AzFakt

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Qadınları liftdə tutan manyakın şok əməlləri: “Dediyimi etməsən...“


Tarix 22.04.20, 22:08	Font ölçüsü : - / +

Bakıda silsilə cinayətlər törətməkdə təqsirli bilinən 1984-cü il təvəllüdlü İlkin Qasımovun cinayət işi üzrə məhkəmə prosesi başa çatıb. Məhkəmə onun silsilə cinayətlərini araşdırıb

Teleqraf.com-un xəbərinə görə, İlkin Qasımov 2013-cü il dekabrın 8-də Keşlə qəsəbəsində Namiq Əliyevin işlətdiyi “Kəpəz” kafesinə gəlib.

O, kafedə istirahət edən Ceyhun Kərimov, Cavidan Ağayev, Murad Şükürovun 3 qadınla br masada əyləşdiyi zala daxil olub. Orada Murad Şükürovun qadınlardan biri ilə etdiyi söhbətə heç bir səbəb olmadan qarışaraq mübahisə edib.

İlkin Ceyhun Kərimovla da mübahisəni davam etdirib, kafedəkilərin istirahətini pozub, səs-küy salıb. Daha sonra əsaslı səbəb olmadan Ceyhun Kərimovu kafedən bayıra çıxarıb, taxta parçası ilə onun baş nahiyəsinə zərbələr endirib. Bu zaman kafenin sahibi Namiq Əliyev də İlkinə kömək edib, taxta ilə Ceyhun Kərimovu vurub.

Təsadüfü tanışlıq

Bundan başqa, İlkin Qasımov Abşeron rayonunun Mehdiabad qəsəbəsində yerləşən mağazada təsadüfən tanış olduğu İradə Məmmədovaya (qadınların ad və soyadları şərti verilib – red.) özünü taksi sürücüsü Ayxan kimi təqdim edərək mobil telefon nömrəsini ona verib, istədiyi vaxt xidmətindən istifadə etməsini təklif edib.

28 fevral 2014-cü il tarixdə, saat 20 radələrində İradə Məmmədovanın xahişi ilə taksi sürücüsü kimi idarə etdiyi “Mercedes E-320” vasitəsi ilə onu Sabunçu rayon Polis İdarəsinin Zabrat qəsəbəsində yerləşən Dövlət Yol Polisi şöbəsinin inzibati binasının qarşısından götürüb.

Oteldə cinsi əlaqədə olmaq niyyəti

İradə Məmmədovanı metronun “Neftçilər” stansiyasının yaxınlığına aparıb. Sonra zor tətbiq etməklə onunla cinsi əlaqədə olmaq niyyəti ilə Babək prospektində yerləşən “Günəşli Otel”ə gətirib.

İradə Məmmədova İlkin Qasımovun niyyətini başa düşüb və otelə girməkdən imtina edib, maşından düşmək istəyib. İlkin maşını sürərək qadına imkan verməyib.

O, İradə Məmmədovanı evə aparacağına söz verməklə aldadaraq saat 21.30-da cinsi əlaqədə olmaq məqsədlə münasib yer hesab etdiyi Nizami rayonunda həyət evinin hasarının yanına aparıb, orada onun avtomaşından düşməsinin qarşısını almaq üçün maşının şüşələrini qaldırıb, sağ qapını daş hasara sıxıb.

Avtomobildə zorakılıq

İlkin Qasımov İradə Məmmədovadan cinsi əlaqədə olmağı tələb edib. Qadın bundan imtina edib. İlkin onun oturduğu oturacağı arxaya çəkib və özünə yer edib. Onun qarşısına keçib, oturacağın söykənəcəyini aşağı endirərək qadını arxası üstə uzadıb, zor tətbiq etməklə əynindəki paltarının ətəyini yuxarı qaldıraraq onu soyundurub.

Daha sonra özü də soyunaraq niyyətini həyata keçirmək istəyib. İradə Məmmədova əlləri ilə özünü müdafiə edərək müqavimət göstərib.

Qadın belə xilas oldu

Qadının müqavimətini görən İlkin Qasımov özündə olan qatlanan cib bıçağını nümayiş etdirib, onu öldürməklə hədələyib. Bu hərəkətləri ilə İradə Məmmədovanın müqavimətini qıraraq, onunla cinsi əlaqədə olub. Bu zaman yaxınlıqda avtomaşın dayandığı üçün tutulacağından ehtiyat edərək qalxıb və sükan arxasına keçib.

