AzFakt

Bakıda 120 milyonluq qalmaqallı hərracın arxasında kimlər dayanır? - ŞOK İSİMLƏR

Nadir Aslanovun “görmədiyi“ qanunsuz tikilən 110 evin iziylə - Baş purokrorluğa müraciət...

“MTK kralı“ çətin durumda - Asiman Hüseynov qardaşını xilas edə biləcəkmi?

Azərbaycanın ən varlı şirkətləri: milyardlara sahib olanlar kimdir?

Rəsmi Bakı Blinkenin görüş təklifini qəbul etməyib - Səbəb məlum oldu

“Ermənistan Qərbi Azərbaycan İcması ilə danışıqlara başlamalıdır“ - Prezident

ABŞ OCCRP-ni maliyyələşdirib və layihə rəhbərliyini təyin edib - Araşdırma

86 milyon manatı ölkəyə qaytarmayanlar ifşa edildi - Həbs olundular

Şirvanda 13 hektar ərazi başçı tərəfindən zəbt edilib - Qazinin əli ilə

ARB-nin 5 mərtəbəli studiya binası hansı məmura məxsusdur - FOTOFAKT

Bakı və Ankaradan İrəvana ultimatum - Zəngəzurla bağlı...

Azərbaycan Haaqa Məhkəməsinə müraciət etdi - Ermənistanla bağlı

143 milyon taladılar, 38 milyon ödədilər - Mənimsədikləri pulları qaytarmırlar

“Əgər biz cəngəlliyiksə, onda işlərimizə qarışmayın “ - Prezidentdən ağır ittihamlar

İmtahanlardan keçən taksi sürücülərinin sayı açıqlandı - Bu, onlara nə qazandırır?


Tarix 25.01.25, 14:51	Font ölçüsü : - / +

Bildiyimiz kimi, ötən ilin avqust ayından başlayaraq taksi sürücülərinin qiymətlədirilməsi üçün Dövlət İmtahan Mərkəzi tərəfindən imtahanlar keçirilir. İmtahanı müvəffəqiyyətlə vermiş namizədlər 7 il müddətində etibarlı olan şəhadətnamə əldə edir.

Maraqlıdır, bu günə kimi neçə nəfər bu imtahanlarda iştirak edib?

AzFakt.com trend-ə istinadən xəbər verir ki məsələ ilə bağlı Dövlət İmtahan Mərkəzinin mətbuat xidmətinin rəhbəri Xanlar Xanlarzadə taksi sürücüləri üçün imtahan keçirilməyə başlanan vaxtdan bu günə kimi 6 678 nəfər imtahanda iştirak etdiyini bildirib:

"Onlardan 5 983 nəfəri uğur qazanıb və şəhadətnamə alıb. Bu günə olan məlumata əsasən, bundan sonra, bu gün də daxil olmaqla 5 444 nəfər üçün imtahan keçirilməsi nəzərdə tutulub", - o qeyd edib.

O əlavə edib ki, bu siyahıda, rəqəmlərdə artım ola bilər:

"Çünki taksi sürücüləri üçün keçirilən imtahanlar sifariş əsasında həyata keçirilir. Sürücülər üçün təlimlər, hazırlıq kusları keçirilir və bu imtahan zamanı həmin kurslarda iştirak edən şəxslərin hazırlığının qimətləndirilməsi aparılır".

Bəs, sürücülər üçün keçirilən imtahanlar namizədlərə nə qazandırır?

Mövzu ilə bağlı danışan təhsil eksperti Elçin Əfəndiyev isə qeyd edib ki, bu imtahanın keçirilməsində başlıca məqsəd ondan ibarətdir ki, taksi sürücülərinin etik davranış qaydaları ilə bağlı ümumi məlumatları olsun.

"Artıq bir müddətdir ki, Dövlət İmtahan Mərkəzi tərəfindən taksi sürücüləri üçün imtahan keçirilir. Əlbəttə, bu imtahanın keçirilməsində başlıca məqsəd ondan ibarətdir ki, taksi sürücülərinin etik davranış qaydaları ilə bağlı ümumi məlumatları olsun və yaxud da məlumatları olmalıdır ki, onlar sertifikat əldə edə bilsinlər. Həmçinin yol-nəqliyyət hərəkətinin təşkili zamanı, sərnişin daşınmada sərnişinlərlə münasibət və digər psixoloji amillər məhz bu imtahan əsasında müəyyənləşdirilir. Təbii ki, imtahandan keçən namizədlərə də sertifikatlar təqdim olur", - o vurğulayıb.

Ekspert qeyd edib ki, əgər kimsə məhz taksi fəaliyyəti ilə məşğul olmaq istəyirsə, imtahandan keçməlidir:

"Yəni, kimsə qarşısına məqsəd qoyub ki, mən taksi sürəcəm, taksi istifadə edəcəm, əlbəttə ki, həmin kəslərə dövlət imkan yaradır ki, siz sertifikat alandan sonra müvafiq xidməti göstərə bilərsiniz. Sertifikat almadan olmaz. Və o zaman da təbii ki, həmin taksi sürücüləri məcburdurlar ki, öz xidmət sferalarına uyğun olaraq müəyyən qaydaları öyrənsinlər və onlara əməl etsinlər. Düşünürəm ki, bu imtahan sürücülərə ən azı psixoloji, etik davranış qaydalarını öyrədə bilir.

Məhz etik və psixoloji qaydalar üzərindən düşünsək, ən azı bunları əldə edə bilirlər. Hansı ki, həmin şəxslər sertifikat alırlar və həmçinin yol nəqliyyatı ilə bağlı təhlükəsizliyin tənzimlənməsi və təhlüksizlik qaydaları, dövlət yol nişanları və s. Bunlar haqqında ən azı informasiya sahibi olurlar. Düşünürəm ki, sürücülər müəyyən prosesləri bilmədən və ya qismən bilərək yola çıxırdılarsa, artıq sertifikatı əldə etmək üçün onlar məcburdurlar ki, müəyyən araşdırma aparsınlar, nələrsə öyrənsinlər. Nəticə etibarilə öz biliklərini bu istiqamət üzrə artırırlar. Və belə olan halda əlbəttə ki, müəyyən savad əldə etdiklərini düşünürəm. Yəni, demək olar ki, ümumi prosesin də müsbət cəhəti, müsbət tərəfi məhz bundan ibarətdir".

Qeyd edək ki, həmin imtahanlardan biri də ötən gün keçirilib. İmtahanlarda iştirak etmək üçün ümumilikdə 1 563 nəfər qeydiyyatdan keçib.

Xəbərin oxunma sayı : 844