AzFakt

Yüksək faiz, qanunsuz girov: “S Lombard”ı kim himayə edir?

“Azəraqrar”da qalmqal - “Nazirin komandiri” yeni direktora qarşı...

Məmurların adından “təcili” pul istəyirlər - DTX araşdırma aparır

Sabiq sədr Almaniyada tikinti biznesinə başlayıb - Şərikli bina tikir + FOTO

Məmməd Musayevlə əlbir olub 100 milyonu “yeyiblər” - Vəzifəli şəxslər həbs edildi

“Qardaşımla birgə 16 milyon vermişik” - Tale Heydərovun ifadəsi oxundu

Deputat Cavanşir Feyziyev Londonda milyonluq mülklər alıb - SİYAHI

Saleh Məmmədov 1 ilə 176 milyon manat artıq vəsait xərcləyib - RƏSMİ

Leysan Məmmədovun fəaliyyəti araşdırılacaq….- Milyonlar necə xərclənir?

“Azəraqrar”ın əsl rəhbəri kimdir? - Nazirin sabiq komandirinin maaşı 7 dəfə artırılıb?

Bizim iradəmizə qarşı çıxanın başı əziləcək - Azərbaycan Prezidenti

Maliyyə Nazirliyi AAYDA yoxlama aparır - Ciddi yeyintilər aşkarlanıb

Vensin Azərbaycana səfəri: Zəngəzur dəhlizinin müzakirələri yeni mərhələdə

Sovet təhsil elitası və cavabsız qalan suallar:Rektor 6 il sonra universitetə necə daxil olub?

Sabiq məmur və şəriki İraqa apardıqları biznesmenin başına nə oyunlar açıb? - Ərəblərə bahalı hədiyyə...


Tarix 10.01.20, 18:26	Font ölçüsü : - / +

Bakı Şəhər İcra Hakimiyyətinin sabiq əməkdaşı ilə əlbir olaraq külli miqdarda dələduzluq etməkdə təqsirləndirilən şəxs hakim qarşısına çıxarılıb.

Musavat.com xəbər verir ki, Bakı Ağır Cinayətlər Məhkəməsində dələduzluqda təqsirləndirilən 1963-cü il təvəllüdlü Əjdər Əsgərovun cinayət işi üzrə məhkəmə iclası keçirilib.

Hakim Əli Məmmədovun sədrliyi ilə keçirilən məhkəmə iclasında dələduzluq hadisəsinin təfərrüatları məlum olub.

İttihama görə, Əjdər Əsgərov tanışı Azad Rufullayevlə əlbir olaraq Azad Şərifova qarşı külli miqdarda dələduzluq edib. Bu işdə zərərçəkən digər şəxs isə Etibar Mustafayevdir.

Cinayət hadisəsi baş verən ərəfədə Bakı Şəhər İcra Hakimiyyətində çalışan Azad Rufullayev tanışı Əjdər Əsgərovla birlikdə Azad Şərifova İraqda biznes qurmağı təklif ediblər.

Bu məqsədlə də ondan 361 min dollar pul alıblar. Bu işə görə ilk olaraq Azad Rufullayev həbs edilib. Azad Rufullayev Bakı Ağır Cinayətlər Məhkəməsinin hökmü ilə şərti cəza alaraq azadlığa çıxıb.

O, dəymiş zərərin 300 min dollarını ödəyib.

Azad Rufullayevə qarşı Cinayət Məcəlləsinin 178.2.1-ci (qabaqcadan əlbir olan bir qrup şəxs tərəfindən törədildikdə), 178.3.2-ci (dələduzluq; külli miqdarda törədildikdə) və 312-ci (rüşvət vermə) maddələri ilə ittiham irəli sürülmüşdü.

Əjdər Əsgərova qarşı isə dələduzluq maddəsi ilə ittiham irəli sürülüb.

Təqsirləndirilən Əjdər Əsgərovun cinayət işi üzrə keçirilən sonuncu məhkəmə iclasında zərərçəkmiş Azad Şərifov ifadə verib.

Azad Şərifov necə aldadılmasını, başına açılan oyunları məhkəmədə ətraflı şəkildə danışıb.

