AzFakt

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

250 milyonluq dələduzluqda ittiham olunan azərbaycanlı iş adamı kimdir? - 11 şübhəli var

Pirallahıda DOST işçiləri MİS-ə transfer olunur - Maraqlı təfərrüat…

Türkiyə -““Böyük İsrail” savaşı - Azərbaycan nə etməlidir?

SOCAR rəsmisinin gizli eşq macərası Rumıniya mediasında - Ramil Əsədulzadənin şok görüntüləri

Qaradağ rayonunda qanunsuz daş karxanaları - Başçının müavini himayə edir?

Bir qrup adam ölkəyə gizli yolla mal gətirir - Şəbəkənin başında kimlər dayanır?

Büdcəyə quyu qazanlar - Füzuli rayon Mərkəzi Xəstəxanası “Otkat“ əməliyyatı...

Liderlər Ağ Evdə tarixi sazişi imzaladı - Birgə Bəyannamənin TAM MƏTNİ

Britaniyada Mahmudovlarla bağlı qalmaqal - Vəkillərinə rekord cərimə kəsildi...

Fransa kəşfiyyatının Bakıdakı məxfi işləri ifşa oldu - Əyləncəli tədbirlər təşkil edib...

“Bizim ərazimizdə icarədar ola bilməz” - Prezident nidanı qoydu!

“Heç vaxt işğalla barışmayın!“ - İlham Əliyev ukraynalılara məsləhət verdi

Yüksək səslə mahnı dinləyən şəxsi qətlə yetirdi - TƏFƏRRÜAT + VİDEO


Tarix 19.11.22, 19:57	Font ölçüsü : - / +

Yüksək səslə mahnı dinləyən şəxs qətlə yetirilib.

Hadisə 2019-cu il martın 9-da Binəqədi-Xırdalan şosesində, Qiyas Niyazova məxsus fərdi evdə baş verib. Otaqlardan birində Şəhriyar Allahverdizadənin üzərində bıçaq xəsarəti olan meyiti aşkar edilib.

İstintaqla müəyyən edilib ki, martın 9-u gecə saat 2 radələrində Cavid Həmidli, onunla eyni otaqda kirayədə yaşayan Səbuhi Şirinov və tanışı İbrahim Qasımzadə ilə birlikdə yemək yeyərkən qonşu otaqda qalan Şəhriyar Allahverdizadə və Elgiz Seyidov yüksək səslə musiqi dinləməsi mübahisəyə səbəb olub. Səbuhi Şirinov Elgiz Seyidovu çağıraraq, onları narahat etdiklərini bildirib və musiqinin səsini azaltmasını xahiş edib. Sərxoş vəziyyətdə olan Elgiz Seyidov musiqinin səsini azaldacaqlarını söyləyəndə, Şəhriyar Allahverdizadə otaqdan çıxaraq “Sən kimsən ki, bizə deyirsən səsi azalt?” deyib. Bunu özünə qarşı hörmətsizlik kimi qəbul edən Cavid Həmidli Şəhriyar Allahverdizadənin üzünə yumruqla zərbə vurub, onu yerə yıxıb. Ardınca da mübahisəyə müdaxilə etmək istəyən Elgiz Seyidovun sinəsinə də bir dəfə zərbə endirib. Daha sonra öz otaqlarına girib yastığın altına qoyduğu qatlanan ov bıçağını götürüb. Geri qayıdıb Şəhriyar Allahverdizadənin döş qəfəsinə bıçaqla bir dəfə zərbə vuraraq onu öldürüb.

İş üzrə dindirilmiş Cavid Həmidli bildirib ki, hərbi xidmətdən yaşadığı Bərdə rayonuna qayıtdıqdan bir müddət sonra işləmək məqsədilə Bakı şəhərinə gəlib. Paytaxtda müxtəlif yerlərdə fəhlə işləyib. Binəqədi qəsəbəsində Qiyas Niyazova məxsus fərdi evdə kirayədə yaşayıb. Evin həyətində ayrı-ayrılıqda 4 otaq olub. Pünhan Xəlilov və Səbuhi Şirinovla birlikdə qalıb. Fəhlə işlədiyindən hər gün evə gecə saat 1-2 radələrində gəlib. Yemək yeyəndən sonra yorğun olduğundan yatmaq istəyib. Musiqi səsini azaltmaları üçün sonradan adlarını bildiyi Elgiz və Şəhriyarın yaşadıqları otağa yaxınlaşıb qapını döyüb. Qapını açan Elgizdən mahnının səsini azaltmasını xahiş edəndə qonşusu ona səsi azaldacağını deyib. Bu zaman Şəhriyar otaqdan çıxaraq musiqinin səsinin azaltmayacağını bildirib və onu söyüb. Valideynlərini itirdiyindən Şəhriyarın söyüşləri ona çox pis təsir edib. Yaşadığı otağa keçib, yastığın altından özünə məxsus bıçağı götürüb. Şəhriyar əlində bıçaqla üstünə gələndə öz bıçağı ilə onun qoluna xəsarət yetirmək istəyib. Amma bıçaq Şəhriyarın ürəyinə dəyib.

Məhkəmə iclasında Cavid Həmidli ittiham üzrə özünü təqsirli bilib.

O, cavan olmasını, cinayəti Şəhriyar Allahverdizadənin onun valideynlərini təhqir etməsi nəticəsində törətdiyini bildirərək, məhkəmədə barəsində yüngül cəza təyin edilməsini xahiş edib.