AzFakt

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Binəqədi rayonunda neft buruqları ərazisində daha bir qanunsuz tikinti - FOTO/VİDEO

Anar Əlizadə-Mübariz Mənsimov qarşıdurması - Kompromat savaşı yenidən başlayıb

Eldar Əzizovun narazı olduğu kadr: Xalid Ələkbərov yola salınır...

Sahib Məmmədovun “mənbə” axtarışı qalmaqal yaratdı - İşçilərin otağından dinləyici qurğu tapılıb

Eyyubov və digər vəzifəli şəxslərin əməlləri açıqlandı - Baş Prokurorluq məlumat yaydı

“Bravo”nun sönükən fəaliyyəti - Marketlər şəbəkəsinin rəqabətə davamlılığı niyə hər gün zəifləyir?

Yaponiya-Çin gərginliyi pik həddə: Qarşılıqlı hədələr durmadan artır

Anar Əlizadə SOCAR-a və “Alkagesta” şirkətlərinə qarşı “qara PR” aparıb - İLGİNC İDDİA

Saleh Məmmədovun işçisindən 20 min dollarlıq toy hədiyyəsi - AAYDA sədrini hədəfə gətirdi

Sahib Məmmədov “mənbə” axtarışında - Sədrin bu istəyi AHİK-də baş verənləri təsdiqləyir...

Ramiz Mehdiyevin Rusiyaya yazdığı sensasiyalı məktub üzə çıxdı: nələr planlanırmış?

Mehrac Babayev məhkəmə önünə çıxarılacaq - ilginc iddialar


Tarix 25.11.21, 11:12	Font ölçüsü : - / +

Tikinti maqnatının bankir Cahangir Hacıyevlə oxşar taleyi; hüquqşünas: “Dünyanın harasında olmasından asılı olmayaraq dindirmələrə cəlb oluna bilər”

Londonda və Bakıda keçirilən səs-küylü, maxinasiyalar üzrə məhkəmə prosesi həbsdəki və azadlıqdakı oliqarxlara yaxşı heç nə vəd etmir. Ötən həftə belə məlumat yayıldı ki, Azərbaycan Beynəlxalq Bankının hazırda həbsxanada olan keçmiş rəhbəri Cahangir Hacıyev London məhkəməsində ifadə verə bilər. Bu haqda “The Evening Standard” nəşri məlumat verib. Qəzetin yazdığına görə, Böyük Britaniyanın Milli Kriminal Agentliyi (NCA-National Crime Agency) Cahangir Hacıyevin arvadı Zamirə Hacıyevanın ümumi dəyəri 3,2 milyon funt sterlinq (təxminən 4,5 milyon dollar) təşkil edən qızıl-zinət əşyalarının müsadirə edilməsi üçün iddia qaldırıb. Nəşr bildirir ki, Cahangir Hacıyevin bu iş üzrə şahid qismində həbsxanadan videokonfrans yolu ilə ifadə verməsinin təmin edilməsi üçün Milli Kriminal Agentliyi Azərbaycan tərəfinə sorğu göndərə bilər.

Cahangir Hacıyevin vəkili bu perspektivlə bağlı Musavat.com-a danışıb, bəzi məqamlara aydınlıq gətirib.

NCA adından məhkəmədə çıxış edən krallıq vəkili Endryü Berd məhkəməyə bildirib ki, aktivlər “Cartier Ltd” firmasından və “Christies” hərrac evindən müsadirə edilib: "Onlar ora Leyla Mahmudova tərəfindən (keçmiş MTN rəhbəri Eldar Mahmudovun qızı-red.) göndərilib, amma dəlillər var ki, zinət əşyaları əslində cənab Hacıyevanın istifadə etdiyi hesablardan ödənilən 3 milyon funt sterlinqə alınıb. O, “Harrods”dan müxtəlif mallar almaq üçün kredit kartlarından istifadə edib. Bu zinət əşyalarının çoxu “Harrods”dan kredit kartları hesabına alınıb".