Başqa əlverişli yerə getmək üçün oradan uzaqlaşmaq məqsədi ilə avtomaşını geriyə verib. Avtomaşın hasardan aralandıqda İradə Məmmədova fürsətdən istifadə edib və avtomaşından düşərək qaçib.

Gözəllik salonundan çıxan qadını izlədi

İlkin Qasımov 26 mart 2014-cü il tarixdə Bakı metropoliteninin “Elmlər Akademiyası” stansiyasının yaxınlığında olarkən “Şəfa studio” gözəllik salonundan çıxan və piyada gedən Nuranə Əsədovanı görüb və onu zorlamaq qərarına gəlib.

Bu məqsədlə qadını izləyib, qadın yaşadığı binanın 3-cü blokunda yerləşən liftə daxil olub və 6-cı mərtəbənin düyməsini basıb.

Bu zaman İlkin Qasımov bağlanmaqda olan liftin qapısını əli ilə saxlayaraq ora daxil olub, “stop” düyməsini basaraq liftin hərəkətini dayandırıb.

Liftin içərisində Nuranə Əsədovaya cinsi əlaqədə olmaq istədiyini bildirib. Qadın onu özündən kənara itələyib, aşağı oturmaqla qışqırıb, qonşuları köməyə çağıraraq müqavimət göstərib.

Liftdə zorakılıq

İlkin Qasımov Nuranə Əsədovanın müqavimətini qıraraq onunla cinsi əlaqədə olmaq üçün şərait yaratmaq məqsədi ilə qadının çiyinlərindən tutub yuxarı qaldırmaq istəyib. Lakin Nuranə Əsədova liftin içərisində uzanmaqla müqavimətini davam etdirib.

İlkin Qasımov əlləri ilə Nuranə Əsədovaın baş nahiyəsinə çoxsaylı zərbələr vurub, ona xəsarət yetirib. Zorakılıqla Nuranə Əsədovanın müqavimətini qırmağa çalışıb, hər iki qoltuğundan tutub qaldırıb, amma Nuranə Əsədovanın müqavimətini qıra bilməyib. Nəhayət, lifti 1-ci mərtəbəyə qaytarmaqla hadisə yerindən qaçıb.

Qadından xoşu gəldi, zorlamaq qərarı verdi

Bundan sonra İlkin Qasımov Yasamal rayonu, Şərifzadə küçəsində yaşayan Gülzar Bəkirovanı əvvəllər bir neçə dəfə görüb. Xoşu gəldiyi üçün zorlamaq məqsədi ilə onu güdərək işdən evə gəlib-getmə vaxtını, marşrut və yollarını öyrənib.

Daha sonra idarə etdiyi “Mercedes”lə Gülzar Bəkirovanın işlədiyi turizm şirkətinin binası qarşısına gəlib, onu orada gözləyib.

Gülzar Bəkrova işdən çıxıb Axundov adına bağdakı dayanacaqdan 77 saylı marşrut avtobusu ilə evinə gedərkən avtobusun arxasınca gəlib.

İşə gedib-gəlməsini izlədi

Gülzar Bəkrirova Şərifzadə küçəsindəki dayanacaqda avtobusdan düşüb, piyada evinə yollanıb. İlkin onun arxasınca düşüb. Gülzar Bəkirova binanın giriş qapısında domofonun şifrəsini açıb və bloka daxil olanda qapını tutan İlkin Qasımov da içəri daxil olub.

İlkin Qasımov liftin gəlməsini gözləyən Gülzar Bəkrirovaya zor tətbiq etməklə onunla cinsi əlaqədə olmaq məqsədi ilə arxadan başının sol gicgah nahiyəsinə bir yumruq zərbəsi vurub.

Liftdə qadının başına oyun açdı

Daha sonra qadını kürəyindən itələyərək liftin kabinasına salıb. Orada Gülzar Bəkirovaya niyyətini açıqca bildirib, “stop” düyməsini basıb, liftin hərəkətini dayandırıb. Qadın qışqıraraq qonşuları köməyə çağırmaqla, əlləri ilə onu özündən kənara itələməklə müqavimət göstərib.

