Yeniavaz.com xəbər verir ki, bankomatların sayı ilin əvvəlindən ötən 7 ay ərzində 43 ədəd və ya 32% azalıb.

Qeyd edək ki, bankomatların 46-sı Naxçıvan şəhərində, 44-ü isə rayon və kəndlərdə olub. Naxçıvan şəhərindəki bankomatların sayı 26 ədəd, rayon və kəndlərdəki bankomatların sayı isə 17 ədəd azalıb.

Məlumat üçün bildirək ki, bankomatların yarıdan çoxu – 49 ədədi “Kapital Bank” ASC-yə məxsus olub. Bankomatların 35 ədədi və ya 39%-i “Azərbaycan Beynəlxalq Bankı” ASC-nin olub. Ümumiyyətlə, Naxçıvandakı bankomatlar cəmi 6 banka məxsusdur. “Kapital Bank” və “Beynəlxalq Bank”dan sonra ən çox bankomat “Azər-Türk-Bank” ASC-yə məxsus olub. Bu bankın Naxçıvanda 3 bankomatı var. Digər bankların – “Rabitəbank” ASC, “Bank Respublika” ASC və “AccessBank” QSC-nin isə hər birinin Muxtar Respublikada 1 bankomatları mövcud olub.

Son 7 ay ərzində bankomatların sayının kəskin azalmasının səbəbi “Naxçıvan Bank” ASC-nin bağlanması olub. Belə ki, bu ilin əvvəlində “Naxçıvan Bank”ın Muxtar Respublikada 47 bankomatı olub.