AzFakt.com "Qafqazinfo"ya istinadən  xəbər verir ki, onlar arasındakı mübahisə bacının işdən evə gec qayıtması üstündə yaranıb. Anar Məsimov mətbəx bıçağı ilə qadına bir neçə zərbə vurub və o, ağır xəsarətlərdən hadisə yerində keçinib. 

 

Amma Nigar Məsimovanın yaxınlarının sözlərinə görə, o, işdən hər gün 8-də gəlirmiş və qətli törədən Anar Məsimov psixi xəstəlikdən əziyyət çəkir. 

 

Hadisədən sonra evi tərk edən Məsimov Yasamal rayon Polis İdarəsinin əməkdaşlarının keçirdikləri əməliyyat-axtarış tədbirləri nəticəsində saxlanılaraq istintaqa təhvil verilib.

 

****

Mayın 6-na keçən gecə Bakıda qətl törədilib. Lent.az xəbər verir ki, Yasamal rayonu Ə.Haqverdiyev küçəsində 1986-cı il təvəllüdlü Məsimov Anar Akif oğlu bacısı, 1985-ci ildə anadan olmuş Nigar Məsimovanı çoxsaylı bıçaq zərbələri ilə qətlə yetirib.

 

Bildirilir ki, hadisə qısqanclıq zəminində baş verib. Anar Məsimov tutularaq istintaqa cəlb edilib.

 

Faktla bağlı Yasamal rayon Prokurorluğunda Cinayət Məcəlləsinin 120.1-ci (qəsədən adam öldürmə) maddəsi ilə cinayət işi başlanılıb, araşdırmalar davam etdirilir.