Evli kişi ilə ailəli olan Şəbnəmin yeni doğulan körpəsinin ilk FOTOLARI Emin: “Trampla yanvarda əlaqə saxlamışam, bizi yaddan çıxarmır...” Emin Ağalarov Moskvada televiziyaya gələrək, balaca Xoşqədəmi dəstəklədi “8 ildir ki, gecə həyatım yoxdur” - Zamiq
Axtar
 
  • / Maqazin / — 28 Mart 2017

    Evli kişi ilə ailəli olan Şəbnəmin yeni doğulan körpəsinin ilk FOTOLARI

  • / Dünya / — 21 Mart 2017

    Emin: “Trampla yanvarda əlaqə saxlamışam, bizi yaddan çıxarmır...”

  • / Maqazin / — 20 Mart 2017

    Emin Ağalarov Moskvada televiziyaya gələrək, balaca Xoşqədəmi dəstəklədi

  • / Maqazin / — 14 Mart 2017

    “8 ildir ki, gecə həyatım yoxdur” - Zamiq

  • / Maqazin / — 12 Mart 2017

    Azərbaycanlı müğənninin konsertində silahlı insident

  • / Maqazin / — 11 Mart 2017

    Bu da Ceniferin yeni sevgilisi - FOTO

Türkiyədə nə baş verir? - ŞƏRH

Tarix 05.11.16, 14:40

Font ölçüsü : - / +
bitmap-img6


Türkiyədə Xalqların Demokratik Partiyasından olan deputatlara qarşı əməliyyatlar davam edir. Məhkəmənin qərarı HDP-nin həmsədri Səlahəddin Dəmirtaş, Türkiyə Böyük Millət Məclisinin vitse-spikeri Figən Yüksəkdağ daxil olmaqla 8 millət vəkili həbs olunub. Onlar PKK-ya silah və maliyyə yardımı göstərilməkdə ittiham edilirlər. 

HDP-dən seçilən millət vəkillərinin həbsindən danışan Türkiyənin xarici işlər naziri Mövlud Çavuşoğlu onları PKK terror təşkilatına silah və maliyyə yardımı etməkdə ittiham edib: “HDP-ni təmsil edən bələdiyyə sədrləri dövlət büdcəsindən ayrılan pulları PKK-ya verir. Əhaliyə xidmət üçün nəzərdə tutulan və alınan texnikadan PKK-nın bomba yerləşdirməsi, mina basdırması, xəndək qazması üçün istifadə edilir”.

Türkiyədəki prosesləri şərh edən “Atlas” Araşdırmalar Mərkəzinin rəhbəri, politoloq Elxan Şahinoğlu deyib ki, indiyə qədər HDP-li deputatların heç biri “PKK yanlış edir”, “biz terrora qarşıyıq” və ya “günahsız insanları öldürmək doğru deyil” kimi ifadələr səsləndirməyib: “Onlar terrorçuları “gerilla” və ya “savaşçı” adlandırırlar. HDP PKK ilə arasında məsafə qoymadı. Belə vəziyyətdə Türkiyə dövləti nə etməlidir? Bölgədə gərgin vəziyyət yaranıb. Türkiyə müxtəlif istiqamətlərdən təhlükələrlə üz-üzədir, PKK, YPG, PYD, İŞİD-lə mübarizə aparır. Türkiyə terrorçularla bu mübarizəni apararkən, ölkəni daxildən qarışdırmaq istəyən “5-ci kolonun” fəaliyyətinə seyrçmi qalmalıdır?”

Politoloq hesab edir ki, Türkiyədə yaşayan kürdlər səslərini çıxartmalıdırlar, onlar kiminlə olmaq istəyirlər: terrorçuların siyasi qanadı kimi çıxış edən partiyanımı Böyük Millət Məclisində görmək istəyirlər, yoxsa fərqli bir partiya yaradıb, öz haqlarının daha məqbul yolla artırılmalarına çalışmalıdırlar: “Türkiyə bu gün hakimiyyətdə AKP yox CHP olsa belə radikal kürdlərin əməllərinə seyrçi qalmayacaq. Əslində radikal kürdlər şansı qaçırdılar. AKP hakimiyyətə gəldiyi ilk illərdə kürdlərin xeyli haqlarını tanıdı, “barış sürəci” deyilən siyasət həyata keçirildi. Ancaq sonrakı mərhələdə aydın oldu ki, radikal kürdlərə problemlərin həlli yox, Türkiyə ərazisində “kürd dövləti” yaratmaq lazım imiş. Ankaraya aydın oldu ki, partlayışlar törədənlərlə və insanları qətlə yetirənlərlə diskussiya aparmağın xeyri yoxdur, onları yalnız neytrallaşdırmaq lazımdır, necə ki, indi bu prosesi müşahidə edirik”. 

Son vaxtlar mürəkkəb durumun yarandığını qeyd edən politoloq Fikrət Sadıqov hesab edir ki, Türkiyə stabil dövlət olmağı hədəfləyirsə, belə ünsürlərdən təmizlənməlidir: “Aydındır ki, HDP PKK-nın siyasi qanadıdır. Bu partiyadan olan milllət vəkilləri PKK-yə nəinki mənəvi, hətta siyasi və maddi dəstək verir. Hesab edirəm ki, rəsmi Ankara və türk xalqı stabil bir vəziyyətdə yaşamaq istəyirsə, xalqa qarşı olan bütün ünsürləri aradan götürməlidir”.

F.Sadıqov qeyd edib ki, baş verənlərdən sonra PKK Türkiyəni qana bulamağa cəhd edəcək: “Artıq bunun ilkin əlamətləri var. Ona görə də PKK sakit dayanmayacaq və ölkə ərazisində terror aktları törətməyə cəhdlər edəcək. Eyni zamanda Türkiyənin müstəqil siyasət yürütməsinə qarşı olan beynəlxalq güclərin baş verənlərə səssiz qalmayacağını düşünürəm. Təəsüflər olsun ki, belə mürəkkəb vəziyyət uzun müddət davam edəcək”.(azvision.az)



Xəbərin oxunma sayı : 103

loading...

Analiz

Xəbərlər

ARXİV
Əlaqə | Haqqıımızda