AzFakt

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

250 milyonluq dələduzluqda ittiham olunan azərbaycanlı iş adamı kimdir? - 11 şübhəli var

Pirallahıda DOST işçiləri MİS-ə transfer olunur - Maraqlı təfərrüat…

Türkiyə -““Böyük İsrail” savaşı - Azərbaycan nə etməlidir?

SOCAR rəsmisinin gizli eşq macərası Rumıniya mediasında - Ramil Əsədulzadənin şok görüntüləri

Qaradağ rayonunda qanunsuz daş karxanaları - Başçının müavini himayə edir?

Bir qrup adam ölkəyə gizli yolla mal gətirir - Şəbəkənin başında kimlər dayanır?

Büdcəyə quyu qazanlar - Füzuli rayon Mərkəzi Xəstəxanası “Otkat“ əməliyyatı...

Liderlər Ağ Evdə tarixi sazişi imzaladı - Birgə Bəyannamənin TAM MƏTNİ

Britaniyada Mahmudovlarla bağlı qalmaqal - Vəkillərinə rekord cərimə kəsildi...

Fransa kəşfiyyatının Bakıdakı məxfi işləri ifşa oldu - Əyləncəli tədbirlər təşkil edib...

“Bizim ərazimizdə icarədar ola bilməz” - Prezident nidanı qoydu!

“Heç vaxt işğalla barışmayın!“ - İlham Əliyev ukraynalılara məsləhət verdi

“Qurdlar dərəsi“ndəki dələduzluq əməli - zərərçəkənlərin əldən çıxan brilyantları, müttəhimin azad olunması...


Tarix 04.01.20, 15:09	Font ölçüsü : - / +

Sumqayıtda 3 nəfərə qarşı dələduzluq etməkdə ittiham edilən qadın növbəti dəfə hakim qarşısına çxıarılıb. Zərərçəkmişlər onun həbsini tələb edir.

Musavat.com xəbər verir ki, ittihama görə, 1980-ci il təvəllüdlü Sevinc İbrahimova tanışı Nüşabə Əşrəfovanı yüksək vəzifədə işləyən şəxslərin vasitəsilə Sumqayıt şəhəri ərazisində yerləşən orta məktəblərdən birinə direktor müavini vəzifəsinə təyin etdirəcəkmiş. Bu məqsədlə o, “Qurd dərəsi” bağlar massivi ərazisində yerləşən öz evində Nüşabə Əşrəfovadan 12 min manat pul alıb.

Bundan başqa, S.İbrahimova təkrarən özgənin əmlakını ələ keçirmək məqsədi ilə tanışı Gülgəz Əşrəfovanın etibarından sui-istifadə edib, ona və qızı Nüşabə Əşrəfovaya məxsus qızıl-zinət əşyalarını dəyərindən yüksək qiymətə qiymətləndirərək daha müasir formada olan qızıl-zinət əşyaları ilə dəyişdirib geri qaytaracağına dair yalandan vəd verib.

Bu məqsədlə 1 saylı orta məktəbdə Nüşabə Əşrəfovaya məxsus iki ədəd brilyant qaşlarla bəzədilmiş boyunbağıdan, iki ədəd brilyant qaşlarla bəzədilmiş qolbaqdan, iki cüt brilyant qaşlarla bəzədilmiş sırğadan, iki ədəd brilyant qaşlarla bəzədilmiş üzükdən ibarət 12 min manat dəyərində, Gülgəz Əşrəfovaya məxsus brilyant qaşlarla bəzədilmiş bir cüt qızıl sırğadan, bir ədəd brilyant qaşlarla bəzədilmiş qızıl üzükdən, iki cüt sadə qaşlı qızıl sırğa və üç ədəd qızıl üzükdən ibarət cəmi 3 min manat dəyərində qızıl-zinət əşyalarını alıb və mənimsəyib.