Gülzar Bəkirovanın qollarını tutan İlkin Qasımov onun başına, sifətinə, burnuna qüvvətli zərbələr vurub, ona xəsarət yetirib.

Səs-küyləqonşuları köməyə çağıran Gülzar Bəkirovanın müqavimətini qıra bilmədikdə İlkin Qasımov zor tətbiq etməklə seksual xarakterli hərəkətlər etmək qərarına gəlib.

O, Gülzar Bəkirovanın üzünü arxaya çevirib, ətəyini yuxarı qaldıraraq “səninlə belə olacam” deyərək məqsədini həyata keçirməyə başlayıb.

Şiddətli zorakılıq və cinsi ehtiras

Bu vaxt “stop” komandası altında olan liftin işığı sönüb, Gülzar Bəkirova yenidən qışqıraraq qonşuları köməyə çağırmaqla və əli ilə paltarlarını tutaraq imkan verməməyə çalışıb. İlkin Qasımov liftin düyməsini basaraq işığı yandırıb və Gülzar Bəkirovanın üzünü özünə tərəf çevirib, əlləri ilə baş nahiyəsinə zərbələr vurmaqla müqavimətini qırarıb. Ondan əxlaqız hərəkətlər etməyi tələb edib.

Gülzar Bəkirova bundan da imtina edib. O, əlləri ilə Gülzar Bəkirovanın baş və sifət nahiyələrinə daha bərk zərbələr vurub.

Ağrıdıcı zərbələrə dözməyən Gülzar Bəkirova əli ilə onun cinsi ehtirasını təmin edib. Istəyinə çatan İlkin Qasımov lifti birinci mərtəbəyə endirərək hadisə yerindən qaçıb.

“Səninlə cinsi əlaqədə olmaq istəyirəm”

İlkin Qasımov əvvəllər tanımadığı Səmayə Yusifovanın yaşadığı evə gedərkən Bakı metropoliteninin “Nərimanov” stansiyasının yaxınlığında təsadüfən görüb və onu zorlamaq məqsədi ilə izləyib.

Səmayə Yusifovanın arxasınca yaşadığı binanın 4-cü blokuna, sonuncu liftə daxil olandan sonra isə bağlanmaqda olan liftin qapısını əli ilə tutaraq saxlayıb, kabinaya daxil olub.

İlkin Qasımov lifti yuxarı qaldırmaq məqsədi ilə lövhədəki rəqəmlər pozulduğu üçün görsənməyən və özünün bilmədiyi 3-cü düyməni basıb, lifti hərəkətə gətirib və Səmayə Yusifovaya “səninlə cinsi əlaqədə olmaq istəyirəm”, - deyə məqsədini bildirib.

“Ailəliyəm, körpə uşağım var, mənə toxunma”

Bu zaman İlkin Qasımovun özünün də gözləmədiyi halda binanın 3-cü mərtəbəsində lift dayanıb. 5-ci mərtəbəyə qalxmalı olan Səmayə Yusifova ondan qaçmaq məqsədi ilə lift meydançasına çıxarkən o da qadının arxasınca çıxıb.

İlkin Qasımov meydançada Səmayə Yusifovaya zor tətbiq edib, cinsi əlaqədə olmaq məqsədi ilə qolundan tutaraq divara sıxıb. Səmayə Yusifova “ailəliyəm, körpə uşağım var, mənə toxunma”, - deyərək yalvarıb. O, əlləri ilə Səmayə Yusifovanın sinəsini sıxıb, istəyini təkrar bildirib.

“Səni öldürüb, yerə ataram”

Bu vaxt Səmayə Yusifova bərkdən qışqıraraq qonşuları köməyə çağırmaqla müqavimət göstərib. İlkin Qasımov yumruğunu havada yelləyərək “səni öldürüb, yerə ataram”, - deyərək hədə-qorxu gəlib, onun müqavimətini qırmaq istəyib.

Lakin Səmayə Yusifova dayanmadan qışqırıb, qonşuları köməyə çağırıb. Səs-küyə ora qonşuların gələcəyini firikləşən İlkin Qasımov çirkin niyyətini həyata keçirmədən oradan qaçıb.

Daha sonra İlkin Qasımov yetkinlik yaşına çatmayan şəxs olduğu aydın görünən, orta məktəbin 9-cu sinif şagirdi Mahirə Səmədovanı təsadüfən Nəsimi rayonunda evin yaxınlığında görüb. Onu zorlamaq məqsədi ilə izləyib.

