Yeniavaz.com xəbər verir ki, açıqlanan məlumatlara görə bu ilin ik yarısında tədiyə balansının cari əməliyyatlar hesabında 2,6 milyard dollar profisit (fərq) yaranıb.

Qeyd edək ki, ötən ilin eyni dövrü ilə müqayisədə cari əməliyyatlar hesabının profisitində  kəskin azalma olub. Ötən ilin ilk yarısında cari əməliyyatlar hesabının profisiti bu ilin analoji göstəricisindən 2 dəfə çox – 5,2 milyard dollar olub. 2022-ci ilin ilk yarısında isə bu göstərici 10,3 milyard dollar olub.

Açıqlanan məlumatlardan da göründüyü kimi, son 2 ildə cari əməliyyatlar hesabının profisitində 4 dəfəyə yaxın azalama olub.

Onu da bildirək ki, cari əməliyyatlar hesabının profisitindəki azalma ölkəyə daxil olan valyutanın azalması deməkdir və bu da ölkənin milli valyutasının məzənnəsinə təsir edən əsas amillərdən biri hesab olunur.