Həmçinin o, tanışı Günel Alməmmədovadan 6 min manat dəyərində iki ədəd kondisionerdən, iki ədəd paltaryuyan maşından, bir ədəd qaz sobasından, bir ədəd divan-kreslo dəstindən və yeddi ədəd billur qablar dəstindən ibarət məişət əşyalarını alıb və sataraq pulunu ödəyəcəyini vəd edib. Amma bu vədinə də əməl etməyib.

Ali təhslilli, üç uşaq anası olan Sevinc İbrahimova Sumqayıt Şəhər Məhkəməsinin hökmü ilə Cinayət Məcəlləsinin 178.2.2 və 178.2.4-cü maddələri ilə təqsirli bilinib 2 il müddətə azadlıqdan məhrum etmə cəzasına məhkum edilib. Onun 2 ay 5 gün həbsdə olduğu müddət aldığı cəzadan çıxılaraq üzərində qəti olaraq 1 il 9 ay 25 gün azadlıqdan məhrumetmə cəzası saxlanılıb.

Cinayət Məcəlləsinin 79.1-ci maddəsinə əsasən İbrahimovanın 2 yaşında övladı olduğu üçün cəzasının icrası övladının 14 yaşı tamam olanadək təxirə salınıb.

Hökmə əsasən İbrahimova barəsində seçilmiş həbs qətimkan tədbiri dəyişdirilib və o məhkəmə zalından azadlığa buraxılıb.

Məhkəmə həmçinin zərərçəkmişlərin mülki iddialarını da təmin edib. Belə ki, hökmdə göstərilib ki, Sevinc İbrahimovadan 24 min manat tutularaq zərərçəkmiş Nüşabə Əşrəfovaya, 3 min manat, Gülgəz Əşrəfovaya, 6 min manat isə Günel Alməmmədovaya ödənilisin.

Lakin bu hökm zərərçəkmişləri narazı aslıb. Onlar apellyasiya şikayəti verərək İbrahimovanın həbs edilməsini istəyiblər.

Şikayətə Sumqayıt Apelyasiya Məhkəməsində hakim Ruhiyyə Əsgərovanın sədrliyi ilə baxılıb.

Zərərçəkmişlər hökmün dəyişdirilərək, İbrahimovanın həbs edilməsi barədə qərar qəbul edilməsini məhkəmədən xahiş ediblər.

Zərərçəkmiş Əşrəfovalar apellyasiya şikayətində bildiriblər ki, çıxarılan hökmdən narazdırırlar. Onlar məhkəmənin İbrahimova barəsində çıxardığı hökmün yüngül və ədalətsiz olduğunu hesab ediblər. Zərərşəkənlər bildiriblər ki, təqsirləndirilən şəxslə barışmayıblar, onu bağışlamayıblar və şikayətçidirlər.

Zərərçəkmiş Günel Alməmmədova da birinci instansiya məhkəməsinin çıxardığı hökmlə razı deyil. Alməmmədova deyib ki, hökmdə göstərilib ki, guya Sevinc İbrahimova ona vurduğu zərərin bir qismini ödəməyi təklif edib, amma o, razılaşmayıb. Alməmmədova bildirib ki, bu tamamilə yalandır, o, özü dəfələrlə zərərdən az-az ödəməsini təklif etsə də, Sevinc İbrahimova bundan boyun qaçırıb.

Sevinc İbrahimova isə şikayətlərin təmin edilməməsini istəyib.

Sumqayıt Apellyasiya Məhkəmsi tərəfləri dinlədikdən sonra qərara alıb ki, birinci instansiya məhkəməsi əməlin tövsifi, sübutların tədqiqi və qiymətləndirilməsi zamanı cinayət qanununa və cinayət prosessual qanunvericilik normalarına düzgün riayət edib, səhvə yol verməyib. Bununla da birinci instasniya məhkəməsinin qərarı qüvvədə saxlanılıb.

Xəbərin oxunma sayı : 478