AzFakt

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Kollecdə 360 min manatlıq yeyinti: Sabiq direktorlar pulları necə talayıblar?


Tarix 01.10.26, 16:29	Font ölçüsü : - / +

Gəncə Dövlət Universitetinin nəzdində Regional Kollecinin korrupsiyada ittiham olunan keçmiş rəhbərlərinin məhkəməsi başlayıb.

AzFakt.com "Qafqazinfo"ya istinadən xəbər verir ki, Gəncə Ağır Cinayətlər Məhkəməsində iş üzrə ilk iclas keçirilib.

Bu iş üzrə 4 nəfər - sabiq kollec direktorları Fəxrəddin Zeynalov və İlqar Kubışov, habelə iki əməkdaş - Gülnar Bağırzadə və Məlahət Əsgərova mühakimə edilirlər. Onlar dördü də istintaq dövründə azadlıqda olublar, məhkəmə müddətində sərbəst mühakimə edilmələrinə qərar verilib.

Hazırlıq iclasında təqsirləndirilən şəxslərə hüquq və vəzifələri izah edilib, iş məhkəmə baxışına verilib.

Artıq cinayət işi üzrə dəymiş ziyanın da nə qədər olduğu məlumdur.

Əldə edilən məlumata görə, təqsirləndirilən şəxslər 360 min manatdan artıq dövlət vəsaitini mənimsəməkdə təqsirləndirilirlər. Baş Prokuror yanında Korrupsiyaya qarşı Mübarizə Baş İdarəsində aparılan ilkin istintaqla müəyyən edilib ki, pullar əsasən kənar şəxslərin adına əməkhaqqı yazılması və kollecdə inşaat işlərinin aparılması bəhanəsi ilə mənimsənilib. Prokurorluq məhkəməyə qədər dövlətə dəymiş ziyanın 100 min manatını geri ödətdirib.

Fəxrəddin Zeynalov, İlqar Kubışov və digərlərinə vəzifə səlahiyyətlərindən sui-istifadə etmə və külli miqdarda mənimsəmə maddələri ilə yekun ittiham verilib. Bu maddələrlə təqsirli bilinən şəxsi 5 ildən 10 ilə kimi həbs cəzası gözləyir. Lakin dəymiş ziyanın ödənilməsi vəziyyəti yüngülləşdirə bilir.

Qeyd edək ki, Gəncə Dövlət Regional Kollecinin 2023-cü ilə kimi rəhbəri Fəxrəddin Həsənov olub. O, təqaüdə getdikdən sonra yerinə riyaziyyat üzrə fəlsəfə doktoru, dosent İlqar Kubışov təyin edilib. Lakin Kubışov cəmi 1 il sonra vəzifəsindən azad olunub.

Xəbərin oxunma sayı : 685