Qəzet yazır ki, gələn il iş üzrə daha bir məhkəmə keçiriləcək və orada Cahangir Hacıyevin müsadirə prosesində hansı rol oynaya biləcəyi müəyyən olunacaq, daha sonra zinət əşyalarının taleyi barədə qərar veriləcək. NCA bildirir ki, Z.Hacıyeva bu zinət əşyaları və yaşadığı malikanə ilə yanaşı Askotddakı “Mill Ride” qolf meydançasını da qanunsuz əldə edilmiş vəsaitlərlə alıb.

Z.Hacıyevanın aktivlərinə Böyük Britaniyada 2017-ci ildən qüvvəyə minmiş İzahedilməz Sərvətlər Haqqında qanun əsasında həbs qoyulub. Bu qanun korrupsioner oliqarxlara və onların ailə üzvlərinə sərvətlərinin mənbəyini açıqlamaq məcburiyyəti qoyur. Əgər adekvat izahat verilməsə qanun bu sərvətlərin müsadirəsini nəzərdə tutur.

Londonda 36 milyon xərcləyən Zamirə Hacıyeva Azərbaycana gətirilə bilər

Xatırladaq ki, bir cinayət məhkəmədə mübahisələndirildikdə, tərəflərin hər birinin ifadəsinə baş vurulur. Tərəflərdən tutaq ki, 1 nəfər həbsdədirsə, müasir texnoloji imkanlar vasitəsilə onu da dünyanın istənilən yerində keçirilən məhkəmə iclasında dindirmək mümkün olur. O baxımdan C.Hacıyevin məlum məhkəmə prosesində onlayn iştirakı istisna edilmir.

Azərbaycanda isə səs-küylü bir məhkəmə prosesi aparılır. Adına “KİVDF işi” deyilən bu prosesdə adı keçən şəxslərdən biri də Mehrac Babayevdir. O, hazırda Azərbaycanda yaşamır. Amma adı cinayət işində keçirsə, Babayevin nə zamansa məhkəməyə dəvət olunacağı istisna deyil. Onu da Cahangir Hacıyev kimi hakimlər onlayn dindirə bilərmi? Bu perspektiv mümkündürmü?

Xatırladaq ki, jurnalistlər üçün tikilən binada böyük yeyintilər olub. Binanı inşa edən şirkət isə M.Babayevə məxsusdur.

“Bakı” Hüquq Şirkətinin rəhbəri Natiq Ələsgərov “Yeni Müsavat”a deyib ki, Mehrac Babayevin bu iş üzrə canlı olaraq, yaxud onlayn şəkildə dindirilməsi mümkündür.

“Mehrac Babayevin bu gün xaricdə yaşaması Azərbaycanda törətməsi ehtimal edilən əməllərlə bağlı dindirilməsinin mümkünsüzlüyü anlamına gəlmir. Dünyanın harasında olmasından asılı olmayaraq onu Azərbaycan məhkəməsi dindirməyə cəlb edə bilər. Prezidentin tapşırığı ilə Azərbaycan məhkəmə sistemi elektronlaşdırılır, müasir məhkəmə komplekslərində onlayn proseslərin keçirilməsi üçün texniki imkanlar var. Mehrac Babayev də belə komplekslərdə quraşdırılan avadanlıqlar vasitəsilə dünyanın harasında olmasından asılı olmayaraq dindirmələrə cəlb oluna bilər. Əgər Mehrac Babayev Azərbaycan məhkəməsinin çağırışlarına cavab verməsə, dindirmələrdən yayınsa, barəsində məcburi gətirilmə qərarı verilə bilər. Bundan başqa, əməlində cinayət tərkibi olsa, bu zaman barəsində beynəlxalq axtarış da verilə bilər” - deyə hüquqşünas bildirib.

Onun sözlərinə görə, Azərbaycan hüquq-mühafizə orqanları bu gün istənilən tapşırığı yerinə yetirmək imkanındadır. Sadəcə, ortada məhkəmələrin, istintaq orqanının qanuni qərarlarının olması yetərlidir.

Xəbərin oxunma sayı : 934