AzFakt

Əhmədzadənin yerinə Sultan-zadə - Adnan Əhmədzanin yerinə keçən Rüfət Sultan-zadə kimdir?

“360Marcom“ MMC KOBİA üçün niyə bu qədər önəmlidir? - ARAŞDIRMA

Şirvanda qeyri-müəyyənlik - İlqar Abbasov Mehdiyevin güdazına gedə bilər...

SOCAR-da dəyişiklik gözlənilir - Fərhan Əliyev vitse-prezident olacaq?

Yaxın vaxtlarda MSK-da “təmizlik” gözlənilir - Ramiz Mehdiyevin adamlarından

Dövlət Gömrük Komitəsində kürsü savaşı - Müavin və idarə rəisi Şahin Bağırovun yerinə göz dikib

Binəqədi rayonunda fərdi yaşayış evi obyektə çevrilib - Hacıbaba Babayevin saxta arayışı ilə...

Tendersiz 53 milyonluq sifariş! - AYNA-nın heyrət doğuran qanunsuzluğu üzə çıxdı

250 milyonluq dələduzluqda ittiham olunan azərbaycanlı iş adamı kimdir? - 11 şübhəli var

Pirallahıda DOST işçiləri MİS-ə transfer olunur - Maraqlı təfərrüat…

Türkiyə -““Böyük İsrail” savaşı - Azərbaycan nə etməlidir?

SOCAR rəsmisinin gizli eşq macərası Rumıniya mediasında - Ramil Əsədulzadənin şok görüntüləri

Qaradağ rayonunda qanunsuz daş karxanaları - Başçının müavini himayə edir?

Bir qrup adam ölkəyə gizli yolla mal gətirir - Şəbəkənin başında kimlər dayanır?

“Köhnə biletləri küçədə zibil qabında yandırın...” - Minskdə tutulan muzdlular


Tarix 01.08.20, 15:50	Font ölçüsü : - / +

Belarusda iyulun 29-da saxlanılan və Rusiyanın “Vagner” özəl hərbi şirkətinin muzdluları olan 33 rusiyalı ətrafında Moskva ilə Minsk arasında ciddi gərginlik davam edir. Rəsmi Minsk həmin muzdluların avqustun 9-da keçiriləcək prezident seçkilərində Belarusda vəziyyəti qarışdırmaq üçün göndərildiyini bildirir. Lakin Rusiya tərəfi bunu rədd edir və iddia edir ki,muzdlular Belarusdan tranzit keçməklə üçüncü ölkəyə getməyi planlaşdırırdı və onlar heç bir qanunu pozmayıblar.

Virtualaz.org xəbər verir ki, bunun ardınca Belarus tərəfi muzdluların bu ölkə ərazisindən tranzit keçməklə üçüncü ölkəyə getməyi planlaşdırdıqları haqda Rusiya tərəfinin versiyasını rədd edib. Və dəlillər açıqlayıb.

Məlum olub ki, “Vagner” muzdluları Belarusa çatandan sonra son anda marşrutu dəyişiblər və bu ölkədə qalıblar. Kuratorları onlara köhnə biletləri yandırmağı tapşırıb. Belarus ictimai televiziyasının bildirdiyinə görə, istintaq muzdluların ölkə ərazisindən tranzit olaraq keçməyi planlaşdırdıqları barədə versiyanın əvvəlcədən onların əsl planlarını ört-basdır etmək üçün hazırlandığını düşünür. Sübut olaraq Belarus hüquq-mühafizə orqanları muzdluların kuratorları ilə yazışmasından skrinşotu açıqlayıb. “Sabah saat 12.00-da hamı qaldığı nömrələri boşaltmalıdır və avtobuslara minməlidir. Köhnə biletləri küçədə zibil qabında yandırmaq lazımdır”,-Shaman niki ilə yazan kurator “vaqnerçilərə” bildirir.

Habelə istintaq muzdluların Belarus ərazisindən daşınmasını təmin edən Gennadi Kumpan adlı şəxsin ifadəsini də açıqlayıb. Həmin şəxs bildirir ki, muzdlular qrupunu Rusiya ilə sərhəddən iyulun 24-də götürüb və əvvəlcədən razılaşdırdıqları kimi onları Minsk beynəlxalq aerportuna aparıb. Lakin son anda təyinat yeri məlum olmayan səbəbdən dəyişib. O, muzdluları “Belarusoçka” sanatoriyasına aparıb. Muzdluların Minsk-İstanbul reysi ilə uçan təyyarəyə biletləri olsa da onlar həmin reysə minməyiblər. Təyyarə 33 muzdlunu götürmədən uçub.

Minskdə qeyd edirlər ki, bundan sonra Belarus paytaxtından İstanbula bir çox başqa reyslər də olub. Lakin “vaqnerçilər” nəyə görəsə Belarusda qalıblar. İstintaq qrupunun rəhbəri Aleksandr Aqafov hesab edir ki, muzdluların İstanbula uçmağı planlaşdırdıqları haqda versiya əvvəlcədən alibi kimi hazırlanmışdı. Amma onların əsl məqsədi başqa olub. O qeyd edir ki, saxlanılanlar hara getməyi planlaşdırdıqları haqda ziddiyyətli ifadələr veriblər. Muzdlulardan 15-i ifadələrində Türkiyəyə getdiklərini deyib. 11-i Venesuelaya uçduqlarını bildirib. Qalanları Kuba və Suriyaya getməyə hazırlaşdıqlarını deyib, bir nəfər isə ümumiyyətlə onu hara göndərdiklərini bilmədiyini deyir.

Eləcə də Rusiya mənbələrində muzdluların hara getdikləri barədə fərqli versiyalar və ölkələr göstərilir. Onların gah Yəmənə, gah Liviyaya, yaxud Suriya və ya Venesuelaya göndərildikləri barədə versiyalar səslənir.

Xatırladaq ki, dünən Rusiya prezidenti Vladimir Putin Belarusda saxlanılan rusiyalı muzdlularla bağlı Təhlükəsizlik Şurasının iclasını keçirib. İclasda ifadə olunub ki, həmin Rusiya vətəndaşları Belarusda heç bir qanunu pozmayıblar və ölkə ərazisindən tranzit keçməklə üçüncü ölkəyə getməyi planlaşdırırdılar. Ona görə də Belarus tərəfinin bu şəxsləri tezliklə sərbəst buraxmalı olduğu bildirilib.

Xəbərin oxunma sayı : 3130