir. Oturum almaq məqsədilə mənzil əldə edənlərin bir qismi həmin evlərdə yaşamır, onları kirayəyə verirlər. Bununla yanaşı, investisiya xarakterli alışlar da var. Bəzi alıcılar mənzilləri kirayə vermək üçün əldə edirlər. Statistikada illər üzrə artım və azalma müşahidə olunur ki, bu da əsasən alıcıların yaşadığı ölkələrdəki iqtisadi vəziyyətlə bağlıdır. İqtisadi sabitlik dövründə xaricə investisiya marağı azalır, qeyri-müəyyənlik və iqtisadi geriləmə zamanı isə kapital daha təhlükəsiz hesab edilən istiqamətlərə yönəlir".

R.Osmanlının fikrincə, ümumilikdə xarici alıcıların bazardakı payı böyük deyil: "Buna görə də onların bazardan çəkilməsi ciddi risk yaratmır. Əksinə, xüsusilə investisiya məqsədli vəsait axını ölkəyə əlavə kapital cəlb edilməsi baxımından daşınmaz əmlak bazarı üçün müsbət tendensiya hesab olunur".

Sərhədləri aşan investisiya: Xaricilər niyə Azərbaycandan ev alırlar?

"Mənzillər kapitalı qorumaq üçün alınır"

İqtisadçı-ekspert Rəşad Həsənov isə düşünür ki, bu rəqəmlər miqrasiya statistikası ilə üst-üstə düşür: "Azərbaycandan miqrasiya edənlərin 60-70 faizi Rusiyaya köçüb və ölkəmizdə mənzil alanların böyük hissəsi də məhz orada yaşayan azərbaycanlılardır. Xaricdə müxtəlif məqsədlərlə yaşayan soydaşlarımız vətəndə əmlak almağı həm gələcək plan, həm də təhlükəsizlik addımı kimi qiymətləndirirlər. Onların bir qismi yaşlandıqda Azərbaycana qayıdıb burada yaşamaq niyyətindədir, digərləri isə çalışdıqları ölkədə iqtisadi və ya siyasi risk yaranarsa, geri dönmək üçün əvvəlcədən mənzil sahibi olmağa üstünlük verirlər. Məsələn, bəzi İran vətəndaşları mümkün qeyri-sabitlik ehtimalını nəzərə alaraq Azərbaycanda ev almaqla özlərini sığortalayırlar. İnvestisiya məqsədli alışlar da kifayət qədərdir. Mənzillər kirayə gəlir əldə etmək və kapitalı qorumaq üçün də alınır. Bununla yanaşı, ölkəmizdə uzun müddət yaşayan və işləyən xarici vətəndaşlar da zamanla mənzil sahibi olurlar".

Sərhədləri aşan investisiya: Xaricilər niyə Azərbaycandan ev alırlar?

İqtisadçı xaricilərin ölkəmizdən mənzil sahibi olmasının yaratdığı üstünlüklərdən də bəhs etdi: "Ümumi göstəricilər bu alımların genişmiqyaslı olmadığını göstərir. Xarici vətəndaşların daşınmaz əmlak bazarına yönəltdiyi vəsaitin illik həcmi təxminən 200-300 milyon manat qiymətləndirilir. Bu məbləğ ümumi bazarın 4-5 faizini təşkil etsə də, tikinti sektoruna və daşınmaz əmlak bazarına xarici investisiya axını baxımından əhəmiyyətlidir. Bu kapital tikinti sektorunda əlavə tələb formalaşdırır, inşaat fəaliyyətini stimullaşdırır və məşğulluğa müsbət təsir göstərir. İl ərzində təxminən 30 min mənzilin satıldığını nəzərə alsaq, xarici vətəndaşların aldığı mənzillər ümumi dövriyyənin 4-5 faizinə bərabərdir".

Sərhədləri aşan investisiya: Xaricilər niyə Azərbaycandan ev alırlar?

"Həm inflyasiya, həm də mənzil qiymətlərinə təsir edir"

R.Həsənovun fikrincə, xarici vətəndaşların etdiyi alışların daşınmaz əmlak bazarında qiymətlərin formalaşmasına təsiri də tamamilə istisna edilmir: "Hesablamalara görə, xarici alıcıların aktivliyi qiymət artımlarına təxminən 5 faiz həcmində təsir göstərə bilər. Qiymət artımı isə yerli əhalinin mənzil alıcılığına 5-10 faiz civarında mənfi təsir edir. Əgər xarici alıcılar bazardan çəkilərsə, bu, alıcılıq qabiliyyətində 4-5 faiz azalma yaradaraq müəyyən durğunluğa və qiymətlərin qismən enməsinə səbəb ola bilər. Qiymətlərin azalması yerli vətəndaşların mənzil əldə etmək imkanlarını artırır. Bununla belə, ölkəyə kapital axını baxımından bu proses əhəmiyyətli sayıldığından, xarici investisiyanın təşviqi üçün əlavə addımların atılmasını daha məqsədəuyğun hesab edirəm".

Xəbərin oxunma sayı : 187