O deyib ki, hadisədən bir müddət əvvəl tanışı Azad Rufullayev ona zəng edərək görüşməyi təklif edib. Görüşdə Əjdər də iştirak edib:

"Bizneslə bağlı söhbətlərimiz oldu. Mən sahibkarlıq fəaliyyəti ilə məşğul olurdum. Əsasən tikinti materialları satır, tikinti işləri görürdüm. Azad mənə dedi ki, Əjdər illərdir İraqda bizneslə məşğuldur. Mənə təkid edirdilər ki, niyə bu işlə məşğul olmuram? Mənə ərkyana dedilər ki, niyə ac qalmısan? Həmin gün axşam da restoranda yenidən görüşdük. Söhbətimizin davamında mənə dedilər ki, orada da tikinti materiallarının satışı ilə məşğul ola bilərəm. Mənə yaxşı qazanc əldə etməyi vəd edirdilər. Mən sonradan anladım ki, bunlar məni ora getməyə sövq edirdilər.

Azad Rufullayev dedi ki, Əjdərin İraqda çox yaxşı əlaqələri var. Orada Reqani və Novruzi adlı şəxslər var idi. Mənə dedilər ki, onların böyük tikinti işləri var və qazancım əla olacaq. Mən də buna çox sevindim. Çünki devalvasiya və böhran idi. Elə çətin bir vaxtda bu cür imkanlar açılmasına çox sevinmişdim. Hətta fikirləşirdik ki, qazancımızı hara yerləşdirəcəyik.

Münasibətlər çox səmimi idi. Bu işdə iki nəfər var idi. Əjdər və Azaddan başqası olmayıb. Baş rolda isə Azad idi. Mən Əjdərin həbs edilməsini istəmirdim. Gediş-gəliş, münasibətlər çox yaxşı idi. Mənə dedilər ki, artıq İraqa getmək lazımdır. Səfər ərəfəsində Azad dedi ki, 200 min dollar verməliyəm. Ora gedəndə hədiyyə alınacaq. Azad Əjdərin həmin pulla guya ərəblərə hədiyyə alacağını söylədi. Azad hələ mənə ironiya ilə dedi ki, ərəblərə pul lazımdır? Onlara qızıldan hədiyyə alınacaq. Mən də dedim ki, biz ora acından gedirik. Bu qədər pulumun olmadığını dedim. Azad söylədi ki, qazanılacaq milyonların yanında bu nədir ki? Mən də fikirləşdim ki, həqiqətən də qazancın yanında bu pul nədir ki? Amma 200 min yox, 100 min düzəldə biləcəyimi dedim. Azad bildirdi ki, 50 min də üstünə özü qoyacaq. Mən də razılaşdım. Hətta Azad dedi ki, pul qazanandan sonra mənə 50-60 min də artıq verərsən. Mən də razılaşdım.

Birlikdə İraqa getdik. Əjdər bizi yüksək səviyyədə qarşıladı. Bir neçə nəfərlə görüşdük, məclislər təşkil edildi. Sonra Reqani adlı şəxslə də görüşdüm. Məni bir neçə villa və binaların tikildiyi yerə apardılar. Mən gördüm ki, binaları tor basıb. Mən Azada dedim ki, burada iş çoxdan dayanıb. Azad dedi ki, yox, yeni dayanıb".

Zərərçəkmişin dediklərindən məlum olub ki, aldadıldığını elə İraqda olanda bilib: "Bir neçə gün sonra mən görüşdə Reqani ilə danışdım. Mənə dedi ki, siz burada nə iş görəcəksiniz? Təəccübləndim ki, mənim bura niyə gəldiyimi bilmir? Mən dedim ki, burada satış işləri ilə məşğul olacam. O isə məni oraya bina tikmək üçün getdiyimi bilirmiş. Buna görə də məyus oldu. Elə ona görə də bizə münasibəti dəyişdi. Biz orada tikinti işləri görə bilməzdik. Çünki o qədər pulumuz yox idi. Həmin tikintiləri tamamlamaq üçün milyonlar lazım idi.

Daha sonra orada inşa edilən ticarət mərkəzində bizə tikinti materiallarının satışı üçün mağaza veriləcəkdi. Həmin mağazanın 6 aylıq icarə haqqı üçün məndən 56 min dollar istədilər. Mən də pulu Bakıda Azada verdim. Ümumi orada görülən işlərə görə 361 min dollar xərcimiz çıxdı. Sonra mağaza da işləmədi. Biz məcbur 6 aylıq pulu ödədik".

Suallardan məlum olub ki, Azad Rufullayev 300 min dolları öz məhkəməsində Azad Şərifova ödəyib. Buna görə də Şərifovdan şikayəti olmadığını deyib.

Amma məlum olub ki, Azad Şərifov indi gördüyü işdən düşdüyü ziyana görə əlavə olaraq 295 min dollar və Azad Rufullayevdən qalan 61 min dolları tələb edir.

Məhkəmə araşdırması davam etdirilir.

Xəbərin oxunma sayı : 964