Binanın 4-cü blokuna giriş qapısının astanasında dayanaraq Mahirə Səmədovanın liftə daxil olmasını gözləyib. Sonuncu liftə daxil olaraq yaşadığı mənzilə qalxmaq üçün 8 düyməsini basdıqdan sonra liftin bağlanmaqda olan qapısını tutan İlkin Qasımov da kabinəyə daxil olub.

“Gəl səninlə bir dəfə cinsi əlaqədə olaq, səni buraxım”

İlkin Qasımov Mahirə Səmədovadan mobil telefon nömrəsini tələb edib. Sonuncu onu oğru kimi qəbul edərək çantasından “Nokia Lumia 920” markalı mobil telefonunu çıxarmaq istəyib.

Bu zaman İlkin Qasımov telefon cihazını yox, telefon nömrəsini istəyib. Mahirə Səmədova telefon nömrəsini demədən yalvararaq onu buraxmağı xahiş edib. O, isə hərəkətdə olan liftin daxili qapısını aralamaqla hərəkətini saxlayıb, “gəl səninlə bir dəfə cinsi əlaqədə olaq, səni buraxım”, - deməklə niyyətini Mahirə Səmədovaya bildirib. Sonuncu “özümü öldürərəm, belə şeyə yol vermərəm”, - deyə etirazını bildirib.

lkin Qasımov Mahirə Səmədovaya zor tətbiq etməklə, onunla cinsi əlaqədə olmaq məqsədi ilə əlini tutub bərk sıxıb, qız qışqıraraq qonşuları köməyə çağırıb, müqavimət göstərib.

İlkin Qasımov “bıçaqla səni doğrayaram” deyərək öldürməklə Mahirə Səmədovanı hədələyib, onun müqavimətini qıraraq əynindəki məktəbli formasının koftasını çıxarmaq istəyib.

“Liftdən bayıra lüt çıxaracağam”

Mahirə Səmədova onun hər iki əlindən bərk yapışıb və özündən kənara itələyib, daha bərk qışqıraraq qonşuları köməyə çağırıb. İlkin Qasımov isə Mahirə Səmədovanın müqavimətini qırmaq üçün “qışqırmaqda davam eləsən sənin paltarlarını soyundurub, liftdən bayıra lüt çıxaracağam”, - deyə zor tətbiq etmə hədəsini davam etdirib.

O, Mahirə Səmədovanın müqavimətini qıra bilməyib, niyyətini başa çatdırmadan hadisə yerindən qaçıb.

İstintaq orqanı tərəfindən İlkin Qasımovun barəsində Cinayət Məcəlləsinin 127.2.3-cü (ümumi təhlükəli üsulla və ya xuliqanlıq niyyəti ilə qəsdən sağlamlığa ağır zərərvurma), 29,149.2.3-cü (təqsirkar şəxs üçün aşkar surətdə yetkinlik yaşına çatmayan şəxsi zorlamağa cəhd), 29,149.2.4-cü (ərərçəkmiş şəxsi və ya başqa şəxsləri öldürmə və ya sağlamlığa ağır zərər vurma hədəsi ilə, habelə xüsusi amansızlıqla zorlamağa cəhd), 29,149.2.5-ci (təkrar zorlamağa cəhd), 150.2.4-cü (zərərçəkmiş şəxsə və ya başqa şəxslərə qarşı xüsusi amansızlıqla seksual xarakterli hərəkətlər törətmək) və 221.3-cü (xuliqanlıq) maddələri ilə ittiham elan edilib.

Bakı Ağır Cinayətlər Məhkəməsinin hökmü ilə İlkin Qasımov 13 il 6 ay müddətinə azadlıqdan məhrum edilib.

Hökmdən narazı qalan İlkin Qasımov apelyasiya şikayəti verib. O, cəzasının yüngülləşdirilməsini xahiş edib.

Bakı Apelyasiya Məhkəməsinin qərarı ilə onun apelyasiya şikayəti təmin olunmayıb. Bu qərardan narazı qalan İlkin Qasımov kasasiya şikayəti verib. Ali Məhkəmədə işi araşdıran hakimlər onun kasasiya şikayətini də təmin etməyib.

Xəbərin oxunma sayı : 787