AzFakt

“Azərbaycanda qırıcıların sayı Ermənistandan 10 dəfə çoxdur” - “Forbes”

Azərbaycanın Çindəki ticarət nümayəndəsi milyonluq obyekt tikdirib - SƏNƏD

DTX-dən xüsusi əməliyyat əməliyyat - Bu şəxslər həbs edildi + VİDEO

“Bizimlə bu gün hesablaşmayan sabah peşman olur” -İlham Əliyev

Mehdiyevin bankından sabiq nazirin qardaşının yarım milyonu oğurlanıb - CİNAYƏT DOSYESİ

Britaniya səfirindən fransızsayağı addım - Ermənistandakı ingilis diplomat Gorusa niyə gedib?

Binəqədi rayonunda qanunsuz yaşayış binası inşa edlib - FOTOLAR

Azərbaycanda dövlət çevrilişi etmək istəyənlər kimlər idi? - Prezident açıqladı+Video

Çin, Rusiya və İrandan Trampa güc nümayişi - Birgə təlimlərin İrana faydası varmı?

Şəhid anasından Aydanadək... - Prezidentdən paylaşım+Video

Turizm Agentliyində qalmaqal - Sədrin qaynanasının badına Aparat rəhbəri işdən çıxarıldı

Zaqatalada qanunsuz ağac budaması - Akif Məmmədov saxta rəy verib

Anar Quliyev dilemma qarşısında - Ya Prezidentin etimadı, ya da qanunsuz tikintilərə davam...

Fransa rəsmiləri Azərbaycanda istintaqa cəlb olunub - Şok faktların üstü açıldı + FOTO

Putin Donbasdakı qoşunları öz nəzarətinə götürüb - “The Telegraph”


Tarix 18.05.22, 19:22	Font ölçüsü : - / +

Rusiya prezidenti Vladimir Putin öz ordusunun Ukraynanın şərqini – Donbas bölgəsini ələ keçirmək üçün göstərdiyi səyləri yetərli hesab etmədiyindən həmin ərazilərdəki qoşunları şəxsi nəzarətinə götürüb.

Novator.az saytı xəbər verir ki, Böyük Britaniyanın “The Telegraph” qəzeti belə yazır.

Qəzet Putinin Donbasdakı qoşunları şəxsi nəzarətinə götürməsi haqda məlumatı özəl mənbədən aldığını vurğulayır.

Bildirilir ki, Vladimir Putin, eləcə də Rusiya Silahlı Qüvvələri Baş Qərargahının rəisi Valeri Gerasimov xüsusilə gənc zabitlərin qəbul etmək istədiyi taktiki qərarlara qarışır, bu sayaq qərarların qəbulunda birbaşa iştirak edirlər.

Qəzetə məlumat ötürən mənbənin dediyinə görə, Putinlə Gerasimov elə qərarların qəbuluna müdaxilə edirlər ki, həmin qərarlar uzağı polkovnik rütbəli zabitlər səviyyəsində qəbul olunmalıdır.

Rusiya Silahlı Qüvvələrinin ali baş komandanı ilə baş qərargah rəisinin hədsiz müdaxiləsinin əslində rus bölmələrinin Donbasda irəliləməsinə mane olduğu da qeyd edilir.

“The Telegraph” yazır ki, Qərb rəsmiləri və analitikləri rus qoşunlarının Donbasda Kremlin arzuladığı səviyyədə uğur qazana bilməməsinin səbəblərindən birini elə Kremlin hər kiçik qərara müdaxilə etməsi ilə əlaqələndirirlər.

Qəzet Qərb liderlərinin, o cümlədən ukraynalıların get-gedə Rusiyanın müharibəni uduzacağına daha çox inanmağa başladığını da vurğulayır: “Kiyevdə bəziləri Ukrayna ordusunun ilin sonunadək Rusiya üzərində qələbə çalacağını düşünür”.

ABŞ-dakı analitik mərkəzlərdən birinə istinad edən “The Telegraph” bildirir ki, fevralın 24-də Ukraynada müharibəyə başlayandan bəri Rusiya prezidenti Vladimir Putin iki dəfə iddialarını azaldıb, daha dar çərçivədə hədəf seçməyə məcbur olub. Yəni Putinin hazırda Ukraynaya yeritdiyi ordusu qarşısında qoyduğu hədəf müharibənin ilk günündə müəyyənləşdirdiyi məqsəddən xeyli kiçikdir: “Moskva artıq Ukrayna paytaxtı Kiyevi ələ keçirmək istəyindən vaz keçib və ölkənin şərq bölgəsində – Donbasda nəzarəti tam ələ almaq məqsədini seçib.

ABŞ-ın Müharibə Araşdırmaları İnstitutunun son qiymətləndirməsinə görə, Kreml əlavə qüvvəyə ehtiyac duyduğundan ayrı-ayrı silahlı birləşmələrin, hüquq mühafizə orqanlarının resurslarından da yararlanmaq məcburiyyətində qalıb”.

2014-cü ildə Rusiya Ukraynanın Krım yarımadasını zəbt edərək özünə birləşdirib, Donetsk və Luqansk vilayətlərinin bir hissəsini də tutaraq hər iki ərazidə separatçı rejimlər qurub.

2022-ci il fevralın 21-də Rusiya Donetsk və Luqansk vilayətlərində qurulmuş rejimləri müstəqil dövlətlər kimi tanıyıb, fevralın 24-dən isə Ukraynada total hərbi əməliyyatlar aparır. Yeni işğal dalğasında Donetsk, Luqansk, Xarkov, Xerson, Nikolayev, Zaporojye vilayətlərində bir çox ərazi Rusiyanın nəzarətinə keçib.

Fevralın 22-dən başlayaraq dünya birliyi Rusiyaya 4 mindən çox sanksiya tətbiq edib. Həmin vaxta qədər Rusiyanın üzərində 2,8 minə yaxın sanksiya olub.

Xəbərin oxunma sayı : 925